Dags:
þri. 29. ágú. 2023 - þri. 3. okt. 2023
Tími:
Hefur þig alltaf langað til að geta gengið á fjöll og/eða taka þátt í lengri göngum en ekki látið verða af því? Þá er Útivistargírinn fyrir þig! Fjölmargir hafa tekið sín fyrstu skref í útivist og fjallgöngum með Útivistargírnum þar sem saman koma nýliðar og reynsluboltar í útivistinni.
Dagskrá Útivistargírsins haustið 2023 hefst 29. ágúst og stendur til 3. október. Göngurnar henta flestum sem geta hreyft sig með góðu móti sem og nýliðum í útivist og hvetjum við einnig þá sem vanari eru göngum að taka þátt nema annað sé tekið fram. Í kvöldgöngum er farið yfir grunnatriði í útivist og gönguferðum og fjölbreytt starfsemi Útivistar kynnt þar sem allir geta fundið eitthvað við sitt hæfi. Gönguleiðirnar eru fjölbreyttar og er tekið mið af veðri og færð hverju sinni.
Göngurnar taka 2–4 klukkustundir og koma þátttakendur sér á staðinn á einkabílum.
Þátttaka í göngunum er félagsmönnum Útivistar að kostnaðarlausu en æskilegt er að skrá þátttöku í hverja göngu fyrir sig í viðburði á Facebook. Kynntu þér Útivistargírinn á utivist.is, þar má finna dagskrá ásamt upplýsingum um skráningu.
Gerast félagsmaður
Þegar þið eruð búin að gerast félagsmenn er nóg að sækja um aðgang í Facebook hóp Útivistargírsins;
https://www.facebook.com/groups/1155197585167994
Dagskrá haust 2023:
Dags. |
Göngur |
29.ágú |
Reynisvatn og nágrenni |
5.sep |
Ganga við Elliðavatn |
12.sep |
Bæjarfell og Arnarfell* |
19.sep |
Mosfellsdalur - Leirvogur |
26.sep |
Rauðhólar |
3.okt |
Fossvogsdalur |
|
|
|
*Ath sameinast í bíla kl. 17:30 |
ATH.: Gönguleiðir geta breyst eða færst til ef veðurspáin er ekki hagstæð.