Fréttir

30.11.2017

Fréttabréf

Útivistar er sent út vikulega
Ertu búin að skrá þig!

28.11.2017

Ferðaáætlun 2018

Ferðaáæltun Útivistar 2018 er í vinnslu og mun birtast á vef félagsins í desember.  Kynning á ferðaáætluninni mun fara fram 10. janúar 2018 kl. 20. 

27.11.2017

Ferðafélag Íslands 90 ára

Ferðafélag Íslands er 90 ára í dag. Við óskum FÍ til hamingju með afmælið og velfarnaðar á þessum tímamótum.

09.11.2017

Vel heppnað fræðslu- og skemmtikvöld

Útivistarfólk kom saman á vel heppnað fræðslu- og skemmtikvöld á veitingahúsinu Bryggjan - Brugghús.  

10.07.2017

Sjúkratöskur - JÚLÍTILBOÐ

Nú er tækifæri til að búa sig betur og auka öryggi sitt og annarra um leið! Þessar frábæru sjúkratöskur nr 200 og 400 fást með 50% afslætti núna í júli eða á meðan byrgðir endast.
ATH: Aðeins takmarkað magn til og kemur ekki meira - Fyrstir panta, fyrstir fá !

07.06.2017

Sjúkrabörur að gjöf

Fyrirtækið Hallas ehf hefur fært Útivist að gjöf sjúkrabörur. 

31.01.2017

Bakpokar

Það nýjasta í vöruúrvalinu á skrifstofu Útivistar eru bakpokar á alveg hreint ótrúlega góðu verði.

22.04.2016

Opnað í Básum

Skálavörður er kominn í Bása og tilbúinn að taka á móti gestum.  Enn hefur þó ekki verið hægt að setja vatn á öll salerni þar sem enn má eiga von á næturfrosti. Vel fært er í Bása þó tæpast sé hægt að segja að vegurinn sé greiðfær.

05.02.2016

Raðganga um Reykjanes; allir áfangar á afsláttarverði

Stefnir þú á að klára alla áfanga raðgöngunnar um Reykjanes? Þá er þetta eitthvað fyrir þig.

03.02.2016

Blundar fararstjóri í þér?

Ferðafélagið Útivist stendur fyrir námskeiði fyrir þá sem hafa áhuga á að koma inn í fararstjórn hjá félaginu.

25.01.2016

Myndakvöld 1. febrúar

Þriðja myndakvöld vetrarins verður mánudaginn 1. febrúar klukkan 20.00 í Húnabúð, Skeifunni 11. 

11.12.2015

Ferðaáætlun 2016

Ferðaáæltun Útivistar er komin út.  Blaðinu er dreift með Fréttatímanum 11. desember og minnum við alla á að taka það til hliðar og geyma það vel. 

09.12.2015

Útgáfuhóf Ferðaáætlunar 2016

Útgáfuhóf Ferðaátlunar 2016 verður haldið í sal Garðyrkjufélags Íslands Síðumúla 1 (horni Síðumúla og Ármúla) kl. 18. þann 10 des. 

23.11.2015

Jólatilboð Útivistar

Útivist og Gönguskór.is bjóða jólatilboð á Pelmo gönguskóm og félagsskírteini 2016 fyrir 32.600 kr.

19.11.2015

Fjalli veitir félögum í Útivist afslátt

Verslunin Fjalli.is veitir félagsmönnum í Útivist 15% afslátt

12.11.2015

Fréttatilkynning SAMÚT um náttúruverndarlög

SAMÚT, samtök útivistarfélaga, Ferðaklúbburinn 4x4, Ferðafélag Íslands, Íslenski Alpaklúbburinn og Ferðafélagið Útivist mótmæla hugmyndum um skerðingu á almannarétti og umferðarétti sem fram kemur í frumvarpi um breytingu á náttúruverndarlögum sem nú liggur fyrir Alþingi.

05.10.2015

Skaftárhlaup - fréttir af skálanum við Sveinstind

Starfsmenn Veðurstofunnar voru að störfum við Sveinstind meðan Skaftárhlaup stóð sem hæst og sendu okkur myndir frá skála Útivistar við Sveinstind.

