Jeppaferðir

  • Dags:

    lau. 1. apr. 2017 - sun. 2. apr. 2017

    Brottför:

    • Skáli

    Ekið verður inn á Fjallabaksleið hjá Gunnarsholti, komið við í Hungurfitum ef aðstæður eru góðar, þaðan í Dalakofann þar sem gist verður um nóttina. Á sunnudeginum verður farin hin stórskemmtilega leið inn að Álftavatni og í Hvanngil og þaðan á Emstrur niður í Fljótshlíð. Komið verður í bæinn að kvöldi dags.

    • Verð:

      21.500 kr.
    • Félagsverð:

      14.000 kr.
    • Nr.

      1704J01
    • Miðhálendi

    • ICS
  • Dags:

    lau. 8. apr. 2017 - sun. 9. apr. 2017

    Brottför:

    • Skáli

    Lagt snemma af stað úr bænum og ekið í Sigöldu. Jeppamenn skilja þar við skíðamennina en taka farangur þeirra með sér. Stefnt verður á Ljótapoll og í Landmannalaugar. Þar verður sameiginlegt grill og gleði. Sama leið verður farin til byggða.

    • Verð:

      20.500 kr.
    • Félagsverð:

      13.000 kr.
    • Nr.

      1704J02
    • Miðhálendi

    • ICS
  • Dags:

    fim. 20. apr. 2017 - sun. 23. apr. 2017

    Brottför:

    • Skáli

    Hin stórskemmtilega árlega vorferð um Vatnajökul er ein vinsælasta ferð jeppadeildarinnar. Ferðinni er nú heitið á austurjökulinn. 

    • Verð:

      33.500 kr.
    • Félagsverð:

      26.000 kr.
    • Nr.

      1704J03
    • Miðhálendi

    • ICS
  • Dags:

    fös. 14. júl. 2017 - sun. 16. júl. 2017

    Brottför:

    • Skáli / tjald

    Jeppaferð um Fjallabak ásamt styttri og lengri gönguferðum. Á föstudegi verður ekin Dyngjuleið að Hófsvaði, Ljótapolli og um Faxasund að Sveinstindi. Í boði verður gönguferð á Sveinstind (1089 m.y.s., hækkun u.þ.b. 400 m). Gist í skála Útivistar. Á laugardegi verður ekið á Breiðbak, en þaðan er gott útsýni yfir Langasjó og umhverfi. 

    • Verð:

      19.500 kr.
    • Félagsverð:

      12.000 kr.
    • Nr.

      1707J01
    • Miðhálendi

    • ICS
  • Dags:

    lau. 14. okt. 2017 - sun. 15. okt. 2017

    Brottför:

    • Skáli

    Hin forna leið frá Svarthöfða í suðurenda Vonarskarðs að Jökulheimum er einhver skemmtilegasta jeppaleið sem til er. Glíman við brattar brekkur og straumharðar ár gleymist fljótt þegar hið stórkostlega útsýni af hæstu hæðum leiðarinnar blasir við. Farið verður að morgni laugardags í Hrauneyjar þar sem fyllt er á tanka. Þaðan verður haldið norður Sprengisandsleið og að norðurenda Hágöngulóns. Gist verður í skála Jöklarannsóknafélagsins í Jökulheimum. Möguleiki á að aka um Breiðbak á heimleið.

    • Verð:

      24.500 kr.
    • Félagsverð:

      17.000 kr.
    • Nr.

      1709J01
    • Miðhálendi

    • ICS


  • 1 / 19

    Skælingar

    • Lengri ferðir

      Lengri ferðir

      Lengri ferðir eru göngur þar sem gengið er í þrjá daga eða meira. Í þessari dagskrá má finna bæði þekktar gönguleiðir eins og Strútsstíg og Sveinstind-Skælinga, en einnig eru þarna nokkrar spennandi nýjungar. 

      Næstu ferðir

      28. júní 2017 - 2. júlí 2017

      Laugavegurinn

      29. júní 2017 - 2. júlí 2017

      Sveinstindur - Skælingar

      29. júní 2017 - 2. júlí 2017

      Strútsstígur

    • Mynda-
      kvöld

      Myndakvöld

      Kaffi- og myndanefnd voru settar á stofn fljótlega eftir stofnun Útivistar. Markmið þeirra er að halda myndakvöld þar sem félagsmenn koma saman til að skoða myndir og hlýða á ferðasögur frá ferðum sem Útivist hefur staðið fyrir. Auk þess eru kynntar ferðir á nýjum slóðum. Oft eru fengnir utanaðkomandi aðilar til að kynna áhugaverð svæði.

      Glæsilegar kaffiveitingar eru eitt aðalsmerki myndakvöldanna. Félagslegi þátturinn er stór. Útivistarfélagar hittast, rifja upp góðar stundir og gæða sér á kræsingum af kökuhlaðborðinu.

