Beint í leiðarkerfi vefsins.
Ferðafélagið Útivist stendur fyrir fjölbreyttum ferðum árið um kring. Tilgangur félagsins er að stuðla að útivist fólks í hollu og óspilltu umhverfi.
Útivist býður upp á dagsferðir, helgarferðir, sumarleyfisferðir og kvöldfgöngur með Útivistargírnum. Einnig býður jeppadeildin upp á margar mismunandi ferðir jafnt sumar sem vetur. Allir ættu að finna eitthvað við sitt hæfi allt frá léttum gönguferðum upp í erfiðar fjallaferðir að sumri og vetri fyrir vel þjálfað fólk.
Helgarferðir eru eins og nafnið gefur til kynna ferðir sem taka heila helgi. Göngur yfir Fimmvörðuháls eru klassískar helgarferðir en einnig hafa margar aðrar ferðir hjá Útivist fest sig svo rækilega í sessi að þær eru fastur liður á ferðaáætluninni.
Lengri ferðir eru göngur þar sem gengið er í þrjá daga eða meira. Í þessari dagskrá má finna bæði þekktar gönguleiðir eins og Strútsstíg og Sveinstind-Skælinga, en einnig eru þarna nokkrar spennandi nýjungar.
Kaffi- og myndanefnd voru settar á stofn fljótlega eftir stofnun Útivistar. Markmið þeirra er að halda myndakvöld þar sem félagsmenn koma saman til að skoða myndir og hlýða á ferðasögur frá ferðum sem Útivist hefur staðið fyrir. Auk þess eru kynntar ferðir á nýjum slóðum. Oft eru fengnir utanaðkomandi aðilar til að kynna áhugaverð svæði.
Við gleymum ekki maganum. Kaffi og vöfflur á boðstólum!
Myndakvöld eru haldin fimm sinnum yfir vetrarmánuðina og njóta mikilla vinsælda. Allur ágóði af myndakvöldunum er nýttur til að efla félagið. Lengst af var hann settur í uppbyggingu aðstöðu félagsins í Básum á Goðalandi. Nú síðustu ár hefur ágóðanum verið varið í kaup og uppsetningu útsýnisskífu á Réttarfelli og glæsileg fræðsluskilti í Básum.
Öll herlegheitin kosta aðeins 2.000 kr. Gestir eru vinsamlegast beðnir að hafa handbært reiðufé því ekki er hægt að taka við greiðslukortum.
Fjallfarar Útivistar er hópur sem gengur saman eina dagsgöngu og eina kvöldgöngu í mánuði. Hópurinn er fyrir fólk sem hefur reynslu af gönguferðum og vill ganga dagleiðir sem eru í meðallagi langar og með nokkurri hækkun. Dagskráin yfir árið er tvískipt; annars vegar frá janúar til maí og hins vegar frá september til desember. Gönguleiðirnar eru fjölbreyttar að lengd og á hinum ýmsu svæðum.
Göngur Fjallfara eru frá miðlungs erfiðum upp í erfiðar göngur (2-3 skór). Mikilvægt er að hafa viðeigandi útbúnað og fatnað og hafa reynslu af að nota hann. Þátttakendur fá útbúnaðarlista og nánari upplýsingar um hverja göngu í sérstökum facebook hópi Fjallfara eða með tölvupósti fyrir þau sem þess óska.
Fararstjórar Fjallfara eru Hrönn Baldursdóttir, Margrét Harðardóttir, Ingvar Baldursson og Guðrún Svava Viðarsdóttir.
Athugið að dagskrá getur tekið breytingum með hliðsjón af veðurspá og aðstæðum hverju sinni.
Í jeppaferðum koma þátttakendur á eigin jeppum. Ferðast er í hóp undir leiðsögn fararstjóra sem hefur góða reynslu af þessari tegund ferðamennsku. Bæði er um að ræða vetrarferðir þar sem gerðar eru tilteknar kröfur um búnað jeppanna, svo og sumar- og haustferðir sem henta lítið breyttum eða óbreyttum jeppum.
Hefur þig alltaf langað til að geta gengið á fjöll og/eða taka þátt í lengri göngum en ekki látið verða af því? Þá er Útivistargírinn fyrir þig! Fjölmargir hafa tekið sín fyrstu skref í útivist og fjallgöngum með Útivistargírnum þar sem saman koma nýliðar og reynsluboltar í útivistinni.
Dagskrá Útivistargírsins haustið 2023 hefst 29. ágúst og stendur til 3. október. Göngurnar henta flestum sem geta hreyft sig með góðu móti sem og nýliðum í útivist og hvetjum við einnig þá sem vanari eru göngum að taka þátt nema annað sé tekið fram. Í kvöldgöngum er farið yfir grunnatriði í útivist og gönguferðum og fjölbreytt starfsemi Útivistar kynnt þar sem allir geta fundið eitthvað við sitt hæfi. Gönguleiðirnar eru fjölbreyttar og er tekið mið af veðri og færð hverju sinni.
Göngurnar taka 2–4 klukkustundir og koma þátttakendur sér á staðinn á einkabílum.
Þátttaka í göngunum er félagsmönnum Útivistar að kostnaðarlausu en æskilegt er að skrá þátttöku í hverja göngu fyrir sig í viðburði á Facebook. Kynntu þér Útivistargírinn á utivist.is, þar má finna dagskrá ásamt upplýsingum um skráningu.
Dagskrá vor 2023
Skíðaferðir eru í boði fram að vori og leitum við þangað sem vænta má góðra snjóalaga. Þær er að finna í dagskrá dagsferða og helgarferða, en einnig bendum við á að alltaf er möguleiki á að skíðaferðir séu settar á dagskrá með skömmum fyrirvara og því er um að gera að fylgjast vel með hér á heimasíðu Útivistar.
