Þingvellir 4: Kálfstindar

Dags:

lau. 14. nóv. 2020

Brottför:

frá BSÍ kl. 9:30

Kálfstindar eru í grennd við Þingvelli, norðan Lyngdalsheiðar. Merkileg fjöll sem fáir ganga á þó þau séu ekki ýkja langt frá höfuðborginni. Haldið verður frá Reyðarbarmi meðfram Kálfstindum milli hrauns og hlíðar að Flosaskarði þar sem lagt verður á brattann. Til baka verður farið um Flosaskarð niður á Laugarvatnsvelli. Um skarðið á Flosi í Njálssögu að hafa riðið með fylgdarlið sitt til þess að forðast fyrirsát Kára Sölmundarsonar. Skoðaður verður hellir við Vellina sem búið var í til skamms tíma á fyrri hluta síðustu aldar. Vegalengd 10-12 km. Hækkun 600. Göngutími 4-5 klst.

Verð til félagsmanna kr. 6.500. Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur verðið hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 7.800 og fá þá félagsskírteini og fyrstu dagsferðina í kaupbæti.

Verð 5.850 kr.

Nr.

2011D03
  • Suðvesturland