Raðganga um Kóngsveg - 1. áfangi

Fyrsta ferðin í Raðgöngunni um Kóngsveg hefst við Alþingishúsið. Við göngum meðfram Lækjargötu við Menntaskólann í Reykjavík, þar sem ferð konungs hófst árið 1907. Gengið verður í slóð leiðangursins upp Hverfisgötu og inn Suðurlandsbraut og farið yfir gömlu brýrnar yfir Elliðaár. Þaðan verður gengið upp Elliðaárdalinn og að Árbæjarlaug.
Vegalengd 12 km. Hækkun 200.
Farið er á eigin bílum og hist við lokastað göngu í Árbæjarlaug kl 9:00 þaðan sem sameinast verður í bíla að upphafsstað.

Um raðgönguna um Kóngsveg 2026:

Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.

Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.

Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Raðganga um Kóngsveg 2026 - allar göngurnar

Raðganga um Kóngsveg - 2. áfangi

Næsti leggur Kóngsvegar raðgöngunnar hefst við Árbæjarlaug en þaðan liggur leið að og meðfram Rauðavatni. Við göngum svo um Geitháls en þar var áningarstaður um margra áratuga skeið. Þaðan göngum við að Djúpadal þar sem konungsfylgdin á að hafa snætt hádegisverð fyrsta dag ferðarinnar.
Vegalengd 12 km. Hækkun 150.
Farið er á eigin bílum og hist við lokastað göngu í Djúpadal kl 9:00 þaðan sem sameinast verður í bíla að upphafsstað. Staðsetning: https://maps.app.goo.gl/zHP97nFfXDMaqwjJA 

Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Raðganga um Kóngsveg - 3. áfangi

Þriðji leggur raðgöngunnar um Kóngsstíg er frá Djúpadal og liggur leiðin með brún Seljadals upp á Mosfellsheiði á milli Grímansfells og Borgarhóla. Á Háamel er heiðin hæst og þar opnast útsýni til austurs. Nokkru austar er sæluhús sem Ferðafélag Íslands endurgerði nýlega og við munum skoða. Frá sæluhúsinu liggur leiðin fram hjá Vilborgarkeldu og að Gíslhól. Víða á þessari leið má sjá hleðslur frá árdögum vegagerðar á Íslandi og listilega hlaðin ræsi.
Vegalengd 20 km. Hækkun 150 m.
Farið er á eigin bílum og hist við lokastað göngu við Gíslhól kl 9:00 þaðan sem sameinast verður í bíla að upphafsstað. Staðsetning: https://maps.app.goo.gl/xF5bsmV42dEv74499

Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Afmælisganga á Keili

Fyrsta gönguferð Útivistar eftir stofnun félagsins var á Keili. Á hverju ári síðan þá hefur verið farin afmælisferð á fjallið. Farið er frá Höskuldarvöllum yfir hraunið að fjallinu. Og nú þegar haldið er upp á 50 ára afmæli Útivistar höldum við að sjálfsögðu í hefðina og bjóðum upp á köku og kakó fyrir þátttakendur. Við verðum með varaplan ef aðstæður á Reykjanesi eða veður krefjast þess og förum þá á annað fjall eða á sunnudegi. Farið með rútu kl 9. frá Mjódd.
Vegalengd 8 km. Hækkun 200 m. Göngutími 4 klst.

Raðganga um Kóngsveg - 4. áfangi

Fjórði leggur raðgöngunnar um Kóngsveg byrjar við Gíslhól en þaðan verður farin hefðbundin leið að Hakinu og um Kárastaðastíg niður í Almannagjá. Þessi leið niður í Almannagjá var ekki gerð fær fyrir hesta fyrr en eftir jarðsigið mikla 1789 þegar leiðin með vatnsbakkanum hvarf undir vatn. Með sprengingum var stígurinn breikkaður og gerður vagnfær um aldamótin 1900 þannig að greiðfært var niður í Gjána þegar konungsfylgdin var þar á ferð. Á Þingvöllum fáum við skemmtilega fræðslu um þessa merku heimsókn Friðriks konungs frá Sigurði Helga Pálmasyni, þingmanni og formanni Þingvallarnefndar.  Frá Þingvöllum verður farið um Skógarkotsveg hjá Skógarkoti og að Tjörnum. Á þessari leið er margt að skoða enda hefur hjarta þjóðarinnar slegið á Þingvöllum í nær 1100 ár.
Vegalengd 15 km. Hækkun 200.
Farið er á eigin bílum og hist við lokastað göngu við Tjarnir kl 9:00 þaðan sem sameinast verður í bíla að upphafsstað. Staðsetning: https://maps.app.goo.gl/QNizJRfaCmx8NpFa6

 Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Bessastaðahringur - Kynslóðaganga

Bessastaðahringurinn er falleg og róleg gönguleið sem liggur um sögufrægt svæði á Álftanesi. Hér sameinast náttúra, saga og samfélag í einni ferð sem er fullkomin til að tengja kynslóðir. Gönguleiðin liggur meðal annars framhjá Bessastöðum þar sem hægt er að njóta útsýnis yfir Faxaflóa og læra um sögu Bessastaða þar sem forseti Íslands dvelur á meðan hann gegnir embættinu.

Á leiðinni gengur hópurinn meðfram ströndinni, þar sem fuglalíf og sjávarlykt skapa einstaka stemningu. Börn geta leitað að skeljum og steinum, á meðan eldri kynslóðir rifja upp sögur. Á góðum degi má sjá Snæfellsjökul í fjarska og jafnvel seli í fjörunni.
Vegalengd: Um 6 km, Tímalengd: Um 2 klst
Ferðin er ókeypis og við hvetjum til að kynslóðirnar komi saman í ferðina.

Nánar

Eyjafjallajökull er með hæstu fjöllum landsins þar sem hann rís tignarlegur yfir Eyjafjöllum. Upp á jökulinn verður farin svokölluð Skerjaleið frá Þórsmerkurvegi. Í fyrstu er bratt upp á Litlu Heiði en síðan aflíðandi upp með Skerjunum að gígbarminum hjá Goðasteini í 1580 m hæð. Gengið verður yfir jökulinn og komið niður að Seljavallalaug. Vegalengd 18-20 km. Hækkun 1500 m. Göngutími 9 klst.

Fararstjóri í þessari ferð verður mikill reynslubolti, sjálfur Hátindahöfðinginn, Þorvaldur Þórsson sem fyrstur fór á alla 100 hæstu tinda landsins.

Nánari lýsing

Raðganga um Kóngsveg - 5. áfangi

Í fimmta áfanga raðgöngunnar um Kóngsveg klárum við gönguna um Skógarkotsveg og göngum að Gjábakkaveg en þar er komið inn á hinn eiginlega Kóngsveg aftur. Frá Gjábakka að Laugarvatni má sjá Kóngsveginn hér og hvar beggja vegna við núverandi bílveg en víða liggur hann á sama stað og Kóngsvegurinn gerði áður. Rétt við veginn í Reyðarbarmshrauni er Tintron um 20 metra djúpur hraunhellir við Stóra-Dímon en fleiri hella má einnig finna á leiðinni frá Gjábakka. Frá Reyðarbarmi liggur leiðin um Barmaskarð niður á Laugarvatnsvelli. Hann hefur lengst af verið skjól fyrir skepnur en um tíma var búið í honum. Reimleikar hrelldu oft bæði menn og skepnur í hellinum. Þaðan verður síðan gengið niður að Laugarvatni.
Vegalengd 18 km. Hækkun 400 m.
Farið er á eigin bílum og hist við lokastað göngu á Laugarvatni kl 9:00 þaðan sem sameinast verður í bíla að upphafsstað. Staðsetning: https://maps.app.goo.gl/CGxveJYkvExRhchV9

 Um raðgönguna um Kóngsveg 2026:

Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Þessi gamla þjóðleið milli Hvalfjarðar og Skorradals hefst innarlega við norðanverðan Botnsvog.  Farið framhjá heiðarvötnum og fossum. Gamlar vörður sem varða leiðina hafa verið endurreistar. Mjög fallegt útsýni er yfir Skorradal af brúninni ofan Vatnshorns þar sem farið verður niður. Vegalengd 15 km. Hækkun 400 m. Göngutími 6 klst.
Farið er á rútu frá Mjóddinni að upphafsstað göngu.  Rútan sækir okkur svo í Skorradalnum.

Þessi ferð er farin með Fjallabrallshópi Útivistar sem sér um fararstjórn.