30.07.2015

Afmælishátíð í Básum

Útivist er 40 ára og nú eru framundan hefðbundin hátíðarhöld í Básum sem verða þann 15. ágúst.

22.06.2015

Ný skilti sett upp í Básum

Ný upplýsingaskilti hafa verið sett upp í Básum.

07.05.2015

Málþing um miðhálendið

Þann 16. maí næstkomandi munu Landvernd og Náttúruverndarsamtök Íslands standa að málþingi um miðhálendið.

01.12.2014

Samstaða gegn framkvæmdum á Sprengisandi

Landvernd, Ferðafélagið Útivist, Ferðafélag Íslands, Ferðaklúbburinn 4x4 og SAMÚT, Samtök útivistarfélaga, hafa gengið frá sameiginlegum athugasemdum við drög að matsáætlun Landsnets um fyrirhugaða 220kV háspennulínu um Sprengisand og matsáætlun Vegagerðarinnar um nýjan, uppbyggðan Sprengisandsveg.

28.11.2014

Mótmæla tillögu atvinnuveganefndar

Stjórn Ferðafélagsins Útivistar mótmæli harðlega tillögu meirihluta atvinnuveganefndar Alþingis um að færa átta virkjanahugmyndir í nýtingarflokk rammaáætlunar.

23.06.2014

Gönguleiðabók um Öxnadal - umsögn

Leifur Þorsteinsson skrifaði umsögn um bókina Hraun í Öxnadal - Fólkvangur eftir Bjarna E Guðleifsson.  Leifur gaf okkur góðfúslegt leyfi til að birta umsögnina hér.

21.05.2014

Léttir skór fyrir sumarið

Vorum að fá sendingu af nýjum skóm frá Lomer, léttir og góðir skór fyrir sumarið.

07.05.2014

Áætlunarferðir í Þórsmörk og Bása

Þann 1. maí hófust áætlanaferðir í Þórsmörk og í Bása á Goðalandi á vegum Kynnisferða.

28.04.2014

Græn ganga 1. maí til varnar almannaréttinum og ferðafrelsi

Útivist, Landvernd, önnur umhverfisverndar, ferða- og útivistarfélög efna til grænnar göngu 1. maí í samstarfi við stéttarfélög.

09.04.2014

Tímamótasamstarf um vernd hálendisins

Ferðaklúbburinn 4x4, Ferðafélag Íslands, Ferðafélagið Útivist og Samtök útivistarfélaga (SAMÚT) munu á morgun gerast aðilar að verkefninu Hálendið – hjarta landsins sem Landvernd hleypti af stokkunum á liðnu hausti.

25.02.2014

Standa vörð um almannaréttinn

Landvernd, Útivist, Ferðaklúbburinn 4x4, Samtök útivistarfélaga (SAMÚT) og Ferðafélag Íslands hafa sent frá sér yfirlýsingu þar sem þau segja náttúrupassa og gjald á einstaka staði vega stórlega að almannarétti um frjálsa för fólks um landið.

28.01.2014

Útivistarfélög gegn náttúrupassa

SAMÚT, samtök útivistarfélaga leggjast gegn hugmyndum um náttúrupassa og leggja til að frekar verði tekin upp komu- eða brottfarargjöld.

14.01.2014

Ályktun um Sprengisandslínu

Stjórn Útivistar ályktaði um háspennulínu yfir Sprengisand á fundi sínum þann 14. janúar s.l.




  • Helgar-
    ferðir

    Helgarferðir

    Helgarferðir eru eins og nafnið gefur til kynna ferðir sem taka heila helgi. Göngur yfir Fimmvörðuháls eru klassískar helgarferðir en einnig hafa margar aðrar ferðir hjá Útivist fest sig svo rækilega í sessi að þær eru fastur liður á ferðaáætluninni. 

