Sumarleyfisferð jeppadeildar

Dags:

fim. 7. júl. 2022 - sun. 10. júl. 2022

Brottför:

  • Tjald

Þessi ferð gæti verið í samstarfi við göngufólk.

Ekið seinnipart fimmtudags inn í Núpsstaðarskóga.

Fyrir jeppamenn og konur verður tekinn einn dagur í að fara inn að Lakagígum og skoða þau stórkostlegu ummerki sem þar eru um einar mestu jarðhræringar í sögu landsins. Hvaða dagur það verður fer eftir veðri. Frekari akstursleiðir verða settar á dagskrá eftir áhuga ökumanna og með tilliti til veðurs, en þeir sem áhuga hafa geta tekið þátt í gönguferðunum sem eru hluti af ævintýrinu.

Fyrir göngufólk er áætlunin þessi: á föstudag er gengið upp á endann á Eystrafjalli og yfir að Súlutindum og það svæði skoðað. Á laugardegi er farið inn Núpsstaðaskóga að ármótum Núpsár og Hvítár. Þeir sem ekki eru lofthræddir geta klifrað eftir keðjunni upp klettana og skoðað tvílita-hylinn. Á sunnudegi verður gengið meðfram Eystrafjalli og þá sést glögglega hve mikið Súlujökull og Skeiðarárjökull hafa hörfað. Heimferð verður að lokinni góðri göngu.

Verð 9.000 kr.

Nr.

2207J01