Ferð á Grænahrygg og Augað, gist verður í eina nótt í Landmannahelli.

Lagt verður af stað kl. 7 úr Reykjavík og ekið inn að Kýlingum þar sem gangan hefst. Gengið verður um Halldórsgil inn að Grænahrygg. Nokkuð er um hækkun og lækkun á leiðinni um stórkostlegt og litríkt landslag þar til Grænahrygg er náð. Ef ekki eru vatnavextir í Jökulgilskvísl verður gengið frá Grænahrygg um Jökulgilið og Uppgönguhrygg í Landmannalaugar. Annars verður gengið til baka að upphafsstað göngu og rúta ekur hópnum inn að Landmannahelli þar sem gist verður.

Reikna má með 16-20 km göngu sem tekur ca. 8-10 klst. Nokkuð er um vöð á leiðinni og góðir vaðskór því nauðsynlegir. Ganga um Uppgönguhrygg getur verið krefjandi fyrir lofthrædda.

Á fimmtudagsmorgun er haldið af stað eftir morgunmat og ekið um Dómadalsleið að upphafsstað göngu fyrir neðan Rauðafoss. Gengið er upp með Rauðafossi að upptökum Rauðufossakvíslar þar sem sjá má dulmagnaða náttúrusmíð er nefnist Augað.

Gangan tekur um 4 klst. og er 10 km löng.

Fararstjóri er Hrönn Baldursdóttir.

Hvenær gafst þér síðast tækifæri til að njóta fegurðar Þórsmerkur og kyrrðarinnar sem þar ríkir?

Þessi ferð er hugsuð fyrir 60+ sem hafa áhuga á að skoða Þórsmerkursvæðið í allri sinni dýrð.

Í ferðinni er farið um helstu svæði Þórsmerkur og fengin innsýn í fjölbreytta náttúru hennar. Við tökum rútu úr Reykjavík og höldum inn í Þórsmörk og Goðaland með smá stoppi á leiðinni. Í Básum þar sem hjarta Útivistar slær, tekur staðarhaldari á móti okkur og við förum í skoðunarferð og þau sem vilja taka Básahringinn sem er stuttur en afar skemmtilegur göngutúr hafa færi á því. Svo er snæddur hádegisverður í litla veitingaskálanum okkar, Básabita. Svo liggur leiðin áfram á rútunni yfir á svæði FÍ í Langadal þar sem stoppað verður stutt. Þeir sem vilja, ganga yfir í Húsadal en aðrir taka rútuna áfram þangað. Í Húsadal bíður kaffi og kaka áður en haldið er til baka til Reykjavíkur.

Þessi ferð er fyrir alla, hvort sem þau hafa hug á stuttum göngum eða vilja nota rútuna meira. Við njótum fallegs umhverfis, góðs félagsskapar og góðs matar!

Markmiðið er einfalt: að njóta samverunnar og eiga ánægjulega stund í þessari einstöku náttúru.

Fararstjórar eru Gunnar Hólm Hjálmarsson

Innifalið er rúta til og frá Reykjavík
Leiðsögn
Hádegismatur í Básum
Kaffi og kaka í Húsadal

Fjallabrall hefur fest sig í sessi sem gríðarlega vinsæll gönguhópur innan Útivistar síðan hann fór í gang á haustdögum 2022.

Hópurinn er ætlaður öllum þeim sem hafa einhverja reynslu af útivist og fjallgöngum. Erfiðleikastig ferða er 1-2 skór. Miðað er við að dagsferðir séu ekki meira en um 15 km og uppsöfnuð hækkun í ferðum ekki meiri en um 600 metrar.*

Á haustönninni mun hópurinn ganga átta sinnum saman en farnar verða fjórar kvöldferðir og fjórar dagsferðir. Fyrsta ferð haustannarinnar, á Sandsfjall í Kjós, verður opin öllum sem vilja koma og máta sig við hópinn og okkur fararstjórana.

