Heim úr kaupstað 3: Skógarhólar – Laugarvatnshellir

Dags:

lau. 5. okt. 2019

Brottför:

frá BSÍ kl. 9:30

Gengið með rótum Ármannsfells um Bolabás og austur fyrir fjallið. Þar er komið inn á Prestastíg og honum fylgt austur fyrir Hrafnabjörg en þar verður sveigt af leið upp að Stóru-Eldborg. Farið á milli Dímona, að Barmaskarði og að Laugarvatnshellum. Vegalengd 17 km. Hækkun 150 m. Göngutími 6 klst.

Verð til félagsmanna kr. 6.000. Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur verðið hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 7.500 og fá þá félagsskírteini og fyrstu dagsferðina í kaupbæti.

Nánari umfjöllun um raðgönguna.

Verð 5.400 kr.

Nr.

1910D01