Áramótaferð í Bása

Dags:

sun. 29. des. 2019 - mið. 1. jan. 2020

Brottför:

frá skrifstofu Útivistar kl. 9:00

  • Skáli
Þessi viðburður er liðinn.

Það er fátt sérstakara en að kveðja gamla árið og fagna nýju í fögrum fjallasal umkringdum stórbrotinni náttúru, jöklum og eldfjöllum. Áramót í Básum eru ógleymanleg upplifun með gönguferðum, góðum mat, blysför, áramótabrennu, flugeldum og fleiru skemmtilegu. Allt góðum félagsskap manna, álfa og trölla eins og vera ber um áramót.

Fólk þarf sjálft að koma með allan sinn mat og hafa hann í músheldum ílátum. Það verða nóg kol fyrir alla, tvö kvöld á grillið. Stefnt er að sameiginlegu hlaðborði á gamlárskvöld. Minnt er á kjarngott nesti, hlýjan og góðan útivistarfatnað, mannbrodda, jafnvel gönguskíði ef það fer að snjóa og höfuðljós/vasaljós.

Fararstjórar verða Guðrún Hreinsdóttir og Helga Harðardóttir.

Verð 31.000 kr.

Nr.

1912H01
  • Suðurland