Raðganga um Kóngsveg - 6. áfangi

Áfram liggur Kóngsvegurinn frá Laugarvatni austur að Miðdal. Árið 1901 var byggð brú á Brúará á sama stað og áður var steinbogi yfir ána. Frá Efstadal liggur leiðin ofan byggðar að Miðhúsum. Þessi gamla alfaraleið er greinileg og mjög skemmtileg enda farið um slóðir sem fáir fara um í seinni tíð.
Vegalengd 16 km. Hækkun óveruleg.
Farið er á eigin bílum og hist við lokastað göngu á Miðhúsum kl 9:00 þaðan sem sameinast verður í bíla að upphafsstað.

Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Árleg næturganga Útivistar yfir Leggjabrjót um sumarnótt. Það er fátt betra en að vera á ferðinni á björtum sumarkvöldum. Þetta er greiðfær leið þó nafnið gefi annað til kynna. Frá Svartagili liggur leiðin um Öxarárdal að Myrkavatni og upptökum Öxarár. Síðan verður gengið um Leggjabrjót, með Sandvatni og um Hrísháls niður í Botnsdal. Þessi ferð er góð upphitun fyrir Jónsmessugönguna yfir Fimmvörðuháls. Vegalengd 16-18 km. Hækkun 500 m. Göngutími 6-7 klst.

Þessi ferð er vinaferð:  Félagar í Útivist geta tekið með sér vin að kostnaðarlausu. Setjið nafn og kennitölu aukaferðalanga í ahugasemd og hafið samband við skrifstofu til  að staðfesta.

Þriggja nátta ævintýra og bækistöðvarferð í Reykjarfjörð á Ströndum.

Siglt er frá Norðurfirði á Ströndum. Siglingin tekur um 1,5 – 2 klst og svo komum við  okkur fyrir í „Gamla húsinu“ í Reykjarfirði  Þar er svefnpokagisting, 6 herbergi með 22 rúmum, sameiginlegu eldhúsi og klósetti.
Við munum nýta dagana vel og fara í styttri og lengri gönguferðir en einnig er hægt að taka það rólaga við sundlaugarbakkann.

Blanda af bækistöðvaferð í Reykjarfjörð og göngu um hina ótrúlegu náttúru milli Reykjarfjarða og Ingólfsfjarða á Ströndum

Fyrri hluti ferðarinnar er sameiginlegur bækistöðvaferðinni  í Reykjarfjörð en eftir tveggja nátta gistingu í skála í Reykjarfirði er haldið á vit ævintýranna og gengið af stað suður til Ingólfsfjarðar. Þá er allt borið á bakinu og gist í eigin tjöldum í þrjár nætur og áð  í Bjarnarfirði, Drangavík og í Ófeigsfirði.

Innifalið: Sigling til Reykjafjarðar, skálagisting í tvær nætur, grillveisla eitt kvöldið og öll fararstjórn.  Þátttakendur koma sér sjálfir á Norðurfjörð.

Gönguleiðin yfir Fimmvörðuháls er mörgum kær, enda ekki óalgengt að fyrstu kynnin af útivist séu í Fimmvörðuhálsgöngu. Í þessari ferð er lögð áhersla á að hafa rúman tíma í gönguna þannig að hægt sé að njóta náttúrunnar. Lagt af stað að morgni dags á föstudegi og gengið frá Skógum á Fimmvörðuháls og gist þar í skála Útivistar. Laugardag verður gengið í Bása og gist þar seinni nóttina. Á sunnudegi verður farið í létta göngu á Goðalandi áður en haldið er heim á leið.

 Athugið að farangur er trússaður í Bása en ekki er hægt að keyra í Fimmvörðuskála og því þarf að bera svefnpoka og mat fyrir fyrsta sólarhringinn.

 Brottför:          3. júlí kl. 9:00 frá Mjódd/bíómegin 
Heimkoma:     5. júlí á milli kl. 17:00 og 18:00
Innifalið:         Akstur, leiðsögn, tvær skálagistingar, heit sturta og sameiginleg kvöldmáltíð í Básum

Fararstjóri: Helga Harðardóttir

Almennar upplýsingar um Fimmvörðuhálsferðir Útivistar og útbúnaðarlisti.

