
Guðmundur hefur verið fararstjóri hjá Ferðafélaginu Útivist frá árinu 2013 og skálavörður frá árinu 2011.
Guðmundur er fjögurra barna faðir og heldur því fram að formúlan n+1 gildi bæði um fjölda reiðhjóla og barna. Hann býr ásamt konu sinni og fjórum börnum rétt utan borgarmarkanna þar sem lítt snortin náttúra er í nokkurra mínútna göngufjarlægð og hafa hjónin boðið ótal Útivistarfélögum í eitthvað heimabakað eftir góða gönguferð í nágrenni heimilisins.
Guðmundur er útivistarunnandi í víðum skilningi og veit fátt betra en að vera einn uppi á hól með uppáhalds nestið sitt - sviðasultu og rófustöppu - ef undan eru skilin ferðalög með fjölskyldunni.
Guðmundur hefur meðal annars lokið námskeiðum í skyndihjálp í óbyggðum, rötun, vetrarfjallamennsku, undirbúningsnámskeiði í jöklaleiðsögn og hópstjórn auk þess að sitja í stjórn Útivistar.
Mottó Guðmundar er: "Útivist er lífið!"
Sími: 697-6699 - netfang: gudmundur@fimmvorduhals.is
Guðmundur er fararstjóri í:
Útivistargírnum
Fjallförum
Þrekhópum
Útivistarlífinu
Völdum dagsferðum