Miðað er við að fólk fari á eigin bílum í ferðir (nema í Bláfell á Kili þar sem farið verður í rútu). Í kvöldgöngunum hittist hópurinn kl. 18 og í dagsgöngunum hittist hópurinn ýmist kl.8 eða kl. 9, í báðum tilvikum er boðið að sameinast í bíla og svo keyrir hópurinn í samfloti að upphafstað göngu.

Í ferðunum er aðal áherslan á að öllum líði vel. Allir eiga að geta notið sín í hópnum og mikið er lagt upp úr því að njóta útiverunnar saman. Þátttakendur fræðast um ýmsa hluti tengda göngum og útivist auk þess sem lagt er upp úr því að deila fróðleik tengdum svæðinu sem ferðast er um.

Innifalið í skráningu er fararstjórn í allar ferðir og rúta í dagsferð á Bláfell að Kili.

Fararstjórar eru Fríða Brá Pálsdóttir, Hanna Guðmundsdóttir og Tryggvi Guðmundsson.

Dagskrá

Bláfjallahreysti

Bláfjallahreysti er lokaður gönguhópur fyrir vant göngufólk. Gengnar verða fjölbreyttar leiðir á Bláfjallsvæðinu svæðinu. Umhverfi Bláfjalla er einstaklega fallegt og fjölbreytt svæði og gaman að ganga þar um. Bláfjallahreysti er fimm vikna gönguprógram og verða göngurnar sex, fjórar kvöldferðir og tvær dagsferðir. Fyrsta ferðin verður kvöldferð 27. ágúst og sú síðast í lok september. Erfiðleikastig er 2 skór og munu alltaf tveir fararstjórar vera með hópnum. Þátttakendur fara á eigin bílum.

Fararstjórar eru Guðrún Svava Viðarsóttir og Margrét Harðardóttir

27. ág             fimmtudagur          Sauðadalahnúkur 9km, 450 – 500m hækkun

1. sept            þriðjudagur            Bláfjallahorn, Kerlingahnjúkur og Heiðartoppur, 8-9km 350m hækkun

5. sept            laugardagur           Lambafellshraun, Eldborgir og Lambafell, 18-19km, 400/500m hækkun

10. sept          fimmtudagur          Geitafell, 8 – 9km, 350 – 400m hækkun

15. sept          þriðjudagur            Rauðuhnúkar, 5-6km, 250-300m hækkun

19. sept          laugardagur           Bláfjöll, Bláfjallahryggur og Ólafsskarðshnúkur, 15-16 km, 650 – 700m hækkun

Strútsskáli og nágrenni hans með fararstjórum Fjallabralls

Á síðustu dögum sumarsins bjóða fararstjórar Fjallabralls, Fríða, Hanna og Tryggvi, til langrar helgarferðar í Strútsskála. Skálinn stendur undir Torfajökli í stórbrotnu umhverfi.

Lagt verður af stað frá Reykjavík kl. 17:00 og keyrt sem leið liggur í Strútsskála þar sem við komum seint í hús og komum okkur í koju. Á föstudeginum og laugardeginum verður svo gengið í nágrenni Strútsskála og farið í styttri göngu á sunnudeginum áður en keyrt verður aftur í bæinn. Val á gönguleiðum fer eftir veðri og vindum en nóg er í boði og þær leiðir sem koma til greina eru meðal annars ganga á Strút og um Strútsgil, í Strútslaug og Hólmsárbotna, á Mælifell, að Torfajökli og fleira.

Ferðin er ætluð öllum þeim sem hafa einhverja reynslu af útivist og fjallgöngum. Í göngunum er aðal áherslan á að öllum líði vel. Allir eiga að geta notið sín á göngu og mikið er lagt upp úr því að njóta útiverunar saman

Fararstjórar eru Fríða Brá Pálsdóttir, Hanna Guðmundsdóttir og Tryggvi Guðmundsson.

