Guðrún Hreinsdóttir

Guðrún Hreins

Guðrún hefur verið fararstjóri í hjólaferðum Útivistar frá árinu 2013 og setið í nefnd hjólaræktarinnar frá sama ári. Hún er mikil áhugamanneskja um hjólreiðar og almenna útivist.   Frá árinu 2016 hefur hún einnig tekið að sér fararstjórn í fjallgöngum og dagsferðum.

Guðrúnu er best að lýsa sem brosmildri ömmu á besta aldri.  Fátt nærir hjarta hennar betur en að njóta útiveru með barnabörnunum fimm sem bíða spennt eftir fjölskylduferðunum í Bása og Strút.  Guðrún er einnig frábær myndasmiður og hefur setið í myndanefnd Útivistar frá árinu 2015 og myndavélin er ávallt með í för, hvort sem um er að ræða hjóla-, göngu- eða bílferðir. Í hjólatöskunni eru svo alltaf auka slanga, pumpa, dekkjaplast,  verkfæri og Ritter sport súkkulaði

Guðrún hefur meðal annars lokið námskeiðum í skyndihjálp í óbyggðum, rötun og almennum hjólaviðgerðum.

Mottó: Lífið er núna - lifðu því lifandi.