Dagsferðir

Síun
  • Dags:

    sun. 1. júl. 2018

    Brottför:

    Margir trúa því að mikil orka búi í Snæfellsjökli og kannski er það þess vegna sem ganga á jökulinn í góðu veðri er með því skemmtilegasta sem hægt er að taka sér fyrir hendur. Lagt verður upp frá bækistöð vélsleðamanna á Jökulhálsi og að mestu fylgt sömu leið og þeir fara, þannig er öryggið best tryggt.

    • Verð:

      10.800 kr.
    • Nr.

      1807D01
    • Vesturland

    • ICS
  • Dags:

    lau. 7. júl. 2018

    Brottför:

    Fyrir norðan Hreðavatn er víðáttumikið svæði sem göngumenn leggja sjaldan leið sína um. Á sýslumörkum Mýra- og Dalasýslu er Merkjahryggur og þar hefst gangan. Haldið verður upp hrygginn í norðvestur að hæsta hnúki Hundadalsheiðar. Síðan verður stefnt í suðurátt á tindinn Sátu og farið hjalla af hjalla niður að Bifröst. 

    • Verð:

      5.400 kr.
    • Nr.

      1807D02
    • Vesturland

    • ICS
  • Dags:

    lau. 14. júl. 2018

    Brottför:

    Samkvæmt íslenskri þjóðsögu er sagt að Ok og Skjaldbreiður séu brjóst ungrar risameyjar sem varð að steini þegar ættir trölla urðu aldauða í landinu. Gengið er frá Langahrygg á Kaldadal upp nokkuð grýtta en þó ekki bratta hlíð að gígnum á há Okið. Áfram er haldið í norðurátt að Drangsteinabrúnum og niður með Bæjargilinu að vestanverðu að Húsafelli. 

    • Verð:

      5.400 kr.
    • Nr.

      1807D03
    • Vesturland

    • ICS
  • Dags:

    lau. 21. júl. 2018

    Brottför:

    Um aldir var Rauðamelsheiði aðal þjóðleiðin milli Skógarstrandar, Hörðudals og Hnappadals á sunnanverðu Snæfellsnesi. Um hana lágu leiðir vermanna og skreiðarlesta úr Dölum og af Norðurlandi á leið til útróðra undir Jökli. Á fardögum fluttust fjölskyldur milli landshluta, og reynum við að fylgja í fótspor fjölskyldunnar sem fluttist úr Selárdal suður yfir Rauðamelsheiði að óðalsjörðinni Rauðkollsstöðum aldamótaárið 1900. 

    • Verð:

      6.300 kr.
    • Nr.

      1807D04
    • Vesturland

    • ICS
  • Dags:

    lau. 28. júl. 2018

    Brottför:

    Gangan hefst við Oddsstaðarétt og er gengið upp með Grímsá að norðanverðu. Gengið verður upp að Reyðarvatni og áfram með vatnsbakkanum og að Brunnum þar sem gangan endar. 

    • Verð:

      5.400 kr.
    • Nr.

      1807D05
    • Vesturland

    • ICS
  • Dags:

    mán. 6. ágú. 2018

    Brottför:

    Strútur er sérkennilegt örnefni enda fátt um strúta hér á landi. Nafnið virðist þó vera notað um fjöll sem eru uppmjó. Það er frekar auðvelt að ganga á fjallið og af tindinum er frábært útsýni. Jöklarnir Eiríksjökull, Langjökull og Geitlandsjökull blasa við en í norðurátt er endalaus hraunbreiða og eitt og eitt vatn á stangli. 

    • Verð:

      5.400 kr.
    • Nr.

      1808D01
    • Vesturland

    • ICS
  • Dags:

    lau. 11. ágú. 2018 - lau. 8. sep. 2018

    Brottför:

    Raðganga um Vatnaleiðina.

    • Verð:

      13.500 kr.
    • Nr.

      1800D02
    • ICS
  • Dags:

    lau. 11. ágú. 2018

    Brottför:

    Gangan hefst við Hlíðarvatn og er gengið meðfram því uns stefnan er tekin upp Hellisdal og yfir Klifsháls. Þaðan liggur leiðin niður Klifsdal og meðfram Klifsgili að Hítarvatni. Takið vaðskó með.

    • Verð:

      5.400 kr.
    • Nr.

      1808D02
    • Vesturland

    • ICS
  • Dags:

    lau. 18. ágú. 2018

    Brottför:

    Ganga á þetta víðlenda fjall fyrir ofan flatar Mýrarnar hefst við bæinn Grímsstaði. Farið er yfir mela og mosaþembur á leiðinni upp á Hrosshyrnu, sem er innst á Múlanum í 495 m hæð. Þegar hæsta tindi er náð er áfram haldið í vesturátt að hæsta stað á vesturbrún Múlans en þar er stór varða í 463 m hæð. Með þessu móti hafa gönguhrólfar ferðarinnar fengið tækifæri til að ganga lítinn hring á fjallinu. 

    • Verð:

      5.400 kr.
    • Nr.

      1808D03
    • Vesturland

    • ICS
  • Dags:

    lau. 25. ágú. 2018

    Brottför:

    Gengið frá Hítarvatni inn Þórarinsdal, með útsýni á Smjörhnúk. Leiðin liggur yfir Gvendarskarð og niður að Langavatni. Takið vaðskó með. 

    • Verð:

      5.400 kr.
    • Nr.

      1808D04
    • Vesturland

    • ICS
  • Dags:

    sun. 2. sep. 2018

    Brottför:

    Skarðsheiðarvegur er forn þjóðleið á milli Leirársveitar og Andakíls. Leiðin liggur úr Andakíl í átt að Snóksfjalli sem er við vesturenda Skarðsheiðar. Á toppi fjallsins er klettastrýta prýdd stuðlabergi sem ber nafnið Snókur. Þar verður áð áður en haldið verður niður af fjallinu að austanverðu. 