      Myndakvöld eru haldin fimm sinnum yfir vetrarmánuðina og njóta mikilla vinsælda. Allur ágóði af myndakvöldunum er nýttur til að efla félagið. Lengst af var hann settur í uppbyggingu aðstöðu félagsins í Básum á Goðalandi. Nú síðustu ár hefur ágóðanum verið varið í kaup og uppsetningu útsýnisskífu á Réttarfelli og glæsileg fræðsluskilti í Básum.

      Öll herlegheitin kosta aðeins 1.200 kr. Gestir eru vinsamlegast beðnir að hafa handbært reiðufé því ekki er hægt að taka við greiðslukortum.

      Næstu ferðir

      3. apríl 2017

      Myndakvöld 3. apríl

    • Skíða-
      ferðir

      Skíðaferðir

      Skíðaferðir eru í boði fram að vori og leitum við þangað sem vænta má góðra snjóalaga. Þær er að finna í dagskrá dagsferða og helgarferða, en einnig bendum við á að alltaf er möguleiki á að skíðaferðir séu settar á dagskrá með skömmum fyrirvara og því er um að gera að fylgjast vel með hér á heimasíðu Útivistar.

      Næstu ferðir

      8. apríl 2017 - 9. apríl 2017

      Landmannalaugar í samvinnu við jeppadeildina

    • Fjalla-
      refir

      Fjallarefir

      Fjallarefir fögnuðu fimm ára gönguafmæli á síðasta ári og enn á ný skal haldið á vit íslenskrar náttúru í góðum félagsskap. Á námskeiðum Fjallarefa er gönguþrek markvisst byggt upp og þátttakendur kynnast fjölbreyttum gönguleiðum.

      Námskeið Fjallarefa er ætlað þeim sem áður hafa tekið þátt í námskeiðum og/eða eru í ágætis gönguformi. Námskeiðið felur í sér þrekgöngutíma, dagsferðir og helgarferð. Samhliða göngunum verður fræðsla þar sem þátttakendur safna í sarpinn hagnýtum upplýsingum sem tengjast útivist, til dæmis varðandi klæðnað, næringu, útbúnað og leiðarval. Námskeiðið hefst í janúar og líkur í maí.

      Þrekgöngutímar eru á þriðjudögum og dagsferðir á laugardögum. Þátttakendur koma á eigin bílum á upphafsstað göngu en geta sameinast í bíla eftir hentugleikum. Sá háttur verður hafður á þessu fjallarefanámskeiði að þátttakendur leggja til ferðir í „hugmyndakrukkuna“ og við lok dagsferðar er dregið út leiðarval næstu laugardagsgöngu.

      Hámarksfjöldi: 40 manns.
      Námskeiðsverð: 30.000 kr.

      Næstu ferðir

    • Útivistar-
      gírinn

      Útivistargírinn

      Ókeypis göngur í nágrenni höfuðborgarinnar

      Komdu þér í Útivistargírinn fyrir sumarið með samheldnum hópi Útivistarfólks og nýrri tólf vikna dagskrá. Útivistargírinn leysir af hólmi Útivistarræktina sem starfrækt hefur verið í um 20 ár.

      Dagskráin hefst 5. apríl og stendur til 21. júní. Hópurinn hittist vikulega á miðvikudögum klukkan 18:00 við Toppstöðina í Elliðaárdal og gengur spennandi gönguleiðir í nágrenni höfuðborgarsvæðisins. Göngurnar henta flestum sem geta hreyft sig með góðu móti og eru nýliðar í útivist . Einnig er vant fólk hvatt til þess að taka þátt. Í þessum kvöldgöngum verður lögð áhersla á vinalegt andrúmsloft og kynningu á grunnatriðum í útivist og gönguferðum. Fjölbreytt starfsemi Útivistar, þar sem allir geta fundið eitthvað við sitt hæfi, verður einnig kynnt þátttakendum.

      Flestar göngurnar taka 2 – 4 klukkustundir. Þátttakendur sameinast í bíla og deila eldsneytiskostnaði.

      Kynningarfundur verður haldinn kl. 20:00 þann 29. mars - smelltu hér til að skrá þig.

      Þátttaka í göngunum er félagsmönnum Útivistar að kostnaðarlausu en skrá þarf þátttöku. Áhugasömum er bent á upplýsingar um skráningu á heimasíðu Útivistar. Gönguleiðirnar eru fjölbreyttar og tekur röð þeirra mið af veðri og færð hverju sinni. Auglýst verður á vef Útivistar, á Facebook síðu félagsins og á póstlista hvert verður farið hverju sinni.

      Fimm fararstjórar, Hrönn Baldursdóttir, Kristey Briet Gísladóttir, Hrefna Jensdóttir, Kristjana Kristjánsdóttir og Guðmundur Örn Sverrisson leiða þátttakendur Útivistargírsins. Óhætt er að segja að fararstjórahópurinn sé fjölbreyttur en samhentur og hlakkar til að taka vel á móti öllum þeim sem vilja komast í Útivistargírinn.

      Fylgstu með og skráðu þig á Facebook síðu Útivistargírsins.

       

      Næstu ferðir