Laugavegurinn - fjölskylduferð

Dags:

sun. 30. jún. 2024 - fim. 4. júl. 2024

Brottför:

frá Mjódd kl. 08:00

  • Skáli

Undanfarin ár hefur Ferðafélagið Útivist staðið fyrir velheppnuðum fjölskylduferðum um Laugaveginn. Þarna hafa ungir sem aldnir slegist í för og notið sín.

Ferðin er ætluð allri fjölskyldunni og sniðin að þörfum barna. Hér er því upplagt tækifæri til að kynna yngri kynslóðina fyrir dásemdum útivistar. Æskilegt að börn hafi náð átta ára aldri.

Ekið í Landmannalaugar að morgni dags og samdægurs gengið sem leið liggur í Hrafntinnusker þar sem gist er fyrstu nóttina. Úr Hrafntinnuskeri er haldið suður eftir sléttum vestan Reykjafjalla og um Jökultungur í Hvanngil. Frá Hvanngili er gengið um slétta sanda, með Mýrdalsjökul á vinstri hönd, í Emstrur þar sem gist er í Botnaskála. Frá Emstrum liggur leiðin yfir Syðri-Emstruá á göngubrú í fallegu gili og áfram sem leið liggur um Almenninga í Þórsmörk.

Í Básum á Goðalandi bíður göngumanna grillveisla í einstöku umhverfi, en þar er gist í notalegum skála. Á heimfaradegi er farið í stutta göngu um nágrenni Bása áður en haldið er heim.

Heimkoma 29. júlí á milli kl. 17.00 og 18.00

Innifalið: Leiðsögn, akstur, skálagisting í fjórar nætur, heit sturta í Básum auk sameiginlegrar kvöldmáltíðar síðasta kvöldið.

Verð 129.000 kr.

Nr.

2406L02