Fjallabrall er hópur fyrir öll þau sem hafa einhverja reynslu af fjallgöngum og vilja nota meiri tíma í að njóta íslenskrar náttúru. Gráðun ferðanna er 1-2 skór en í flestum ferðum er einhver gönguhækkun þó að hámarki 500 metrar. Að jafnaði eru farnar tvær ferðir í mánuði, ein dagsferð á laugardegi (með sunnudag til vara) og á miðvikudagskvöldi frá ágúst til júní. Miðað er við að fólk fari á eigin bílum í göngurnar nema annað sé tekið fram. Í kvöldgöngunum hittist hópurinn kl. 18 en í dagsgöngunum hittist hópurinn kl. 9 (einstaka sinnum kl. 8) og svo keyrir hópurinn í samfloti að upphafstað göngu. Í göngunum er farið yfir grunnatriði í útivist en auk þess fá þátttakendur fá útbúnaðarlista og nánari upplýsingar um hverja göngu í sérstökum facebook hópi Fjallabralls eða með tölvupósti fyrir þau sem þess óska.
Athugið að dagskrá getur tekið breytingum með hliðsjón af veðurspá og aðstæðum hverju sinni
Fararstjórar eru Hanna Guðmundsdóttir, Fríða Brá Pálsdóttir og Edda Sól Ólafsdóttir.
Brottför: kl. 19.00 frá Hálendismiðstöðinni í Hrauneyjum.
Vatnajökull heillar alltaf og ef vorið verður kalt og hagstætt til jöklaferða þá er um að gera að nota tækifærið. Ekið frá Hrauneyjum í mildri vorbirtunni sem leið liggur í hinn frábæra skála Jöklarannsóknarfélagsins í Jökulheimum. Snemma á laugardagsmorgni tökum við glímuna við jökulinn og stímum að Grímsfjalli með viðkomu á Pálsfjalli. Gufubaðið og grillið tekið af fullri alvöru. Eftir indælan nætursvefn í einum mest sjarmerandi skála á Íslandi, verður lagt af stað í morgunroðanum áleiðis heim. Hamarinn og fleiri áhugaverðir staðir skoðaðir á leiðinni, allt eftir því sem veður leyfir.
Farastjóri: Gylfi Jónu Arnbjarnarson
Brottför frá Mjódd kl. 9:00
Ekið er inn Sólheimaafleggjara. Gangan hefst við bæinn Vatnsnes og leiðin liggur um grösugt svæði upp í hlíðar Hestfjalls. Auðveld ganga á frekar fáfarið svæði. Mjög fallegt útsýni er af toppnum yfir suðurlandið og til fjalla norðan Þingvalla og Laugavatns. Einnig er útsýnið frábært yfir Hvítá þar sem hún rennur meðfram fjallinu að austan og sunnan og einstaklega blár liturinn á ánni nýtur sín hér. Vegalengd 10 km. Hækkun 260 m. Göngutími 5 – 6 klst.
Fararstjóri Hrönn Baldursdóttir
Gengið frá Ölveri upp á Blákoll, um Hrossatungur og þaðan upp á Rauðahnúkafjall. Áfram verður haldið að Svartahnjúk. Þaðan verður gegnið til baka niður að Skessusæti og síðan gengið undir Heiðarhorni með Leirá þar sem hún fellur í gili með undurfögrum fossum. Gangan endar við Kinnarhól. Vegalengd 20 km. Hækkun um 800 m. Göngutími 8 - 9 klst.
Brottför frá Mjódd kl. 7:00
Eyjafjallajökull er með hæstu fjöllum landsins þar sem hann rís tignarlegur yfir Eyjafjöllum. Upp á jökulinn verður farin svokölluð Skerjaleið frá Þórsmerkurvegi. Í fyrstu er bratt upp á Litlu Heiði en síðan aflíðandi upp með Skerjunum að gígbarminum hjá Goðasteini í 1580 m hæð. Gengið verður yfir jökulinn og komið niður að Seljavallalaug. Vegalengd 18-20 km. Hækkun 1500 m. Göngutími 9 klst.
Þessi gamla þjóðleið milli Hvalfjarðar og Skorradals hefst innarlega við norðanverðan Botnsvog. Farið framhjá heiðarvötnum og fossum. Gamlar vörður sem varða leiðina hafa verið endurreistar. Mjög fallegt útsýni er yfir Skorradal af brúninni ofan Vatnshorns þar sem farið verður niður. Vegalengd 15 km. Hækkun 400 m. Göngutími 6 klst.
Brottför frá Mjódd kl. 8:00
Ok er jökulnúin dyngja, ein sú stærsta sinnar tegundar hér á landi. Jökull var á fjallinu en hann hefur horfið nær alveg síðustu ár og er ekki talinn sem slíkur lengur. Gengið frá Langahrygg upp nokkuð grýtta en ekki bratta hlíð að gígnum. Þaðan verður haldið til vesturs að Auðsstöðum. Vegalengd 20-22 km. Hækkun 400-500 m. Göngutími 8-9 klst.
Á fáum stöðum í heiminum eru fleiri jarðfræðifyrirbæri og jafn aðgengileg á jafn litlu svæði og á Reykjanesskaga. Við kynnumst leyndardómum jarðvísindanna í fylgd staðkunnugs jarðfræðings. Jarðfræði á Reykjanesi skoðuð með Ástu Þorleifsdóttur jarðfræðingi. Ekið á milli staða og farið í stuttar gönguferðir. Við munum fara eftir aðstæðum því ástand mála á Reykjanesi breytist dag frá degi en skoða það sem merkilegast er að gerast í tengslum við þá atburði sem eru að ganga yfir og fleiri jarðfræðifyrirbæri sem eru dæmigerð fyrir Ísland en eru einstök á heimsvísu. Nánari dagskrá auglýst þegar nær dregur. Heildartími í ferð 7 – 8 klst.
