Þessi gamla þjóðleið milli Hvalfjarðar og Skorradals hefst innarlega við norðanverðan Botnsvog. Gengið er úr Botnsdal, vestan við Brunná, upp Síldarmannabrekkur um Reiðskarð og norður með Bláskeggsá. Þegar kemur að vatnaskilum við Tvívörður, sem er hæsti punktur leiðarinnar eða 489 metrum yfir sjávarmáli, skiptast Síldarmannagötur til vesturs að Vatnshorni og til austurs í framdal Skorradals, um Vegahrygg milli Löngugötugils og Fálkagils. Mjög fallegt útsýni er yfir Skorradal af brúninni ofan Vatnshorns þar sem farið verður niður. 

Gengið er eftir moldarstígum að miklu leyti og er leiðin almennt séð þægileg gönguleið. Farið er framhjá heiðarvötnum og fossum og á leiðinni má sjá gamlar vörður sem varða leiðina og hafa verið endurreistar. Athugið að við þurfum að fara yfir Bláskeggsá á tveimur stöðum og er mjög mismikið í henni. Við mælum því með því að þátttakendur taki með vaðskó og hafi með stafi.

Vegalengd 15-16 km. Hækkun um 500 m. Göngutími 6-7 klst.

Farið er á rútu frá Mjóddinni að upphafsstað göngu. Rútan sækir okkur svo í Skorradalnum og keyrir þátttakendur aftur í Mjódd. 

Þessi ferð er farin með Fjallabrallshópi Útivistar sem sér um fararstjórn

Raðganga um Kóngsveg - 6. áfangi

Áfram liggur Kóngsvegurinn frá Laugarvatni austur að Miðdal. Við göngum meðfram Laugarvatnsvegi í um 5 km þar til við komum að Hlöðuvallarvegi 

og Miðdalskirkju. Frá Miðdalskirkju göngum við á stígum meðfram Efstadalsfjalli alveg að Brúará en árið 1901 var byggð brú á Brúará á sama stað og áður var steinbogi yfir ána. Frá Efstadal liggur leiðin ofan byggðar að Miðhúsum. Þessi gamla alfaraleið er greinileg og mjög skemmtileg enda farið um slóðir sem fáir fara um í seinni tíð.

Vegalengd um 21 km. Hækkun óveruleg.
Farið er á eigin bílum og hist á bílastæðinu við Framhaldsskólann í Mosfellsbæ kl 8:00 þaðan sem sameinast verður í bíla að lokastað göngu við Úthlíðarkirkju. Þar verða einhverjir bílar skyldir eftir og hinir bílarnir ferja mannskapinn að upphafsstað göngu við Laugarvatn. Staðsetning í Mosfellsbæ þar sem við hittumst á laugardagsmorguninn er hér:  https://maps.app.goo.gl/QbcCAxDwgUESbPsz5"

Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum. 

Árleg næturganga Útivistar yfir Leggjabrjót um sumarnótt. Það er fátt betra en að vera á ferðinni á björtum sumarkvöldum. Þetta er greiðfær leið þó nafnið gefi annað til kynna. Frá Svartagili liggur leiðin um Öxarárdal að Myrkavatni og upptökum Öxarár. Síðan verður gengið um Leggjabrjót, með Sandvatni og um Hrísháls niður í Botnsdal. Vegalengd 16-18 km. Hækkun 500 m. Göngutími 6-7 klst.

Þessi ferð er vinaferð: Félagar í Útivist geta tekið með sér vin að kostnaðarlausu. Setjið nafn og kennitölu aukaferðalanga í ahugasemd og hafið samband við skrifstofu til  að staðfesta.

Í þessari ferð er Fimmvörðuhálsinn gengin á einum degi. Lagt er af stað á laugardagsmorgni með rútu frá Mjódd (sunnan við bíóið og vestan við Breiðholtskirkju kl. 07:00 og keyrt að Skógum þar sem gangan hefst. Gengið er yfir hálsinn og niður í Bása þar sem rútan bíður og rekur fferðalanga beint aftur í bæinn. 

Nánari lýsing 

Í þessari ferð er Fimmvörðuhálsinn gengin á einum degi. Lagt er af stað á laugardagsmorgni með rútu frá Mjódd (sunnan við bíóið og vestan við Breiðholtskirkju kl. 07:00 og keyrt að Skógum þar sem gangan hefst. Gengið er yfir hálsinn og niður í Bása þar sem rútan bíður og rekur fferðalanga beint aftur í bæinn. 

