Á döfinni

22. apríl 2015

Hjálmur úr Seljadal

Brottför kl. 18:00 frá Toppstöðinni í Elliðaárdal.Þar er safnast saman í bíla og ekið upp að stæði við grjótnámuna í Seljadal (Þormóðsdal). Haldið er frá námunni upp á Torfadalshrygg og af honum á Hjálm...
Erfiðleikastig:
23. apríl 2015

Vorferð jeppadeildar á Vatnajökul austanverðan

Hin stórskemmtilega árlega vorferð um Vatnajökul er ein vinsælasta ferð jeppadeildarinnar. Ferðinni er nú heitið á austurjökulinn. Hópurinn hittist að morgni fimmtudags við hótelið að Smyrlabjörgum og er ekið...
Erfiðleikastig:
24. apríl 2015

Gönguskíðaferð í Fjörður

Ferð fyrir nokkuð vant skíðagöngufólk. Ekið verður á einkabílum til Grenivíkur og gengið þaðan út Leirdalsheiði og gist á Gili í Hvalvatnsfirði. Haldið að Hvalvatni, yfir í Þorgeirsfjörð og til baka sama dag...
Erfiðleikastig:

Leitaðu að ferð

Gaman með Útivist

Náttúrupassi býr til nýja stétt landgreifa

Iðnaðar- og viðskiptaráðherra, Ragnheiður Elín Árnadóttir, heldur sig við sama heygarðshornið í baráttu sinni fyrir svokölluðum náttúrupassa. Þetta segir Þórarinn Eyfjörð í þessari grein um tillögu ráðherrans um náttúrupassa.

Náttúrunni er ógnað

Þórarinn Eyfjörð formaður Útivistar fjallar hér um hugmyndir stjórnvalda sem ógna náttúrunni og samstöðu þjóðarinnar um þann sameiginlega þjóðarauð Íslendinga sem falinn er í náttúru landsins.


Fréttir

1. desember 2014

Samstaða gegn framkvæmdum á Sprengisandi

Landvernd, Ferðafélagið Útivist, Ferðafélag Íslands, Ferðaklúbburinn 4x4 og SAMÚT, Samtök útivistarfélaga, hafa gengið frá sameiginlegum athugasemdum við drög að matsáætlun Landsnets um fyrirhugaða 220kV háspennulínu um Sprengisand og matsáætlun...

  • Dags-
    ferðir

    Dagsferðir

    Almennar dagsferðir hafa allt frá stofnun félagsins verið einn af hornsteinunum í starfsemi Útivistar. Dagsferðir geta fallið niður ef þátttaka er ekki nægjanleg, en núna bjóðum við þátttakendum að skrá sig fyrirfram fyrir kl. 15 á föstudögum og fá þá góðan afslátt af þátttökugjaldi. Engu að síður er hægt að mæta að morgni ferðadags á BSÍ, en þá er alltaf hætta á að ferðin hafi verið felld niður vegna ónógrar þátttöku. 

  • Helgar-
    ferðir

    Helgarferðir

    Helgarferðir eru eins og nafnið gefur til kynna ferðir sem taka heila helgi. Göngur yfir Fimmvörðuháls eru klassískar helgarferðir en einnig hafa margar aðrar ferðir hjá Útivist fest sig svo rækilega í sessi að þær eru fastur liður á ferðaáætluninni. 

    Næstu ferðir

    24. apríl 2015 - 26. apríl 2015

    Gönguskíðaferð í Fjörður

    13. maí 2015 - 17. maí 2015

    Hvannadalshnjúkur

    13. júní 2015 - 14. júní 2015

    Fimmvörðuháls

  • Kvenna-
    ferðir

    Kvennaferðir

    Kvennahópur á vegum Útivistar

    Undangengin 8 ár hafa farastjórarnir Jóhanna Benediktsdóttir og Kristjana Kristjánsdóttir staðið fyrir kvennaferð á sumri hverju á vegum Útivistar. Hafa þetta verið 3. til 5. daga göngur. Árið 2015 er engin undantekning og nú er haldið í Strútsskála og gist þar í tjöldum í 4 nætur og gengið um nágrenni skálans. Ferðin endar í afmælisfagnaði Útivistar.

    Myndir úr ferðum kvennahópsins

    Næstu ferðir

    22. júlí 2015 - 26. júlí 2015

    Kvennaferð - Strútur bækistöðvarferð

  • Skíða-
    ferðir

    Skíðaferðir

    Skíðaferðir eru í boði fram að vori og leitum við þangað sem vænta má góðra snjóalaga. Þær er að finna í dagskrá dagsferða og helgarferða, en einnig bendum við á að alltaf er möguleiki á að skíðaferðir séu settar á dagskrá með skömmum fyrirvara og því er um að gera að fylgjast vel með hér á heimasíðu Útivistar.

    Næstu ferðir

    24. apríl 2015 - 26. apríl 2015

    Gönguskíðaferð í Fjörður

    27. júní 2015 - 2. júlí 2015

    Gönguskíðaferð yfir Vatnajökul

  • Jeppa-
    ferðir

    Jeppaferðir

    Í jeppaferðum koma þátttakendur á eigin jeppum. Ferðast er í hóp undir leiðsögn fararstjóra sem hefur góða reynslu af þessari tegund ferðamennsku. Bæði er um að ræða vetrarferðir þar sem gerðar eru tilteknar kröfur um búnað jeppanna, svo og sumar- og haustferðir sem henta lítið breyttum eða óbreyttum jeppum. 