Á Háhrygg eru gígar sem gusu í Nesjaeldum fyrir um 1900 árum síðan. Á þessari göngu er skemmtilegt útsýni yfir Þingvallavatn og nágrenni ofan af Hæðum sem er dyngja frá hlýskeiði fyrir um 115 þúsund árum. Gangan hefst við vatnstankana á Háhrygg og er gengið eftir hryggnum en síðan sveigt yfir í Sporhelludal. Að því búnu er gengið vestan við Hátind og Jórutind, upp á Lönguhlíð og upp á Hæðir. Þaðan er gengið niður að Svínahlíð þar sem vel ætti að sjá yfir Þingvallavatn. Að lokum er gengið að Heiðarbæ og gangan endar við gamla Þingvallaveginn. Vegalengd 15 km. Hækkun 200 m. Göngutími 6 klst.
Fararstjóri María Berglind
Brottför frá Mjódd kl. 19:00
Árleg næturganga Útivistar yfir Leggjabrjót um sumarnótt. Það er fátt betra en að vera á ferðinni á björtum sumarkvöldum. Þetta er greiðfær leið þó nafnið gefi annað til kynna. Frá Svartagili liggur leiðin um Öxarárdal að Myrkavatni og upptökum Öxarár. Síðan verður gengið um Leggjabrjót, með Sandvatni og um Hrísháls niður í Botnsdal. Þessi ferð er góð upphitun fyrir Jónsmessugönguna yfir Fimmvörðuháls. Vegalengd 16-18 km. Hækkun 500 m. Göngutími 6-7 klst.
Frá Mjódd kl. 9
Útivist verður með bækistöðvarferð í Skaftafell 20 – 23 júní. Gist verður í tjöldum á tjaldstæðinu Skaftafelli og gert út þaðan. Dagskrá mun ráðst nokkuð af veðri en frá Skaftafelli er urmull skemmtilegra gönguleiða. Má þar nefna leiðina inn í Morsárdal og í Bæjarstaðaskóg sem er einhver merkilegasti skógur landsins, með háum beinvöxnum birkitrjám og reynivið. Ganga upp á Morinsheiðina og á Kristínartinda sem eru 1118 metrar svíkur engan með stórkostlegu útsýni yfir jökla, fjöll og sanda.
frá Mjódd kl. 17:00
Um Jónsmessuhelgina er mikið um að vera á Fimmvörðuhálsi og í Básum. Þá er hin árlega Jónsmessuganga Útivistar yfir Fimmvörðuháls. Þessi ferð er einn af hápunktunum í starfi Útivistar ár hvert og allt kapp lagt á að gera hana ánægjulega fyrir alla þátttakendur. Lagt er af stað frá Reykjavík á föstudagskvöldi og gengið yfir Hálsinn um nóttina. Á leiðinni er stoppað á völdum stöðum og boðið upp á hressingu. Í dögun á laugardegi koma göngumenn niður í Bása þar sem tími gefst til að hvílast um stund. Um kvöldið er slegið upp grillveislu og kveiktur varðeldur þar sem Útivistargleðin ríkir.
Ath! Brottför kl. 17:00
frá Mjódd kl. 18:00
Ath!! Brottför kl. 18:00
Brottför frá Mjódd kl. 18
Af tindum Snæfellsjökuls er ógleymanlegt að upplifa sumarsólstöður þegar sólargangur er lengstur hér á norðurhveli jarðar. Gengið verður frá Jökulhálsi og hefst gangan kl. 21. Markmiðið er að vera á toppi jökulsins, milli þúfna um kl. 00:30, og sjá sólina setjast en rísa jafnharðan aftur. Göngutími 3-4 klst. Hækkun 1000 m.
frá Mjódd kl. 09:00
Gönguleiðin yfir Fimmvörðuháls er mörgum kær, enda ekki óalgengt að fyrstu kynnin af útivist séu í Fimmvörðuhálsgöngu. Gengið frá Skógum á Fimmvörðuháls að kvöldi föstudags og gist þar í skála Útivistar. Á laugardegi verður gengið í Bása og gist þar seinni nóttina. Á sunnudegi verður farið í létta göngu á Goðalandi áður en haldið er heim. Athugið að farangur er trússaður í Bása en ekki er hægt að keyra í Fimmvörðuskála og því þarf að bera svefnpoka og mat fyrir fyrsta sólarhringinn.
Innifalið í verði er fararstjórn, rútuferðir, flutningur á farangri í Bása, skálagisting og grillveisla á laugardagskvöldið.
Almennar upplýsingar um Fimmvörðuhálsferðir Útivistar og útbúnaðarlisti.
Brottför frá Mjódd kl 5:00
Dagsferð á Grænahrygg.
Ferðalýsing kemur síðar.
frá Mjódd kl. 08:00
Þessi Laugavegsferð er ætluð allri fjölskyldunni og sniðin að þörfum barna. Hér er því upplagt tækifæri til að kynna dásemdir útivistar fyrir börnunum. Ekki er þó mælt með því að taka yngri börn en 8 ára með.
Nánari upplýsingar
Þessi leið er ein helsta skrautfjöður Útivistar. Ferðin hefst með göngu á Sveinstind. Útsýnið yfir hinn margrómaða Langasjó, sem kúrir upp við Vatnajökul, er hreint ólýsanlegt. Í góðu skyggni má líta yfir bróðurpart hálendis Íslands. Leiðin liggur svo um fáfarnar slóðir, söndugar og mosavaxnar, meðfram Skaftá og um leynistigu með Uxatindum og fram grösuga Skælinga. Ganga á Gjátind og um sjálfa Eldgjá er góður lokakafli á þessari margbreytilegu göngu sem lýkur í Hólaskjóli. Ferðirnar eru trússferðir. Farangur er fluttur á milli náttstaða, svo að þátttakendur þurfa aðeins að bera bakpoka með nesti og hlífðarfötum.
Fararstjóri er Páll Arnarson
Ferðalýsing
Dalastígur er ný gönguleið á fáförnum en virkilega áhugaverðum slóðum að Fjallabaki.
