Strandganga um höfuðborgarsvæðið 1: Straumsvík – Álftanes

Dags:

lau. 5. nóv. 2022

Brottför:

Kl. 09:30 frá Kasthúsatjörn

Skammdegis kaffihúsa-strandganga um Höfuðborgarsvæðið

Leitast er við að eiga samverustund á kaffihúsi - eða heimahúsi í lok hverrar göngu. Hópurinn hittist á endastað göngunnar þaðan sem farið er með rútu á upphafsstaðinn. 

Rúta ekur hópnum frá Kasthúsatjörn að upphafsstað göngunnar. Gangan hefst austan við álverið í Straumsvík. Gengið verður með ströndinni, út á Hvaleyrarhöfða og áfram um Hafnarfjarðarhöfn og út með Álftanesi. Gengið verður fram hjá Hausastaðatjörn og þaðan að Kasthúsatjörn og áfram út með veginum að Álftanesvita sem er um 9 metra hár ferstrendur innsiglingarviti.

Vegalengd 16 km. Hækkun óveruleg. Göngutími 5 klst.

Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur verðið hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 8.400 og fá þá félagsskírteini og fyrstu dagsferðina í kaupbæti.

Verð 4.410 kr.

Nr.

2211D01