    Næstu ferðir

    29. desember 2017 - 1. janúar 2018

    Áramótaferð

  • Lengri ferðir

    Lengri ferðir

    Lengri ferðir eru göngur þar sem gengið er í þrjá daga eða meira. Í þessari dagskrá má finna bæði þekktar gönguleiðir eins og Strútsstíg og Sveinstind-Skælinga, en einnig eru þarna nokkrar spennandi nýjungar. 

    Næstu ferðir

  • Mynda-
    kvöld

    Myndakvöld

    Kaffi- og myndanefnd voru settar á stofn fljótlega eftir stofnun Útivistar. Markmið þeirra er að halda myndakvöld þar sem félagsmenn koma saman til að skoða myndir og hlýða á ferðasögur frá ferðum sem Útivist hefur staðið fyrir. Auk þess eru kynntar ferðir á nýjum slóðum. Oft eru fengnir utanaðkomandi aðilar til að kynna áhugaverð svæði.

    Glæsilegar kaffiveitingar eru eitt aðalsmerki myndakvöldanna. Félagslegi þátturinn er stór. Útivistarfélagar hittast, rifja upp góðar stundir og gæða sér á kræsingum af kökuhlaðborðinu.

    Myndakvöld eru haldin fimm sinnum yfir vetrarmánuðina og njóta mikilla vinsælda. Allur ágóði af myndakvöldunum er nýttur til að efla félagið. Lengst af var hann settur í uppbyggingu aðstöðu félagsins í Básum á Goðalandi. Nú síðustu ár hefur ágóðanum verið varið í kaup og uppsetningu útsýnisskífu á Réttarfelli og glæsileg fræðsluskilti í Básum.

    Öll herlegheitin kosta aðeins 1.500 kr. Gestir eru vinsamlegast beðnir að hafa handbært reiðufé því ekki er hægt að taka við greiðslukortum.

    Næstu ferðir

  • Hjóla-
    ferðir

    Hjólaferðir

    Hjólaræktin hefur starfað í allnokkur ár, en sífellt fleiri uppgötva hvað reiðhjólið er frábært til ferðalaga. Fastir liðir eru hjólatúrar á höfuðborgarsvæðinu á laugardögum yfir vetrartímann en þegar kemur fram á sumar er stefnan gjarnan tekin á lengri túra.  

    Næstu ferðir

  • Jeppa-
    ferðir

    Jeppaferðir

    Í jeppaferðum koma þátttakendur á eigin jeppum. Ferðast er í hóp undir leiðsögn fararstjóra sem hefur góða reynslu af þessari tegund ferðamennsku. Bæði er um að ræða vetrarferðir þar sem gerðar eru tilteknar kröfur um búnað jeppanna, svo og sumar- og haustferðir sem henta lítið breyttum eða óbreyttum jeppum. 

  • Fjalla-
    refir

    Fjallarefir

    Á námskeiðum Fjallarefa er gönguþrek markvisst byggt upp og þátttakendur kynnast fjölbreyttum gönguleiðum.

    Námskeið Fjallarefa er ætlað þeim sem áður hafa tekið þátt í námskeiðum og/eða eru í ágætis gönguformi. Námskeiðið felur í sér þrekgöngutíma, dagsferðir og helgarferð. Samhliða göngunum verður fræðsla þar sem þátttakendur safna í sarpinn hagnýtum upplýsingum sem tengjast útivist, til dæmis varðandi klæðnað, næringu, útbúnað og leiðarval. 

    Þrekgöngutímar eru á þriðjudögum og dagsferðir á laugardögum. Þátttakendur koma á eigin bílum á upphafsstað göngu en geta sameinast í bíla eftir hentugleikum.

    Hámarksfjöldi: 40 manns.