Brottför frá Mjódd, kirkjumegin á bílaplaninu fyrir framan Sambíóin og ekið sem leið liggur í Landmannahelli þar sem gist er fyrstu nóttina.
Fullbókað!
Hægt er að senda póst á utivist@utivist.is til að skrá sig á biðlista.
Laus sæti í þessar ferðir;
Strútsstígur 24.-27. júlí
Strútsstígur 7.-10. ágúst
Í víðum fjallasal breiðir Hólmsárlón úr sér en yfir því gnæfa Svartahnjúksfjöll og Torfajökull. Í suðri má sjá tindinn á fjallinu Strút, en af honum er nafn leiðarinnar dregið. Gangan hefst í Hólaskjóli en þaðan er um tveggja klukkustunda gangur í skálann við Álftavötn þar sem gist er fyrstu nóttina. Frá Álftavötnum er gengið með Svartahnjúksfjöllum í Hólmsárbotna og þar gefst jafnan tækifæri til að skola af sér ferðarykið í hinni rómuðu Strútslaug. Úr lauginni er gengið í Strútsskála þar sem gist er tvær nætur. Þann dag sem dvalið er í skálanum er gengið um einstakt umhverfi skálans. Á lokadegi liggur gönguleiðin um Mælifellssand í Hvanngil þar sem rúta tekur upp hópinn.
Brottför er frá Mjódd. Innifalið í verði er fararstjórn, rútuferðir, flutningur á farangri milli skála og allar skálagisting.
Gönguleiðin yfir Fimmvörðuháls er mörgum kær, enda ekki óalgengt að fyrstu kynnin af útivist séu í Fimmvörðuhálsgöngu. Í þessari ferð er lögð áhersla á að hafa rúman tíma í gönguna þannig að hægt sé að njóta náttúrunnar í rólegheitum. Lagt af stað að morgni dags á föstudegi og gengið frá Skógum á Fimmvörðuháls og gist þar í skála Útivistar. Á laugardegi verður gengið í Bása og gist þar seinni nóttina. Á sunnudegi verður farið í létta göngu á Goðalandi áður en haldið er heim á leið. Athugið að farangur er trússaður í Bása en ekki er hægt að keyra í Fimmvörðuskála og því þarf að bera svefnpoka og mat fyrir fyrsta sólarhringinn.
Fararstjórar eru Guðrún Frímannsdóttir og Helga Harðardóttir
Hér er á ferðinni spennandi nýjung þar sem gengið er um ótroðnar slóðir. Gengið er um Tindfjöll og ofanverða Rangárvelli, suður fyrir Heklu og að Rjúpnavöllum.
Fararstjóri er Ásta Þorleifsdóttir
Ævintýrið við Strút er bækistöðvarferð fyrir krakka, mömmur, ömmur, pabba, afa, frænkur og frændur.
Hálendið í kringum Strútsskála verður kannað, farið verður í Strútslaug, ætt upp og niður fjöll og firnindi, stiklað yfir ár og leitað að hellisskútum. Farið í ratleik, föndrað, haldnar kvöldvökur og kveiktur varðeldur. Það verður glens og gaman. Öll gil og krókar í nágrenni skálans verða skoðuð hátt og lágt, stunduð listsköpun úti í náttúrunni, teiknaðar myndir, búnar til sögur, samin lög og sungið, lesnar sögur og samin ljóð. Síðasta kvöldið verðum sameiginlegur kvöldmatur.
Fýlupúkar eru vinsamlegast beðnir um að fara ekki í þessa ferð en allir hinir hjartanlega velkomnir ;)
Fararstjórar eru Auður Jónsdóttir og Sigríður Theodórsdóttir
Nokkur sæti laus. Höfum fjölgað farþegum í 20.
Siglt frá Bolungarvík í Hornvík þar sem settar verða upp tjaldbúðir og gengið út frá þeim. Farið verður um Hornbjarg og Hornbjargsviti í Látravík heimsóttur. Gengið verður um einstigi í Hvannadal. Þá verður farið um Rekavík bak Höfn, Atlaskarð og í Hælavík á æskuslóðir Jakobínu Sigurðardóttur og Þórleifs Bjarnasonar og e.t.v. lesið úr minningabókum þeirra. Bátur sækir farangur en hópurinn gengur um Hafnarskarð í Veiðileysufjörð og hittir á bátinn þar. Hámarksfjöldi 20 manns.Þátttakendur koma sér sjálfir á upphafstað í bátinn.
Fararstjóri er Steinar SólveigarsonInnifalið er sigling, fararstjórn og flutningur á farangri. Gist er í eigin tjöldum.
Uppselt í ferðina, ekki hægt að fara á biðlista.
Gengið yfir Fimmvörðuháls í einum áfanga á laugardegi og gist í Básum. Á sunnudegi verður farið í létta göngu á Goðalandi áður en rúta flytur hópinn heim.
ATH!. Fullbókað í ferðina, sendið póst á utivist@utivist.is til að fara á biðlista.
Á næstu fjórum árum verður Horn í Horn aftur á dagskrá, þvert yfir landið frá suðaustri til norðvesturs. Einn leggur verður genginn á hverju sumri og mun hver leggur taka átta til níu daga. Ferðin hefst við Eystra-Horn sumarið 2024 og endar í Hornvík 2027. Gist verður í skálum þar sem þeir standa til boða en annars staðar er gert ráð fyrir gistingu í tjöldum. Ferðin verður trússuð eftir því sem við verður komið. Þessi ganga var á dagskrá hjá Útivist árin 2016 – 2019 og verður nú endurtekin. Langleiðin sem er frá suðvestri til norðausturs hefur verið þess á milli og þannig gefst tækifæri til að krossa landið.
Kynningarfundur verður haldinn 25. janúar 2024Staðsetning er á skrifstofu Útivistar, Katrínatúni 4, jarðhæð kl. 17:15
Fararstjóri er Hrönn Baldursdóttir
frá Mjódd kl. 10:00
Eftir velheppnaða þriggja daga bækistöðvaferð í Bása síðast liðin tvö sumur verður leikurinn endurtekinn.
