Strandganga um höfuðborgarsvæðið 2: Álftanes – Kársnes

Dags:

lau. 12. nóv. 2022

Brottför:

Kl. 09:30 frá höfninni á Kársnesi

Skammdegis kaffihúsa-strandganga um Höfuðborgarsvæðið

Leitast er við að eiga samverustund á kaffihúsi - eða heimahúsi í lok hverrar göngu. Hópurinn hittist á endastað göngunnar þaðan sem farið er með rútu á upphafsstaðinn. 

Rúta ekur hópnum frá Kópavogshöfn að upphafsstað göngunnar. Gangan hefst við Bessastaði en ljósmerki í turni Bessastaðakirkju var notað sem siglingamerki ásamt Álftanesvita. Gengið verður með ströndinni um Gálgahraun, Arnarnesvog, Arnarnes, Kópavog og út á Kársnes þar sem er höfn og innsiglingamerki en ekki viti.

Vegalengd 12 km. Hækkun óveruleg. Göngutími 4 klst.

Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur verðið hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 8.400 og fá þá félagsskírteini og fyrstu dagsferðina í kaupbæti.

Verð 4.410 kr.

Nr.

2211D02