    Næstu ferðir

  • Everest

    Everest 2018

    Everest-hópur Útivistar er ætlaður fólki sem er í þokkalega góðu formi og vill reyna á sig í hressilegum fjallgöngum. Boðið verður upp á þríþætta dagskrá, sjá hér fyrir neðan:

    Kvöldgöngur á miðvikudögum kl.18 (1 ½ - 2 klst)
    10. janúar - 21. mars => 11 göngur
    5. september - 21. nóvember => 12 göngur

    Dagsgöngur – 2. laugardag í mánuði
    13. janúar – Akrafjall
    10. febrúar – Grindarskörð-Kistufell
    10. mars – Hrafnabjörg
    14. apríl – Skarðsheiði endilöng
    9. júní – Eiríksjökull
    8. september – sjö tindar Hafnarfjalls
    13. október – kringum Botnssúlur
    10. nóvember – Hengilssvæðið
    8. desember – jólaóvissuferð

    Helgarferðir
    10.-13. maí - Rótarfjallshnjúkur og Svínafellsfjall
    10.-12. ágúst – Ólafsfjörður-Hvanndalir-Héðinsfjörður

    Kvöldgöngurnar (23 talsins) eru innifaldar í skráningargjaldi sem er aðeins 30.000 kr. Verð í dagsgöngur er 4.900 kr. og í helgarferðir 9.800 kr.
    Fararstjórar eru Stefán Birgisson, Unnur Jónsdóttir, Reynir Þór Sigurðsson, Gylfi Arnbjörnsson og Kristjana Birgisdóttir. Á kantinum er svo Kristíana Baldursdóttir.

    Skráning á skrifstofu Útivistar, í síma 562 1000 eða með tölvupósti á utivist@utivist.is.

    Fyrstur kemur, fyrstur fær - fjöldinn verður takmarkaður

    Lokaður hópur – aðeins fyrir þá sem greiða skráningargjaldið

    Næstu ferðir

  • Útivistar-
    gírinn

    Útivistargírinn

    Ókeypis göngur í nágrenni höfuðborgarinnar

    Komdu þér í Útivistargírinn fyrir sumarið með samheldnum hópi Útivistarfólks og nýrri tólf vikna dagskrá. Útivistargírinn leysir af hólmi Útivistarræktina sem starfrækt hefur verið í um 20 ár.

    Dagskráin hefst 5. apríl og stendur til 21. júní. Hópurinn hittist vikulega á miðvikudögum klukkan 18:00 við Toppstöðina í Elliðaárdal og gengur spennandi gönguleiðir í nágrenni höfuðborgarsvæðisins. Göngurnar henta flestum sem geta hreyft sig með góðu móti og eru nýliðar í útivist . Einnig er vant fólk hvatt til þess að taka þátt. Í þessum kvöldgöngum verður lögð áhersla á vinalegt andrúmsloft og kynningu á grunnatriðum í útivist og gönguferðum. Fjölbreytt starfsemi Útivistar, þar sem allir geta fundið eitthvað við sitt hæfi, verður einnig kynnt þátttakendum.

    Flestar göngurnar taka 2 – 4 klukkustundir. Þátttakendur sameinast í bíla og deila eldsneytiskostnaði.

    Kynningarfundur verður haldinn kl. 20:00 þann 29. mars - smelltu hér til að skrá þig.

    Þátttaka í göngunum er félagsmönnum Útivistar að kostnaðarlausu en skrá þarf þátttöku. Áhugasömum er bent á upplýsingar um skráningu á heimasíðu Útivistar. Gönguleiðirnar eru fjölbreyttar og tekur röð þeirra mið af veðri og færð hverju sinni. Auglýst verður á vef Útivistar, á Facebook síðu félagsins og á póstlista hvert verður farið hverju sinni.

    Fimm fararstjórar, Hrönn Baldursdóttir, Kristey Briet Gísladóttir, Hrefna Jensdóttir, Kristjana Kristjánsdóttir og Guðmundur Örn Sverrisson leiða þátttakendur Útivistargírsins. Óhætt er að segja að fararstjórahópurinn sé fjölbreyttur en samhentur og hlakkar til að taka vel á móti öllum þeim sem vilja komast í Útivistargírinn.

    Fylgstu með og skráðu þig á Facebook síðu Útivistargírsins.

     

    Næstu ferðir

    13. maí 2018

    Glymur - Hvalfell