Nú hafa vatnsmálin í Dalakofanum verið leyst, en fram að þessu hefur ekki verið rennandi vatn í skálanum. Þessu fylgir að vatnssalerni í skálanum er orðið virkt og aðstaðan eins og best er á kosið.
Í Dalakofanum er svefnrými fyrir allt að 36 manns í tveimur aðskildum svefnskálum. Milli svefnskálanna er rúmgott eldhús og borðsalur, ásamt salerni. Nokkrar aðgerðir þurfti til að koma rennandi vatni á skálann en því er dælt í safntank rétt ofan við skálann.