Stundum er talað um að hjarta Ferðafélagsins Útivistar slái í Básum á Goðalandi, en þar eiga jafnt yngri sem eldri Útivistarfélagar góðar minningar. Þessi ferð er tilvalin fyrir eldri félaga sem vilja endurupplifa stemninguna í Básum, sem og nýja félaga á virðulegum aldri sem langar að kynnast þessari paradís undir leiðsögn kunnugra.
Fararstjórar eru Guðrún Frímannsdóttir, Jóhanna Benediktsdóttir og Guðbjartur Guðbjartsson
Fararstjóri er Steinar Sólveigarson
Frá Mjódd kl. 09:00
Tindfjallahringurinn er skemmtileg og krefjandi ný hringleið eða þríhyrningsleið þar sem gengið er milli þriggja skála og meðal annars farið yfir Tindfjallajökul þveran.
Nánari lýsing.
Kl. 08:00
Hér er klassísk Laugavegsferð þar sem leiðin er gengin í fjórum þægilegum áföngum.
Ekið úr Mjódd í Landmannalaugar að morgni dags og samdægurs gengið sem leið liggur í Hrafntinnusker þar sem gist er fyrstu nóttina. Úr Hrafntinnuskeri er haldið suður eftir sléttum vestan Reykjafjalla og um Jökultungur í Hvanngil. Úr Hvanngili er gengið um slétta sanda, með Mýrdalsjökul á vinstri hönd, í Emstrur þar sem gist er í Botnaskála. Frá Emstrum liggur leiðin yfir Syðri-Emstruá á göngubrú í fallegu gili og áfram sem leið liggur um Almenninga í Þórsmörk. Í Básum á Goðalandi bíður göngumanna grillveisla í einstöku umhverfi, en þar er gist í notalegum skála. Á sunnudegi er farið í stutta göngu um nágrenni Bása áður en haldið er heim.
Auglýst síðar
Fjögurra daga jeppaferð um slóðir norðan Vatnajökuls. Ekið um Búðarháls og fossinn Dynkur heimsóttur. Þaðan er haldið sem leið liggur í Nýjadal þar sem gist er fyrstu nóttina. Frá Nýjadal er haldið austur yfir Skjálfandafljót og um Laufrandarleið í Réttartorfu þar sem gist verður. Úr Réttartorfu liggur leiðin að Mývatni þar sem gefst færi á að fylla eldsneytisgeyma áður en ekið er að Heilagsdal þar sem gist er þriðju nóttina. Þaðan liggur leiðin um Krákárbotna í Dyngjufjalladal, en dagurinn endar í Herðubreiðarlindum. Lok formlegrar ferðar eru í Herðubreiðarlindum en þaðan er hægt að halda þægilega leið til byggða eða halda áfram að njóta einstakrar náttúru á hálendinu norðan Vatnajökuls.
Ferðin er skipulögð sem tjaldferð en jafnan er gist í nágrenni við fjallaskála og geta þeir sem það kjósa frekar pantað sér gistingu í skálunum.
Fararstjóri: Skúli H. Skúlason
Innifalið í verði er fararstjórn, rútuferðir, flutningur á farangri í Bása, skálagisting og grillveisla um kvöldið í Básum.
Kl. 08:00 frá Mjódd
Fararstjóri - Kristjana Birgisdóttir
Innifalið er rúta, fararstjórn, skálagisting og grillveisla í lok ferðar.
Fararstjóri er https://www.utivist.is/um-utivist/fararstjorar/steinar-solveigarson
frá Mjódd kl. 12:00
Gönguleiðin yfir Fimmvörðuháls er mörgum kær, enda ekki óalgengt að fyrstu kynnin af útivist séu í Fimmvörðuhálsgöngu. Í þessari ferð er lögð áhersla á að hafa rúman tíma í gönguna þannig að hægt sé að njóta náttúrunnar í rólegheitum. Lagt af stað að morgni dags á föstudegi og gengið frá Skógum á Fimmvörðuháls og gist þar í skála Útivistar. Á laugardegi verður gengið í Bása og gist þar seinni nóttina. Á sunnudegi verður farið í létta göngu á Goðalandi áður en haldið er heim á leið.Athugið að farangur er trússaður í Bása en ekki er hægt að keyra í Fimmvörðuskála og því þarf að bera svefnpoka og mat fyrir fyrsta sólarhringinn.
5 daga ferð um Kjalveg hinn forna frá Hveravöllum að Hvítárnesi
Lagt af stað að morgni föstudags og gengið rólega í Fimmvörðuskála þar sem verður gist. Á sunnudegi verður gengið í Bása og gist þar seinni nóttina. Heimferð úr Básum um kl. 13:00 á mánudegi (frídagur verslunarmanna), en áður gefst færi á að njóta paradísarinnar í Básum. Tilvalið er að taka stálpaða krakka í þessa göngu. Börn undir 18 ára aldri fá 50% afslátt. Innifalið í verði er fararstjórn, rútuferðir, flutningur á farangri í Bása, skálagisting og grillveisla á laugardagskvöldinu.
Fararstjóri er Fríða Brá Pálsdóttir
Kl. 09:00 frá Mjódd
Hér gefst frábært tækifæri til að kynnast Kerlingarfjallasvæðinu sem er á miðbiki hálendisins. Lagt af stað frá Mjódd á miðvikudegi og ekið inn á Kjöl og að Ásgarði í Kerlingarfjöllum. Þar er gist fyrstu nóttina í skála. Þegar búið er að koma sér fyrir við komuna er farið í göngu á Fannborg og Snækoll. Daginn eftir hefst hringganga um Kerlingarfjöllin eftir Hringbrautinni sem er 47 km. Stikuð þriggja daga leið. Skálar eru á leiðinni þar sem er gist en einnig er hægt að vera í tjaldi fyrir þau sem það kjósa. Fyrsta dagleiðin er 17 km að Kisubotnum, önnur dagleiðin er 7 km í Klakk og á leiðinni eru Kisugljúfur skoðuð. Þriðja dagleiðin er 23 km og þá er farið frá Klakk um skarðið milli Ögmundar og Hattar, fram hjá Mæni og að Ásgarði þar sem gist er í skála. Eftir gönguna er hægt að slaka á í baði. Daginn eftir eru Hveradalir skoðaðir og síðan fossarnir Hvinur og Gýgjarfoss í Jökulfalli á heimleiðinni.
