Setur - Leppistungur

Dags:

lau. 4. mar. 2023 - sun. 5. mar. 2023

Brottför:

kl. 08:00 frá Olís við Rauðavatn.

  • Skáli

Farið verður frá Reykjavík að morgni laugardags og ferðinni heitið á Kjöl. Á Kjalvegi verður afleggjarinn til austurs í átt að Kerlingafjöllum ekinn og stefnan tekin á Gýgjarfoss. Í fjöllunum verður síðan áð og notið. Að kaffisopa loknum liggur leiðin til austurs fyrir norðan Snækoll og Loðmund, yfir Illahraun í átt að Setri, þar sem gist verður um nóttina. Á sunnudagsmorgni liggur leiðin síðan í suðurátt undir Þverbrekkum í átt að Kisubotnum. Eftir að hafa átt við vöðin á Kisu höldum við upp á suðursvæði Kerlingafjalla með viðkomu í Klakk og Kerlingagljúfri. Leppistungurnar verða eknar og áð í Svínárnesi. Suður Hrunamannaafrétt verður haldið og á leið okkar verður Gullfoss í vesturátt. Leiðin liggur síðan heimleiðis gegnum Flúðir.

Farastjóri: Þórarinn Eyfjörð

  • Fundur með þátttakendum verður haldinn í aðdraganda ferðar þar sem m.a. er farið yfir búnað bíla, almennan búnað, umgengni í skálum o.fl. Fundartími auglýstur síðar.
  • Nauðsynlegt er að vera með VHF rás Útivistar í öllum bílum.
  • Allir forráðamenn bíla verða að vera félagsmenn í Útivist.
  • Innifalið í verði er fararstjórn og skálagistingar.

 

Verð 18.000 kr.

Nr.

2303J01