Nánari lýsing

Raðganga um Kóngsveg - 7. áfangi

Í þessum sjöunda og næstsíðasta áfanga um Kóngsveginn liggur leiðin frá Miðhúsum að Úthlíð og áfram með rótum Bjarnarfells að Geysi í Haukadal. Á þessari leið eru margir fallegir staðir svo sem Hrauntúnstjarnir. Leiðir flestra ferðamanna sem til Íslands komu í árdaga ferðamennskunnar lágu þessa leið og Friðrik áttundi var ekki fyrsti Danakonungurinn sem kom að Geysi. Árið 1874 var Kristján konungur níundi þar á ferð og steinn hefur verið reistur þar til minja um komu hans.
Vegalengd 12 km.  Hækkun óveruleg.
Farið er á eigin bílum og hist við lokastað göngu á Geysi kl 9:00 þaðan sem sameinast verður í bíla að upphafsstað.

Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Sveppaferð kynslóðanna í samstarfi við HÍN og Sveppafélagið

Þessi kynslóðaganga í Heiðmörk snýst um að njóta útiveru og læra um sveppi í íslenskri náttúru. Ferðin er í samstarfi við Sveppafélagið og Hið íslenska náttúrufélag en við fáum góðan gest frá Sveppafélaginu sem mun fræða þátttakendur um algengustu ætisveppi, hvernig greina þá frá óætum tegundum og mikilvægi þeirra í vistkerfinu.

Börn geta tekið þátt með því að leita að sveppum á skógarstígunum í kring og skoða lit og lögun, á meðan eldri kynslóðir miðla reynslu og sögum tengdum sveppatínslu. Þetta er frábært tækifæri til að tengja saman kynslóðir í náttúru sem er bæði falleg og fróðleg.
Tími: 1,5-2 klst
Ferðin er ókeypis og við hvetjum til að kynslóðirnar komi saman í ferðina.

Nánari upplýsingar

Hér er gengið um Arnardalsskarð, gamla þjóðleið yfir Snæfellsnesfjallgarð á milli Grundarfjarðar og Staðarsveitar. Veður ræðir hvort við göngum yfir skarðið frá suðri eða norðri.  Það er jú alltaf gott að hafa vindinn í bakið. Rútan sækir okkur þegar yfir er komið. Gangan er 13-14km, tekur um 6 -7 klst og hækkun er alls um 700m

Þessi ferð er vinaferð:  Félagar í Útivist geta tekið með sér vin að kostnaðarlausu. Setjið nafn og kennitölu aukaferðalanga í ahugasemd og hafið samband við skrifstofu til  að staðfesta.

Búrfellsgjá – Gönguferð kynslóðanna um náttúruundur og sögu jarðfræðinnar

Búrfellsgjá er einstakt jarðfræðifyrirbæri á höfuðborgarsvæðinu – löng og mjó hraungjá sem myndaðist við eldgos fyrir um 8.000 árum. Gönguleiðin hefst við Heiðmörk og liggur eftir gjánni þar sem hægt er að upplifa krafta náttúrunnar í formi hraunveggja og gróðurs sem hefur tekið sér bólfestu í sprungum og skútum.

Á leiðinni er tilvalið að ræða jarðsögu Íslands, hvernig hraun rann og mótaði landið, og hvernig lífið hefur aðlagast þessum harðneskjulegu aðstæðum. Börn geta skoðað hraunmyndanir og leitað að mosum og plöntum, á meðan eldri kynslóðir miðla sögum tengdum svæðinu.
Vegalengd: 3,5-4km, Tímalengd 1,5 – 2 klst
Ferðin er ókeypis og við hvetjum til að kynslóðirnar komi saman í ferðina.

Nánari upplýsingar

Blákollur í Jósepsdal er virkilega skemmtileg gönguleið á Hellisheiðinni og er umhverfið ævintýralegt. Fjallið blasir við þegar keyrt er eftir þjóðveginum. Fjallið er um 530 metra yfir sjávarmáli og á toppi fjallsins er ægifagurt útsýni yfir hraunbreiður Hellisheiðarinnar, Hengilssvæðið, Reykjavík og Esjuna. Blákollur er þægilegt fjall og hentar því vel þeim sem vilja kanna nýjar slóðir á Hellisheiðinni. Gangan er um fimm kílómetra löng og tekur um tvær klukkustundir.