Björgunarsveitin Stjarnan í Skaftártungu hefur síðastliðið ár verið að byggja nýtt hús undir starfsemi sína. Til að fjármagna kaup á varmadælu í nýja húsið leitaði sveitin til þeirra ferðaþjónustufyrirtækja sem mest eru á fjallabaki á sumrin en það eru Útivist, Íslenskir Fjallaleiðsögumenn, Ferðakompaníið, Fjallabak, Ferðafélag Íslands og Kynnisferðir. Fyrirtækin tóku vel í þá beiðni að styrkja sveitina á þennan hátt og fjármögnuðu kaupin í sameiningu.
Mánudaginn 25. mars var varmadælan formlega afhent Björgunarsveitinni Stjörnunni í húsnæði Landsbjargar við Skógarhlíð.
Nánari upplýsingar veitir Gísli í síma 8948273.