Setrið - Leppistungur

Dags:

lau. 13. mar. 2021 - sun. 14. mar. 2021

Brottför:

kl. 08:00 frá Olís við Rauðavatn

  • Skáli

Farið verður frá Reykjavík að morgni laugardags og ferðinni heitið á Kjöl. Á Kjalvegi verður afleggjarinn til austurs í átt að Kerlingafjöllum ekinn og stefnan tekin á Gýgjarfoss. Í Fjöllunum verður síðan áð og notið. Að kaffisopa loknum liggur leiðin til austurs fyrir norðan Snækoll og Loðmund, yfir Illahraun í átt að Setri, þar sem gist verður um nóttina. Á sunnudagsmorgni liggur leiðin í suður undir Þverbrekkum í átt að Kisubotnum. Eftir vaðið á Kisu verður haldið upp á suðursvæði Kerlingafjalla með viðkomu í Klakksskála og Kerlingagljúfri. Leppistungurnar verða eknar og áð í Svínárnesi.

Haldið verður suður Hrunamannaafrétt og á leið okkar er Gullfoss í vesturátt. Leiðin liggur síðan gegnum Flúðir og heimleiðis.

Farastjóri: Þórður Þorsteinsson

Verð 15.000 kr.

Nr.

2103J01
  • Miðhálendi