Slóði á göngubækling um Kerlingarfjöll
https://ust.is/library/sida/Umhverfisstofnun/kerlingarfjoll_gonguleidir_kort.pdf
Ferðalýsing væntanleg
Helgrindur er nafn á fjallaklasa sem er áberandi frá Grundarfirði og nær frá Kaldnasa að Tröllkerlingu. Gengið verður á Böðvarskúlu (988 m) sem er hæsti tindurinn. Þau gerast vart drungalegri örnefnin en Helgrindur en það er samt einhver reisn og tign yfir nafninu. Merking þess er líklega flestum ljós en Nóbelsskáldið sagði að orðið þýddi „hlið helvítis“. Sú lýsing hefur ekkert með útsýnið af fjallinu að gera. Í björtu veðri er sérstakt að horfa niður á Kirkjufell og yfir eyjarnar á Breiðafirði. Í fyrstu verður gengið um gróið land en síðan grýttar skriður. Hækkun u.þ.b. 850-950 m. Vegalengd 14-15 km. Áætlaður göngutími 7-8 klst.
ATH! Fullbókað!!
Útivist býður upp á jógaferð til Vestmannaeyja dagana 16. - 18. ágúst í sumar. Lagt verður af stað á einkabílum frá Reykjavík snemma á föstudagsmorgni og Herjólfur tekinn til Vestmannaeyja. Gist verður í Hraunprýði sem er stór og rúmgóður skáli Skátafélagsins Faxa á Skátastykkinu í Eyjum. Farið verður í gönguferðir alla dagana um þessa fallegu eyju og náttúrunnar notið. Jóga verður gert kvölds og morgna og einnig eftir hentugleikum yfir daginn. Öllum er velkomið að taka þátt og ekki er krafist neinnar fyrri reynslu af jógaiðkun.
Innifalið í verði er fararstjórn, skálagisting og sigling með Herjólfi.
Fararstjórar í þessari ferð eru Þórlaug Sveinsdóttir og Ragnheiður Ýr Grétarsdóttir, báðar jógakennarar og sjúkraþjálfarar.
Brottför frá Mjódd kl 7:00
Í Tindfjöllum rísa hæst tindarnir Ýmir og Ýma. Í góðu veðri er stórkostlegt útsýni þaðan yfir Þórsmörk og Fjallabak, allt til Hrafntinnuskers og Háskerðings. Einnig blasir Suðurland við og Hekla virðist næstum innan seilingar. Ekið verður eins langt og fært er, að minnsta kosti að Tindfjallaseli. Þaðan verður gengið um Saxaskarð og Brúarskarð, yfir jökulskallann að sunnanverðum Ými og upp skarðið sem skilur að tindana tvo. Að lokinni göngu á báða tindana verður haldið til baka norðan þeirra. Vegalengd 14–18 km. Hækkun 700-900 m. Göngutími 7-8 klst.
kl. 09:00 frá Mjódd
Hér gefst kjörið tækifæri til að skoða sig um á fáförnum slóðum.
Nýjasti skáli Útivistar er Dalakofi í Reykjadölum, í jaðri Torfajökulssvæðisins að Fjallabaki. Þaðan er hægt að fara í lengri og styttri gönguferðir um fjölbreytt jarðhitasvæði. Þarna er meðal annars að finna Rauðufossafjöll, Laufafell og hverasvæðið við Hrafntinnusker. Einnig er hægt er að fara stutta göngu á Keili, útsýnishól skammt frá skálanum, eða í fjallabað í laug sem stundum er aðgengileg á aurum Markarfljóts.
Brottför frá Mjódd kl 9:00
Gengið um hina vinsælu gönguleið Leggjabrjót. Frá Svartagili í Þingvallasveit liggur leiðin um Leggjabrjót með Sandvatni. Þetta er greiðfær leið þó nafnið gefi annað til kynna. Farið verður að Myrkavatni, að upptökum Öxarár og um Hrísháls niður í Botnsdal. Vegalengd 16 km. Hækkun 500 m. Göngutími 6 klst.
Brottför frá Mjódd kl 8:00
Mjög víðsýnt er af Kvígindisfelli en ekki mjög fjölfarið. Gangan hefst rétt sunnan við Biskupabrekku og farin þægileg uppgöguleið á Kvígindisfell (783m). Þegar haldið verður niður af fjallinu er stefnan tekin norður fyrir Hvalvatn á lítið fell sem heitir Veggir. Þaðan liggur leiðin niður með Glym og endar gangan við Stóra Botn í Botnsdal. Göngutími 7 klst. Vegalengd 16 km.
frá Mjódd kl. 07:00
Ath. Það er fullbókað í ferðina en við erum að athuga hvort við getum stækkað hana, sendið póst á utivist@utivist.is til að fara á biðlista. Við opnum fyrir bókanir ef við fáum fleiri pláss í skála.
Ferð á Grænahrygg og Augað, gist verður í eina nótt í Landmannalaugum.
Lagt verður af stað kl. 7 úr Reykjavík og ekið inn að Kýlingum þar sem gangan hefst. Gengið verður um Halldórsgil inn að Grænahrygg. Nokkuð er um hækkun og lækkun á leiðinni um stórkostlegt og litríkt landslag þar til Grænahrygg er náð. Ef ekki eru vatnavextir í Jökulgilskvísl verður gengið frá Grænahrygg um Jökulgilið og Uppgönguhrygg í Landmannalaugar. Annars verður gengið til baka að upphafsstað göngu og rúta ekur hópnum inn að Landmannalaugar þar sem gist verður. Tilvalið að taka slaka á eftir göngu dagsins í heitum laugunum.