Þessi leið er ein helsta skrautfjöður Útivistar. Ferðin hefst með göngu á Sveinstind. Útsýnið yfir hinn margrómaða Langasjó, sem kúrir upp við Vatnajökul, er hreint ólýsanlegt. Í góðu skyggni má líta yfir bróðurpart hálendis Íslands. Leiðin liggur svo um fáfarnar slóðir, söndugar og mosavaxnar, meðfram Skaftá og um leynistigu með Uxatindum og fram grösuga Skælinga. Ganga á Gjátind og um sjálfa Eldgjá er góður lokakafli á þessari margbreytilegu göngu sem lýkur í Hólaskjóli. Ferðirnar eru trússferðir. Farangur er fluttur á milli náttstaða, svo að þátttakendur þurfa aðeins að bera bakpoka með nesti og hlífðarfötum.

Síðasta kvöldið er boðið upp á grillveislu sem þáttakendur sjá saman um að útbúa.

Nánari lýsing

Í víðum fjallasal breiðir Hólmsárlón úr sér en yfir því gnæfa Svartahnjúksfjöll og Torfajökull. Í suðri má sjá tindinn á fjallinu Strút, en af honum er nafn leiðarinnar dregið. Gangan hefst í Hólaskjóli en þaðan er um tveggja klukkustunda gangur í skálann við Álftavötn þar sem gist er fyrstu nóttina. Frá Álftavötnum er gengið með Svartahnjúksfjöllum í Hólmsárbotna og þar gefst jafnan tækifæri til að skola af sér ferðarykið í hinni rómuðu Strútslaug. Úr lauginni er gengið í Strútsskála þar sem gist er tvær nætur. Þann dag sem dvalið er í skálanum er gengið um einstakt umhverfi skálans. Á lokadegi liggur gönguleiðin um Mælifellssand í Hvanngil þar sem rúta tekur upp hópinn.

Brottför er frá Mjódd.  Innifalið í verði er fararstjórn, rútuferðir, flutningur á farangri milli skála og allar skálagistingar. Grillveisla í Strútsskála er einnig innifalin þar sem þátttakendur hjálpast að með matinn.

Fjölbreytt og skemmtileg ferð um hið stórkostlega og óbyggða landsvæði í kringum Gerpi. Hér er blandað saman göngum og siglingu, stórkostlegri náttúru og merkilegri sögu eyðibyggðanna. Þátttakendur koma sér sjálfir austur en svo gist í skálum allar nætur og allt innifalið, allur matur í ferðinni, kokkur, trúss, leiðsögn og svefnpokagisting alla dagana. Einnig bátsferð með fólk til og frá Barðsnesi. Morgunmatur heimferðardaginn ekki innifalinn.
Fararstjóri verður Sævar Guðjónsson svæðisleiðsögumaður sem þekkir hverja þúfu og lækjarsprænu á svæðinu ásamt sögu þess og sérkenjum.

Eftir velheppnaðar bækistöðvaferðir í Bása síðast liðin sumur verður leikurinn endurtekinn.

Stundum er talað um að hjarta Ferðafélagsins Útivistar slái í Básum á Goðalandi, en þar eiga jafnt yngri sem eldri Útivistarfélagar margar sælar minningar. Þessi ferð er tilvalin fyrir eldri félaga sem vilja endurupplifa góðar minningar, sem og nýja félaga á virðulegum aldri sem langar að kynnast þessari paradís undir leiðsögn kunnugra.

Nánari lýsing

Nú er komið að þriðja legg í Horn í Horn leiðangrinum sem hófst sumarið 2024.  Að þessu sinni verður gengið í 8. gönguáföngum frá Sprengisandi og milli byggðar og jökla um mela og heiðar allt vestur í Hrútafjörð. Fyrstu nóttina er gist í skála en annars er gist í tjöldum á leiðinni en reynt að hafa næturstað nálægt gangnamannahúsum. Gist er í eigin tjöldum og er mælt með 4. árstíða tjöldum.  Ferðin er trússuð og stefnt að því að hitta bílinn og búnaðinn öll kvöld.

Verð væntanlegt

Nánari lýsing

Þessi leið er ein helsta skrautfjöður Útivistar. Ferðin hefst með göngu á Sveinstind. Útsýnið yfir hinn margrómaða Langasjó, sem kúrir upp við Vatnajökul, er hreint ólýsanlegt. Í góðu skyggni má líta yfir bróðurpart hálendis Íslands. Leiðin liggur svo um fáfarnar slóðir, söndugar og mosavaxnar, meðfram Skaftá og um leynistigu með Uxatindum og fram grösuga Skælinga. Ganga á Gjátind og um sjálfa Eldgjá er góður lokakafli á þessari margbreytilegu göngu sem lýkur í Hólaskjóli. Ferðirnar eru trússferðir. Farangur er fluttur á milli náttstaða, svo að þátttakendur þurfa aðeins að bera bakpoka með nesti og hlífðarfötum.

