Umhverfis Skriðutinda - fært á sunnudag

Dags:

sun. 16. ágú. 2020

Brottför:

frá BSÍ kl. 8:00

Þessi viðburður er liðinn.

Skriðutindar er tindaskagi austan við fjallið Skriðu. Þar sem þeir liggja alveg upp að Skriðu er þröngt dalverpi sem sagt er að sé hverju kvikindi ófært og þar þurfi að fara með varúð. Gangan hefst austan við Gullkistu sem er fyrir ofan Miðdal. Þaðan eru um 4 km að Skriðutindum. Tindarnir eru margbreytilegir að lögun og skemmtilegir að skoða. Þegar komið er austur fyrir tindaröðina er gott útsýni til Hlöðufells, Högnhöfða og Skriðu. Milli Skriðutinda og Skriðu er Litli Skriðukrókur og verður haldið þar inn að fyrrnefndu dalverpi. Þaðan verður gengið niður á veg þar sem gangan hófst.  Vegalengd um 22 km. Lítil hækkun. Göngutími 8 klst. 

FARIÐ VERÐUR SUNNUDAGINN 16. ÁGÚST til þess að fá betra veður og meira útsýni.

Fararstjóri verður Páll Arnarson.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 7.800 og fá þá félagsskírteini og fyrstu dagsferðina í kaupbæti.

Verð 7.500 kr.

Nr.

2008D03
  • Suðvesturland