Brottför er frá Mjódd.

Innifalið í verði er fararstjórn, rútuferðir, skálagisting í þrjár nætur, heit sturta. Grillveisla í Strútsskála á laugardagskvöldi er einnig innifalin þar sem þátttakendur hjálpast að með matinn.

Að loknu góðu ferðasumri liggja allar leiðir í Bása til að taka á móti haustinu. Á þeim tíma er einstakt að heimsækja Goðaland því þá gleðja haustlitirnir augað hvert sem litið er. Gönguferðir og holl útivist er einkenni ferðarinnar og því verður farið í góða göngu um Goðaland. Gönguleið verður valin eftir veðri og aðstæðum. Á laugardagskvöldi verður grillveisla og varðeldur að hætti Útivistar. Brottför frá Mjódd, sami brottfararstaður og í dagsferðum.

Innifalið í verði er fararstjórn, rútuferðir og skálagisting og grillveisla á laugardagskvöldi

Bláfell er mikið fjall á Biskupstungnaafrétti, móbergsstapi sem jöklar síðustu jökulskeiða hafa mótað. Sagnir herma að þar hafi búið tröll og skessur. Gangan hefst á móts við Illagil við Bláfellsháls og er gengið um mela og tvö smágil. Þegar á háfjallið er komið er afar víðsýnt til allra átta. Vegalengd 9–10 km. Hækkun 650 m. Göngutími 5–6 klst.

Ferðin er farin með Fjallabralli Útivistar sem sér um fararstjórn

Aðventuferðirnar eru alltaf frábær skemmtun bæði fyrir börn og fullorðna. Vetrarríkið í Básum skartar sínu fegursta og einhverjum sögum fer af því að jólasveinum bregði fyrir í fjöllunum og jafnvel fleiri meðlimum þeirrar fjölskyldu. Þegar skyggja tekur verður sest að jólahlaðborði og blásið til kvöldvöku.

Innifalið í verði er fararstjórn, rútuferðir og skálagisting.

Athugið að það er frítt fyrir börn 6 ára og yngri og 50% afsláttur fyrir börn 7-17ára.

Aðventuferðirnar eru alltaf frábær skemmtun bæði fyrir börn og fullorðna. Vetrarríkið í Básum skartar sínu fegursta og einhverjum sögum fer af því að jólasveinum bregði fyrir í fjöllunum og jafnvel fleiri meðlimum þeirrar fjölskyldu. Þegar skyggja tekur verður sest að jólahlaðborði og blásið til kvöldvöku.

Innifalið í verði er fararstjórn, rútuferðir og skálagisting.

Athugið að það er frítt fyrir börn 6 ára og yngri og 50% afsláttur fyrir börn 7-17ára.

Það er fátt sérstakara en að kveðja gamla árið og fagna nýju í fögrum fjallasal umkringdum stórbrotinni náttúru, jöklum og eldfjöllum. Áramót í Básum eru ógleymanleg upplifun með gönguferðum, góðum mat, blysför, áramótabrennu, flugeldum og fleiru skemmtilegu. Allt í góðum félagsskap manna, álfa og trölla eins og vera ber um áramót.

Innifalið í verði er fararstjórn, rútuferðir og skálagisting.

Athugið að það er frítt fyrir börn 6 ára og yngri og 50% afsláttur fyrir börn 7-17ára.

Kortið sýnir gönguleiðir í Þórsmörk og á Goðalandi.

Á bakhlið eru einföld kort af gönguleiðunum um Laugaveg og Fimmvörðuháls.

Kortið er endurnýjuð útgáfa frá 2007 og 2012 og er gefið út af Útivist og Fí.

Kortagerð annaðist Loftmyndir ehf.
Hönnun annaðist Björg Vilhjálmsdóttir: bjorgvilhjalms.is

Póstlagning kortsins er innifalin í verði.