Síðasta kvöldið er boðið upp á grillveislu sem þáttakendur sjá saman um að útbúa.

Nánari lýsing

Í víðum fjallasal breiðir Hólmsárlón úr sér en yfir því gnæfa Svartahnjúksfjöll og Torfajökull. Í suðri má sjá tindinn á fjallinu Strút, en af honum er nafn leiðarinnar dregið. Gangan hefst í Hólaskjóli en þaðan er um tveggja klukkustunda gangur í skálann við Álftavötn þar sem gist er fyrstu nóttina. Frá Álftavötnum er gengið með Svartahnjúksfjöllum í Hólmsárbotna og þar gefst jafnan tækifæri til að skola af sér ferðarykið í hinni rómuðu Strútslaug. Úr lauginni er gengið í Strútsskála þar sem gist er tvær nætur. Þann dag sem dvalið er í skálanum er gengið um einstakt umhverfi skálans. Á lokadegi liggur gönguleiðin um Mælifellssand í Hvanngil þar sem rúta tekur upp hópinn.

Brottför er frá Mjódd.  Innifalið í verði er fararstjórn, rútuferðir, flutningur á farangri milli skála og allar skálagistingar. Grillveisla í Strútsskála er einnig innifalin þar sem þátttakendur hjálpast að með matinn.

Nánari lýsing

Seinni Horn í Horn leiðangurinn hóf göngu í fyrra og nú er komið að öðrum legg þess leiðangurs. Um er að ræða sjö göngudagar og tvo ferðadagar, alls níu daga.

Farið er með rútu frá Reykjavík að Mývatni og þaðan að Upptyppingum. Þar er tjaldað og daginn eftir er fyrsti göngudagur.
Leiðin liggur yfir Vikursand, framhjá Vaðöldu, Dungjuvatni og suður fyrir Öskju hjá Holuhrauni og um Ódáðahraun og stefnan tekin á brúna yfir Skjálfandafljót. Þaðan er stefnan tekin að Fjórðungsvatni og að Laugafelli þar sem slakað verður á í heitri lauginni og gist í skála. Gist er í tjöldum alla ferðina nema síðustu nóttina en þá er gist í skálanum að Laugafelli. Daginn eftir er farið heim með rútu.

Heildarvegalengd göngunnar er um 150 km. Ferðin er trússuð.
Fararstjóri er Hrönn Baldursdóttir

Í þessari ferð er Fimmvörðuhálsinn gengin á einum degi. Lagt er af stað á laugardagsmorgni með rútu frá Mjódd (sunnan við bíóið og vestan við Breiðholtskirkju kl. 07:00 og keyrt að Skógum þar sem gangan hefst. Gengið er yfir hálsinn og niður í Bása þar sem rútan bíður og rekur fferðalanga beint aftur í bæinn. 

Nánari lýsing 

Gönguleiðin á milli Landmannalauga og Þórsmerkur (Bása) kallast Laugavegur. Útivist býður á hverju sumri upp á nokkrar ferðir um svæðið og er oftast um að ræða trússferðir sem taka 5 daga og er ýmist gist í skálum eða tjöldum á leiðinni. Í þessari ferð er gist í Landmannalaugum og svo gengið í Bása á þremur dögum. Í ferðinni gefst ferðafólki kostur á að kynnast ótrúlega fjölbreyttu og fögru landslagi.  Má þar nefna heitar laugar, hveri og jökla. Litadýrð og fegurð landslagsins er slík að ekki verður lýst með orðum. 

Leiðarlýsing 

Vatnaleiðin er sígild gönguleið um fjöll og dali á austanverði Snæfellsnesi, Hún liggur milli fallegra vatna sem gefa henni nafn sitt.  Gist er í leitarmannaskálum Ferðafélags Borgarfjarðar á leiðinni.  Ferðin er trússuð og því er nóg að vera með dagpoka á daginn. Rúta verður frá Reykjavík og aftur til baka.
Innifalið er rúta frá Reykjavík, gisting, trúss og fararstjórn

Verð væntanlegt

Gönguleiðin yfir Fimmvörðuháls er mörgum kær, enda ekki óalgengt að fyrstu kynnin af útivist séu í Fimmvörðuhálsgöngu. Í þessari ferð er lögð áhersla á að hafa rúman tíma í gönguna þannig að hægt sé að njóta náttúrunnar. Lagt af stað að morgni dags á föstudegi og gengið frá Skógum á Fimmvörðuháls og gist þar í skála Útivistar. Laugardag verður gengið í Bása og gist þar seinni nóttina. Á sunnudegi verður farið í létta göngu á Goðalandi áður en haldið er heim á leið.