    • Verð:

      5.400 kr.
    • Nr.

      1809D01
    • Vesturland

    • ICS
  • Dags:

    lau. 8. sep. 2018

    Brottför:

    Frá Langavatni er gengið inn á Beilárheiði að Lambafelli og Vikravatni. Leiðin liggur utan í Vikrafelli framhjá Selvatni að Hreðavatni. 

    • Verð:

      5.400 kr.
    • Nr.

      1809D02
    • Vesturland

    • ICS
  • Dags:

    lau. 22. sep. 2018 - lau. 17. nóv. 2018

    Brottför:

    Raðganga um Hvalfjörð, framhald frá 2017.

    • Verð:

      21.000 kr.
    • Nr.

      1800D03
    • ICS
  • Dags:

    lau. 22. sep. 2018

    Brottför:

    Gangan hefst við Botnsskála. Reynt verður að fylgja kindagötum við Botnsá að þjóðvegi og síðan götum eða fjöru þar til farið er yfir þjóðveginn aftur. Þá verður farið eftir gömlum vegslóða þar til hann beygir til móts við veginn á Þyrilsnes. Gengið fram og til baka á Þyrilsnesinu. Af Þyrilsnesinu er síðan farið niður í fjöru og henni fylgt eins og hægt er að Litla Sandi. 

    • Verð:

      4.950 kr.
    • Nr.

      1809D03
    • Vesturland

    • ICS
  • Dags:

    lau. 29. sep. 2018

    Brottför:

    Gangan hefst við Stóru-Drageyri og er fyrst gengið upp með Draghálsaá upp að Nautafossi. Þar er gengið upp á Dragafell og horft yfir Skorradalsvatn. Gengið austur af fjallinu að Stóramelsfossi, upp á Hryggi, fram á Geitabjörg og að bænun Geitabergi. 

    • Verð:

      4.950 kr.
    • Nr.

      1809D04
    • Vesturland

    • ICS
  • Dags:

    lau. 6. okt. 2018

    Brottför:

    Gangan hefst við gömlu vegasjoppuna Þyril. Þaðan verður farið niður í fjöru og henni fylgt alla leið að Hallgrímskirkju í Saurbæ. Á leiðinni eru skoðaðar minjar um Kaupfélag Hvalfjarðar, Hrafnseyrarrétt og loftvarnarbirgi á Hrafneyri. 

    • Verð:

      4.950 kr.
    • Nr.

      1810D01
    • Vesturland

    • ICS
  • Dags:

    lau. 13. okt. 2018

    Brottför:

    Hrauntungustígur er ein margra gamalla leiða milli seljanna á upplöndum Hafnafjarðar. Þessar leiðir eru mikið að hverfa í birkikjarrið sem er að vaxa upp eftir að sauðfjárbeit hefur lagst af á svæðinu. Á þessum slóðum má sjá hvernig Ratleikur Hafnafjarðar leiðir nútímafólk um svæðið. 

    • Verð:

      3.600 kr.
    • Nr.

      1810D02
    • Suðvesturland

    • ICS
  • Dags:

    lau. 20. okt. 2018

    Brottför:

    Gangan hefst við Hallgrímskirkju í Saurbæ og gengið að ströndinni og henni fylgt eins og kostur er alla leið að vegamótum milli Norðuráls og Járnblendiverksmiðjunnar. Komið er við á Katanesi, en þar átti að vera ferjustaður fyrir landgöngupramma yfir á Hvalfjarðareyri. Aldrei varð að því og voru prammarnir notaðir í sementsflutninga í staðinn. 

    • Verð:

      4.950 kr.
    • Nr.

      1810D03
    • Vesturland

    • ICS
  • Dags:

    lau. 27. okt. 2018

    Brottför:

    Bláfjallaleiðin var kynnt af Náttúruverndarfélagi Suðvesturlands 1985. Sú leið liggur frá Bláfjallaskála niður í miðbæ. Leiðin verður gengin í tveimur hlutum og hefst fyrri hlutinn við Bláfjallaskála. Gengið verður um Rauðuhnjúka, Selfjall og Sandfell í Heiðmörk. 

    • Verð:

      4.050 kr.
    • Nr.

      1810D04
    • Suðvesturland

    • ICS
  • Dags:

    lau. 3. nóv. 2018

    Brottför:

    Gangan hefst við gatnamót milli Norðuráls og Járnblendiverksmiðjunnar. Gengið verður niður að ströndinni við Klafastaði og henni fylgt eins og kostur er að Hvalfjarðargöngum. 

    • Verð:

      4.950 kr.
    • Nr.

      1811D01
    • Vesturland

    • ICS
  • Dags:

    lau. 10. nóv. 2018

    Brottför:

    Gangan hefst í Heiðmörk og er haldið norðan við Elliðavatn og Elliðaá fylgt að rafstöðinni. Frá rafstöðinni er haldið yfir Fossvogsdal og fyrir Öskjuhlíð að Hljómskálagarði. 

    • Verð:

      4.050 kr.
    • Nr.

      1811D02
    • Suðvesturland

    • ICS
  • Dags:

    lau. 17. nóv. 2018

    Brottför:

    Gangan hefst við Hvalfjarðargöng. Þaðan verður haldið niður að ströndinni og henni fylgt eins og kostur er alla leið að Gamla vitanum á Breiðinni. Gengið er framhjá Innra-Hólmi, Hretbryggju og Heynesi, eftir Langasandi að Gamla vitanum. 

    • Verð:

      4.950 kr.
    • Nr.

      1811D03
    • Suðvesturland

    • ICS