    Næstu ferðir

    24. júlí 2015 - 26. júlí 2015

    Fjallabak

    4. ágúst 2015 - 8. ágúst 2015

    Sumarleyfisferð jeppadeildar

  • Fjalla-
    refir

    Fjallarefir

    Hefur þig lengi langað í útivist og ekki látið verða af því eða viltu endurnýja kynni þín  við íslenska náttúru?  Góð göngudagskrá, þrekþjálfun og námskeið í fjallamennsku - allt í einum pakka.  Er það ekki einmitt það sem þú þarft á að halda á nýju ári? Þá er upplagt að gerast Fjallarefur og taka þátt í skemmtilegu göngu- og útvistarnámskeiði.

    Markmið námskeiðanna er:
    •    Að byggja markvisst upp gönguþrek og úthald.
    •    Að fræða um hagnýta hluti sem tengjast göngu- og fjallaferðum.
    •    Að kynna fjölbreyttar gönguleiðir innan og utan höfuðborgarsvæðisins.
    •    Að þátttakendur upplifi íslenska náttúru í skemmtilegum félagsskap.

    Öll námskeið Fjallarefa innifela þrekgöngutíma, lengri göngu- og fjallaferðir og helgarferð. Samhliða göngunum verður fræðsla þar sem þátttakendur safna í sarpinn hagnýtum upplýsingum sem tengjast útivist, til dæmis varðandi klæðnað, næringu og útbúnað.
    Þrekgöngutímar eru á þriðjudögum en gönguferðir tvo laugardaga í mánuði.  Fyrra námskeiðið stendur frá janúar og fram í maí og það seinna frá september til nóvemberloka.

    Vornámskeið: grunn- og framhaldsnámskeið Fjallarefa
    Á grunnnámskeiði er farið yfir undirstöðuatriði útivistar. Erfiðleikastig þrektíma og gönguferða eykst eftir því sem líður á námskeiðið.  
    Framhaldsnámskeiðið er ætlað þeim sem áður hafa tekið þátt í námskeiðum Fjallarefa eða eru í góðu almennu gönguformi.
    Námskeiðin fara fram á sama tíma og auðvelt er að færa sig á milli námskeiða, allt eftir óskum þátttakenda.
    Haustnámskeið: framhaldsnámskeið Fjallarefa
    Framhaldsnámskeið er ætlað þeim sem tóku þátt í vornámskeiðinu eða eru í góðu almennu gönguformi eftir sumarið.

    Fararstjórar eru Linda Udengård, Andri Lefever, Baldur Þorsteinsson, Björk Guðbrandsdóttir, Ása Ögmundsdóttir, Sverrir Andrésson og Vala Friðriksdóttir

    Næstu ferðir

    1. september 2015 - 30. nóvember 2015

    Fjallarefir II - framhaldsnámskeið haust

  • Everest

    Everest

    Dagskrá Everest-hóps Útivistar er sniðin að vönu göngufólki sem vill takast á við snarpa áreynslu á ögrandi fjöllum. Á árinu 2015 eru tvær helgarferðir á dagskránni, í júní og ágúst. Á tímabilinu 14. janúar til 25. mars eru vikulegar kvöldgöngur á miðvikudögum (alls 11 talsins) og er þá gengið á fjöll/fell í nágrenni höfuðborgarinnar. Lengri göngur eru 2. laugardag í hverjum mánuði nema í þeim mánuðum sem helgarferðir eru, svo og í júlímánuði en þá er sumarfrí frá göngunum.

    Skráningargjald í hópinn er 25.000 kr. og innifalið í því eru kvöldgöngurnar í janúar-mars. Verð á laugardagsgöngunum er 3.500 kr. Farið er á einkabílum á upphafsstað göngu, þátttakendur sameinast í bíla og deila með sér eldsneytiskostnaði.

    Fararstjórar eru Kristíana Baldursdóttir, Stefán Birgisson og Unnur Jónsdóttir.
    Í lýsingum á ferðum er ekki getið um tíma og vegalengd í göngum. Ástæða þess er sú að leiðarval tekur mið af aðstæðum á svæðinu þegar að göngunni kemur. Upplýsingar eru sendar í tölvupósti til þátttakenda nokkrum dögum fyrir göngu.

    Næstu ferðir

    9. maí 2015

    Hafrafell

  • Útivistar-
    ræktin

    Útivistarræktin

    Ókeypis göngur í nágrenni höfuðborgarinnar

    Útivistarræktin hefur verið við lýði um árabil og hefur mælst mjög vel fyrir. Gengið er tvisvar í viku og er þátttaka mjög góð. Með því að taka þátt í Útivistarræktinni fæst góð líkamsrækt og um leið hentugur undirbúningur fyrir krefjandi ferðir. Þá spillir ekki fyrir að þátttaka í Útivistarræktinni kostar ekkert og allir eru velkomnir.

    Á mánudögum er gengið um Elliðaárdalinn. Lagt er af stað kl. 18:00 frá Toppstöðinni (stóra brúna húsinu í Elliðaárdalnum, ekið frá Ártúnsbrekku, sjá kort).

    Á miðvikudögum er einnig gengið um Elliðaárdalinn, brottför frá sama stað og á mánudögum en nú kl. 18:00. Í miðvikudagsgöngunni er hins vegar farið hægar yfir.

    Frá og með 18. febrúar til 12. september breytast miðvikudagsgöngurnar með þeim hætti að þá er farið í göngur í nágrenni borgarinnar, en sameinast í bíla við Toppstöðina nema annað sé tekið fram í ferðalýsingu. Fararstjóri frá Útivist hefur umsjón með göngunni og velur leið hverju sinni. Sama gildir um þessar göngur og aðrar göngur Útivistarræktarinnar að þátttaka kostar ekkert, að öðru leyti en því að farþegar í bílum taka þátt í eldsneytiskostnaði með framlagi til ökumanns.

    Næstu ferðir

    22. apríl 2015

    Hjálmur úr Seljadal

    6. maí 2015

    Smáþúfur 592 m