Laugavegurinn

Dags:

fim. 30. jún. 2022 - mán. 4. júl. 2022

Brottför:

Kl. 08:00 frá Mjódd

  • Skáli
Þessi viðburður er liðinn.

Óhætt er að segja að Laugavegurinn sé þekktasta gönguleið landsins og þó víða væri leitað. Í þessari Laugavegsferð er leiðin gengin í fjórum þægilegum áföngum. Ekið í Landmannalaugar að morgni dags og samdægurs gengið sem leið liggur í Hrafntinnusker þar sem gist er fyrstu nóttina. Úr Hrafntinnuskeri er haldið suður eftir sléttum vestan Reykjafjalla og um Jökultungur í Hvanngil. Úr Hvanngili er gengið um slétta sanda, með Mýrdalsjökul á vinstri hönd, í Emstrur þar sem gist er í Botnaskála. Frá Emstrum liggur leiðin yfir Syðri-Emstruá á göngubrú í fallegu gili og áfram sem leið liggur um Almenninga í Þórsmörk. Í Básum á Goðalandi bíður göngumanna grillveisla í einstöku umhverfi, en þar er gist í notalegum skála. Á heimfaradegi er farið í stutta göngu um nágrenni Bása áður en haldið er heim.

Steinar Sólveigarson er fararstjóri.

Nánar um leiðarlýsingu hér.

Verð 102.000 kr.

Nr.

2206L01
  • Miðhálendi