Athugið að farangur er trússaður í Bása en ekki er hægt að keyra í Fimmvörðuskála og því þarf að bera svefnpoka og mat fyrir fyrsta sólarhringinn.

Brottför:          24. júlí kl. 9:00 frá Mjódd/bíómegin 
Heimkoma:    26. júlí á milli kl. 17:00 og 18:00
Innifalið:         Akstur, leiðsögn, tvær skálagistingar, heit sturta og sameiginleg kvöldmáltíð í Básum

Almennar upplýsingar um Fimmvörðuhálsferðir Útivistar og útbúnaðarlisti.

Skemmtileg blanda af bækistöðvarferð og göngu yfir Tindfjallajökul.

Í þessari ferð er farið í Tindfjöll. Dvalið er tvær nætur í skála Útivistar, Tindfjallaseli og stundaðar fjallgöngur. Svo er gengið yfir Tindfjallajökul og Ásgrindur og niður í Hungurfit þar sem gist er síðustu nóttina. Þessi ferð er nokkuð krefjandi og þurfa göngumenn að vera í góðu formi.
Farið er á eigin bílum í Fljótshlíð. Ferðin er trússuð.

Ferð á Grænahrygg og Augað, gist verður í eina nótt í Landmannahelli.

Lagt verður af stað kl. 7 úr Reykjavík og ekið inn að Kýlingum þar sem gangan hefst. Gengið verður um Halldórsgil inn að Grænahrygg. Nokkuð er um hækkun og lækkun á leiðinni um stórkostlegt og litríkt landslag þar til Grænahrygg er náð. Ef ekki eru vatnavextir í Jökulgilskvísl verður gengið frá Grænahrygg um Jökulgilið og Uppgönguhrygg í Landmannalaugar. Annars verður gengið til baka að upphafsstað göngu og rúta ekur hópnum inn að Landmannahelli þar sem gist verður.

Reikna má með 16-20 km göngu sem tekur ca. 8-10 klst. Nokkuð er um vöð á leiðinni og góðir vaðskór því nauðsynlegir. Ganga um Uppgönguhrygg getur verið krefjandi fyrir lofthrædda.

Á fimmtudagsmorgun er haldið af stað eftir morgunmat og ekið um Dómadalsleið að upphafsstað göngu fyrir neðan Rauðafoss. Gengið er upp með Rauðafossi að upptökum Rauðufossakvíslar þar sem sjá má dulmagnaða náttúrusmíð er nefnist Augað.

Gangan tekur um 4 klst. og er 10 km löng.

Í þessari ferð er Fimmvörðuhálsinn gengin á einum degi. Lagt er af stað á laugardagsmorgni með rútu frá Mjódd (sunnan við bíóið og vestan við Breiðholtskirkju kl. 07:00 og keyrt að Skógum þar sem gangan hefst. Gengið er yfir hálsinn og niður í Bása þar sem rútan bíður og rekur fferðalanga beint aftur í bæinn. 

Nánari lýsing

Í þessari ferð öxlum við bakpokana og göngum í kringum hinn ótrúlega Langasjó. Það verður ein nótt í skála og tvær í tjaldi. Fararstjóri er Páll Arnarson

Ferðalýsing:

Farið með rútu frá Mjódd og upp að Langasjó. Gengið í skála Útivistar í Sveinstindi  og komið sér fyrir.
Vegalengd um 5km, hækkun eftir veðri og aðstæðum

Gengið frá skála og haldið norðaustur eftir skemmtilegri og afar fallegri leið í gegnum og með Fagrafjallgarði að tjaldstað við enda Langasjós.
Vegalengd, ca 25-30km, Hækkun 6-700m

Gengið úr tjaldstæði og fyrir enda vatnsins og svo undir hlíðum Breiðbaks suður undir mitt vatnið þar sem valinn verður huggulegur tjaldstaður.
Vegalengd 25 – 30km, hækkun 2-300m