Reikna má með 16-20 km göngu sem tekur ca. 8-10 klst. Nokkuð er um vöð á leiðinni og góðir vaðskór því nauðsynlegir. Ganga um Uppgönguhrygg getur verið krefjandi fyrir lofthrædda.
Á sunnudagsmorgunn er haldið af stað eftir morgunmat og ekið um Dómadalsleið að upphafsstað göngu fyrir neðan Rauðafoss. Gengið er upp með Rauðafossi að upptökum Rauðufossakvíslar þar sem sjá má dulmagnaða náttúrusmíð er nefnist Augað.
Gangan tekur um 4 klst. og er 10 km löng.
Fararstórar eru Ása Ögmundsdóttir og Eydís Líndal Finnbogad.
Bláfell er mikið fjall á Biskupstungnaafrétti, móbergsstapi sem jöklar síðustu jökulskeiða hafa mótað. Sagnir herma að þar hafi búið tröll og skessur. Gangan hefst á móts við Illagil við Bláfellsháls og er gengið um mela og tvö smágil. Þegar á háfjallið er komið er afar víðsýnt til allra átta. Vegalengd 9–10 km. Hækkun 650 m. Göngutími 5–6 klst.
kl. 18:00 frá Mjódd
Hraðferð um Laugaveginn er tilvalin fyrir þá sem eru í þokkalegu gönguformi og vilja fara þessa fjölförnu leið á þeim tíma þegar fáir eru á ferli.
Að loknu góðu ferðasumri liggja allar leiðir í Bása til að taka á móti haustinu. Á þeim tíma er einstakt að heimsækja Goðaland því þá gleðja haustlitirnir augað hvert sem litið er. Gönguferðir og holl útivist er einkenni ferðarinnar og því verður farið í góða göngu um Goðaland. Gönguleið verður valin eftir veðri og aðstæðum. Á laugardagskvöldi verður grillveisla og varðeldur að hætti Útivistar. Brottför frá Mjódd, sami brottfararstaður og í dagsferðum.
Innifalið í verði er fararstjórn, rútuferðir og skálagisting og grillveisla á laugardagskvöldi
Fararstjóri er Jóhanna Ben og Guðrún Frímannsdóttir
Komið að fornbýlinu Stöng og litið á uppgröftinn þar. Gengið upp með Rauðá upp að Gjánni og hún skoðuð. Síðan er gengið upp á Stangarfjall og yfir fjallið allt að árgilinu og ef aðstæður leyfa farið niður í gilið og fossarnir skoðaðir neðan frá áður en gengið er upp að bílastæði við fossana. Vegalengd 12 km hækkun 300 m göngutími 5 klst.
Brottför kl. 18:00 frá Olís við Hellu
Þessi ferð er fyrir óbreytta eða lítið breytta jeppa. Farið er inn á Fjallabak um Keldur og inn fyrir Hafrafell meðfram Eystri Rangá upp í Dalakofa þar sem gist verður í skála Útivistar. Á laugardeginum er ferðinni heitið um Syðra Fjallabak, eftir stutt stopp við nafnlausa fossinn í Markarfljótinu. Komið verður við hjá Álftavatni og í Hvanngili og kíkt á gljúfrin þar sem Kaldaklofskvísl fellur í Markárfljótið á leið okkar í Strút, þar sem gist verður í skála Útivistar. Á sunnudeginum verður ekið austur fyrir Mælifellshnjúk og farið yfir Brennivínskvísl, yfir Hólmsá og í Álftárvatnakrók.
Fararstjóri: Gylfi Jónu Arnbjarnarson.
Þetta er skemmtileg ganga um nokkuð fjölbreytt landslag. Við munum sjá ótal hveri og laugar á leiðinni, af öllum mögulegum tegundum. Þessi ganga hentar flestum og er þægileg þó að hún sé nokkuð löng. Endilega takið með sundföt því við munum staldra við í Reykjadal og þvo af okkur rykið. Vegalengd um 17 km. Göngutími um 7 klst.
Lagt af stað frá Mjódd á föstudegi kl. 17:00 og ekið um Þingvelli, Uxahrygg og að Kvígindisfelli. Gengið er með allt á bakinu í um 2 km og tjaldað. Daginn eftir verður gengið um 16 km vestur fyrir fellið og að Hvalvatni. Gengið austur með vatninu og tjaldað næstu nótt við sunnanvert Hvalvatn með stórbrotið útsýni til Hvalfells og Botnsúlna. Á sunnudeginum er gengið um 15 km um Hvalskarð niður á gönguleiðina yfir Leggjarbrjót og henni fylgt að Svartagili í Þingvallasveit.
Fararstjóri - Hrönn Baldursdóttir
Fjaran er heillandi heimur. Í þessari ferð skoðum við bæði plöntur og dýr sem búa í fjörunni í fylgd með fróðum fararstjórum. Í lok ferðar verður týndur kræklingur og eldaður yfir eldi (má hafa með sér ílát og taka með heim). Tilvalin ferð fyrir alla fjölskylduna.
Raðganga umhverfis Esju 1. áfangi: Hrafnhólar, Svínaskarð og Kjósarétt
Ferðalýsing kemur síðar
Brottför kl. 09:00 frá Hrauneyjum
Hin forna leið frá Svarthöfða í suðurenda Vonarskarðs að Jökulheimum er einhver skemmtilegasta jeppaleið sem til er. Glíman við brattar brekkur og straumharðar ár gleymist fljótt þegar hið stórkostlega útsýni af hæstu hæðum leiðarinnar blasir við. Farið að morgni laugardags í Hrauneyjar þar sem fyllt er á tanka. Þaðan verður haldið norður Sprengisandsleið að Svarthöfða við norðurenda Hágöngulóns. Gist verður í skála Jöklarannsóknarfélagsins í Jökulheimum. Möguleiki á að aka um Breiðbak á heimleið.
