Þvers og kruss um Hengilinn 5: Dyradalur - Vörðuskeggi - Nesjavellir

Dags:

lau. 22. okt. 2022

Brottför:

Kl. 09:00 frá Mjódd

RAÐGÖNGUR AÐ HAUSTI : Í haust munum við kanna Hengilssvæðið í þaula. Ganga nokkrar leiðir á Vörðuskeggja og kanna líka leiðir í kringum fjallið. l 

Athugið röðun ferða kann að breytast þannig að farnar séu leiðir yfir Vörðuskeggja í góðu skyggni.

Stórbrotin og falleg leið, hrikaleg og brött þegar ofar dregur en öruggur stígur upp eftir Stangarhálsi í suðvestur upp á Ölfusvatnsskyggni. Þar er stórkostlegt útsýni yfir á Ölkelduháls, Grafning, Nesjavallavirkjun og Köldulaugagil. Áfram liggur leiðin upp undir Nesjaskyggni um Kýrdalsbrúnir þaðan sem sveigt er upp hlíðina og síðan er auðveld leið á Vörðuskeggja. Til baka er gengið fyrir Kýrdal og niður Klungrin í Dyradal.

Vegalengd 15 km. Hækkun 600 m. Göngutími 5-6 klst.

Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur verðið hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 8.400 og fá þá félagsskírteini og fyrstu dagsferðina í kaupbæti.

Verð 6.750 kr.

Nr.

2210D04