Síðasta daginn er gengið áfram undir Breiðbaki að suðurenda vatnsins þar sem rútan sækir okkur.
Vegalengd, 10-12km, óveruleg hækkun

Í víðum fjallasal breiðir Hólmsárlón úr sér en yfir því gnæfa Svartahnjúksfjöll og Torfajökull. Í suðri má sjá tindinn á fjallinu Strút, en af honum er nafn leiðarinnar dregið. Gangan hefst í Hólaskjóli en þaðan er um tveggja klukkustunda gangur í skálann við Álftavötn þar sem gist er fyrstu nóttina. Frá Álftavötnum er gengið með Svartahnjúksfjöllum í Hólmsárbotna og þar gefst jafnan tækifæri til að skola af sér ferðarykið í hinni rómuðu Strútslaug. Úr lauginni er gengið í Strútsskála þar sem gist er tvær nætur. Þann dag sem dvalið er í skálanum er gengið um einstakt umhverfi skálans. Á lokadegi liggur gönguleiðin um Mælifellssand í Hvanngil þar sem rúta tekur upp hópinn.

Brottför er frá Mjódd.  Innifalið í verði er fararstjórn, rútuferðir, flutningur á farangri milli skála og allar skálagistingar. Grillveisla í Strútsskála er einnig innifalin þar sem þátttakendur hjálpast að með matinn.

Nánari lýsing

Þessi leið er ein helsta skrautfjöður Útivistar. Ferðin hefst með göngu á Sveinstind. Útsýnið yfir hinn margrómaða Langasjó, sem kúrir upp við Vatnajökul, er hreint ólýsanlegt. Í góðu skyggni má líta yfir bróðurpart hálendis Íslands. Leiðin liggur svo um fáfarnar slóðir, söndugar og mosavaxnar, meðfram Skaftá og um leynistigu með Uxatindum og fram grösuga Skælinga. Ganga á Gjátind og um sjálfa Eldgjá er góður lokakafli á þessari margbreytilegu göngu sem lýkur í Hólaskjóli. Ferðirnar eru trússferðir. Farangur er fluttur á milli náttstaða, svo að þátttakendur þurfa aðeins að bera bakpoka með nesti og hlífðarfötum.

Síðasta kvöldið er boðið upp á grillveislu sem þáttakendur sjá saman um að útbúa.

Nánari lýsing

Eftir velheppnaða bækistöðvaferð í Strút síðast liðið sumar verður leikurinn endurtekinn.

Jafnt yngri sem eldri Útivistarfélagar eiga minningar frá gönguferðum að Fjallabaki. Ferðafélagið Útivist tekur áskorun frá hópi 60+ þátttakenda frá síðastliðnu sumri og bíður aftur uppá þriggja nátta bækistöðvaferð í Strút skála félagsins, að syðra Fjallabaki. Þessi ferð er tilvalin fyrir eldri félaga sem vilja endurupplifa góðar minningar, sem og nýja félaga á virðulegum aldri sem langar að kynnast fagurri náttúru undir leiðsögn kunnugra.

Nánari lýsing

Í þessari ferð er gengið yfir Fimmvörðuháls í einum áfanga á laugardegi og svo gist í Básum. Á sunnudegi verður farið í létta göngu á Goðalandi áður en rúta flytur hópinn heim.

Innifalið í verði er fararstjórn, rútuferðir, flutningur á farangri í Bása, skálagisting og grillveisla um kvöldið í Básum.

Raðganga um Kóngsveg - 7. áfangi

Í þessum sjöunda og næstsíðasta áfanga um Kóngsveginn liggur leiðin frá Miðhúsum að Úthlíð og áfram með rótum Bjarnarfells að Geysi í Haukadal. Á þessari leið eru margir fallegir staðir svo sem Hrauntúnstjarnir. Leiðir flestra ferðamanna sem til Íslands komu í árdaga ferðamennskunnar lágu þessa leið og Friðrik áttundi var ekki fyrsti Danakonungurinn sem kom að Geysi. Árið 1874 var Kristján konungur níundi þar á ferð og steinn hefur verið reistur þar til minja um komu hans.
Vegalengd 12 km.  Hækkun óveruleg.
Farið er á eigin bílum og hist við lokastað göngu á Geysi kl 9:00 þaðan sem sameinast verður í bíla að upphafsstað.