Farastjóri: Sveinn Sigurður Kjartansson
Hægt er að fara í allar raðferðirnar umhverfis Esju sem pakka með 20% afslætti.
Raðganga umhverfis Esju 2. áfangi: Kjósarétt, Eilífsdalur
Raðganga umhverfis Esju 3. áfangi: Eilífsdalur, Grundarhverfi
Raðganga umhverfis Esju 4. áfangi: Grundarhverfi, Hrafnhólar
Kortið sýnir gönguleiðir í Þórsmörk og á Goðalandi.
Á bakhlið eru einföld kort af gönguleiðunum um Laugaveg og Fimmvörðuháls.
Kortið er endurnýjuð útgáfa frá 2007 og 2012 og er gefið út af Útivist og Fí.
Kortagerð annaðist Loftmyndir ehf.Hönnun annaðist Björg Vilhjálmsdóttir: bjorgvilhjalms.is
Póstlagning kortsins er innifalin í verði.
Broyttför frá Mjódd kl. 9:00
Akrafjall var eitt sinn eyja. Fjallið er dálítið sérstakt fyrir þær sakir að það er næstum klofið í tvennt. Dalurinn sem skerst inn í fjallið kallast Berjadalur og tveir hæstu tindar þess Geirmundartindur og Háihnúkur. Gengið verður á báða tindana. Vegalengd 14 km hækkun 500 m Göngutími 6 klst.
Sameinast í bíla hjá Mjódd kl. 9:00 og ekið á upphafsstað göngunnar.
Sameinast í bíla hjá Mjódd og ekið á upphafsstað göngunnar. Gengið er frá litlu bílastæði sem er staðsett hægra megin við Bláfjallaveg rétt fyrir neðan Eldborg. Vel merktur stígur er upp á Eldborgina og er gengið að hluta til ofan á henni. Þegar niður er komið er gengið á milli Eldborgar og Drottningar. Gengið er vestan megin upp á Drottningu og sömu leið til baka. Þegar komið er niður er þokkalega stikaður stígur í átt að Stóra-Kóngsfelli. Gangan á það hefst að norðanverðu en komið er upp á topp að sunnanverðu. Sama leið er gengin til baka. Vegalengd um 8 km. Göngutími 4-5 klst.
Brottför: kl. 09:00 frá Hrauneyjum
Ferðin hefst í Hálendismiðstöðinni Hrauneyjum. Farið inn í Landmannalaugar, þaðan um Fjallabaksleið nyrðri, inn á Mælifellssandi og í Strútsskála. Tekið tékk á Strútslaug og umhverfi, og tánum stungið í bað ef aðstæður eru hagstæðar. Á sunnudeginum verður farið vestur Mælifellsand og niður í Fljótshlíð eða um Mýrdalsjökul ef færi er gott.
Farastjóri: Þorsteinn Pálsson
Gangan hefst hjá litlu kaffistofunni á Sandskeiði og farið verður um Vatnaöldur að Lyklafelli. Þaðan liggur leið okkar sunnan megin við Seltjörn og stefnan tekin á Hafravatn þar sem gangan endar. Vegalengd 14-15 km.
Aðventuferðirnar í Bása eru alltaf frábær skemmtun bæði fyrir börn og fullorðna. Vetrarríkið skartar sínu fegursta og einhverjum sögum fer af því að jólasveinum bregði fyrir í fjöllunum og jafnvel fleiri meðlimum þeirrar fjölskyldu. Þegar skyggja tekur verður sest að jólahlaðborði og blásið til kvöldvöku.
Innifalið í verði er fararstjórn, rútuferðir og skálagisting.
Fararstjórar eru Guðrún Hreins og Marrit
Reynivallaháls - Fossá í Hvalfirði
Lagt af stað frá Mjódd kl. 9 og ekið að Gjábakka á Þingvöllum. Gengið er eftir gamalli þjóðleið frá Gjábakka yfir Þingvallaveg og yfir stórbrotna Hrafnagjá að Vellankötlu í Þingvallavatni. Frá vatninu er gengið að Skógarkoti eftir góðum stíg og þaðan eftir Skógarkotsstíg að Stekkjargjá og Öxarárfossi. Endað er á því að fara eftir Langastíg upp á brún Almannagjár þar sem rútan bíður. Göngulengd 16 – 17 km
Strandganga í fjórum áföngum frá Gróttu að Mógilsá
Hægt er að fá allar Strandgöngurnar í einum pakka með 20% afslætti
Strandganga í fjórum áföngum frá Gróttu að Mógilsá 2
Strandganga í fjórum áföngum frá Gróttu að Mógilsá 3
Strandganga í fjórum áföngum frá Gróttu að Mógilsá 4
Það er fátt sérstakara en að kveðja gamla árið og fagna nýju í fögrum fjallasal umkringdum stórbrotinni náttúru, jöklum og eldfjöllum. Áramót í Básum eru ógleymanleg upplifun með gönguferðum, góðum mat, blysför, áramótabrennu, flugeldum og fleiru skemmtilegu. Allt í góðum félagsskap manna, álfa og trölla eins og vera ber um áramót.
Fararstjóri er Guðrún Hreins
Skráðu þig og fáðu vikuleg fréttabréf um það sem er á döfinni hjá félaginu.
Skráning á póstlista
Ferðaáætlun Útivistar 2024 er komin út. Kynningarblað fyrir áætlunina hefur verið send félagsmönnum í pósti og er í dreifingu í ýmsa vel valda staði. Ferðir í áætluninni er hægt að skoða með lýsingum hér á vefnum. Hér er hægt að skoða blaðið okkar á PDF formi og hér er hægt að fletta blaðinu rafrænt.