Um raðgönguna um Kóngsveg 2026:
Árið 2026 verða 119 ár liðin frá ferð Friðriks áttunda konungs Danmerkur og Íslands frá Reykjavík til Þingvalla, Geysis og Gullfoss. Að því tilefni stendur Útivist fyrir raðgöngu þessa leið og verður hún farin í átta áföngum frá janúar og fram í september.
Fyrirkomulag ferðanna verður þannig að þátttakendur fara á eigin bílum og hittast við lokastað hverrar göngu. Sameinast er í bíla að upphafsstað þar sem gangan hefst.
Fararstjórar verða Hanna Guðmundsdóttir, Fríða Brá Pálsdóttir og Jóhanna Benediktsdóttir ásamt fleirum.

Sveppaferð kynslóðanna í samstarfi við HÍN og Sveppafélagið

Þessi kynslóðaganga í Heiðmörk snýst um að njóta útiveru og læra um sveppi í íslenskri náttúru. Ferðin er í samstarfi við Sveppafélagið og Hið íslenska náttúrufélag en við fáum góðan gest frá Sveppafélaginu sem mun fræða þátttakendur um algengustu ætisveppi, hvernig greina þá frá óætum tegundum og mikilvægi þeirra í vistkerfinu.

Börn geta tekið þátt með því að leita að sveppum á skógarstígunum í kring og skoða lit og lögun, á meðan eldri kynslóðir miðla reynslu og sögum tengdum sveppatínslu. Þetta er frábært tækifæri til að tengja saman kynslóðir í náttúru sem er bæði falleg og fróðleg.
Tími: 1,5-2 klst
Ferðin er ókeypis og við hvetjum til að kynslóðirnar komi saman í ferðina.

Nánari upplýsingar

Hér er gengið um Arnardalsskarð, gamla þjóðleið yfir Snæfellsnesfjallgarð á milli Grundarfjarðar og Staðarsveitar. Veður ræðir hvort við göngum yfir skarðið frá suðri eða norðri.  Það er jú alltaf gott að hafa vindinn í bakið. Rútan sækir okkur þegar yfir er komið. Gangan er 13-14km, tekur um 6 -7 klst og hækkun er alls um 700m

Þessi ferð er vinaferð:  Félagar í Útivist geta tekið með sér vin að kostnaðarlausu. Setjið nafn og kennitölu aukaferðalanga í ahugasemd og hafið samband við skrifstofu til  að staðfesta.

Búrfellsgjá – Gönguferð kynslóðanna um náttúruundur og sögu jarðfræðinnar

Búrfellsgjá er einstakt jarðfræðifyrirbæri á höfuðborgarsvæðinu – löng og mjó hraungjá sem myndaðist við eldgos fyrir um 8.000 árum. Gönguleiðin hefst við Heiðmörk og liggur eftir gjánni þar sem hægt er að upplifa krafta náttúrunnar í formi hraunveggja og gróðurs sem hefur tekið sér bólfestu í sprungum og skútum.

Á leiðinni er tilvalið að ræða jarðsögu Íslands, hvernig hraun rann og mótaði landið, og hvernig lífið hefur aðlagast þessum harðneskjulegu aðstæðum. Börn geta skoðað hraunmyndanir og leitað að mosum og plöntum, á meðan eldri kynslóðir miðla sögum tengdum svæðinu.
Vegalengd: 3,5-4km, Tímalengd 1,5 – 2 klst
Ferðin er ókeypis og við hvetjum til að kynslóðirnar komi saman í ferðina.

Nánari upplýsingar

Hraðferð um Laugaveginn er tilvalin fyrir þá sem eru í þokkalegu gönguformi og vilja fara þessa fjölförnu leið á þeim tíma þegar fáir eru á ferli.

Blákollur í Jósepsdal er virkilega skemmtileg gönguleið á Hellisheiðinni og er umhverfið ævintýralegt. Fjallið blasir við þegar keyrt er eftir þjóðveginum. Fjallið er um 530 metra yfir sjávarmáli og á toppi fjallsins er ægifagurt útsýni yfir hraunbreiður Hellisheiðarinnar, Hengilssvæðið, Reykjavík og Esjuna. Blákollur er þægilegt fjall og hentar því vel þeim sem vilja kanna nýjar slóðir á Hellisheiðinni. Gangan er um fimm kílómetra löng og tekur um tvær klukkustundir.