Snæfellsjökull þveraður

16. júní 2013
Á Miðþúfu

Það var hress nítján manna hópur sem lagði upp frá skrifstofu Útivistar eldsnemma þann 15. júní í fylgd þriggja fararstjóra. Hér var á ferð Everest-hópur Útivistar á leið í göngu þar sem Snæfelljökull skyldi þveraður, lagt upp frá þjóðveginum suðvestan hans, gengið yfir Þúfurnar og endað á Jökulhálsi.

Veðrið var nú ekki alveg í samræmi við spána, fór eitthvað lítið fyrir sólskininu sem lofað hafði verið. Sumir töldu sennilegt að bjartara væri vestur á Snæfellsnesi, aðrir töldu það ósennilegt. Það fór enda svo að eina breytingin var sú að skýjahæð lækkaði stöðugt og þegar komið var að upphafsstað var komin súld!

Það reyndist raunar erfitt að sannfæra bílstjórann um að hann væri kominn að þeim stað þar sem gangan skyldi hafin – raunar tók það tvö hundruð metra eða svo. Kannski skiljanlegt, þarna var ekkert sem benti til þess að gott væri að hefja göngu á Snæfellsjökul – sem sást auðvitað ekki í þokunni. Það er enda ljóst að ef ekki hefði verið GPS-ferill með í för þá hefði ferðin fengið snubbóttan endi – aldrei verið lagt af stað.

Vegna aðstæðna og einsleits landslags (mosavaxið hraun svo langt sem augað eygði – þ.e.a.s. 50 metra!) sóttist ferðin frekar hægt, það þurfti oft að kíkja á GPS-tækið. Sumir voru svartsýnir á veðrið á toppnum þótt einn fararstjóranna stæði á því fastar en fótunum að í 800 metra hæð myndi komið upp úr skýjum.

Þegar þessi fullvissa hans virtist ekki lengur megna að sannfæra fólk var gripið til þess ráðs að nota tengingu sumra göngumanna við háloftin og fékkst það staðfest hjá áhöfn United Airlines flugs 991 að toppurinn á jöklinum stæði vissulega upp úr skýjum. Við þessar fréttir jókst traust fólks á spádómshæfileikum fararstjóra, enda byrjaði fólk svo að varpa skugga í 790 metrum – og sólin byrjaði að skína í 800!

Í tæplega 1000 metra hæð var tekin nestispása enda síðasti séns að setjast á fast land, ofar snjór svo langt sem augað eygði. Þó er raunar enginn jökull þarna á suðvesturhlið fjallsins, það er hægt að fara alla leið á Vesturþúfu í 1425 metra hæð án þess að ganga á jökli. Þangað lá enda leið hópsins (raunar í línum síðustu 300 hæðarmetrana, það sparaði fararstjórunum burðinn á þeim!).

Af Vesturþúfu sást svo yfir að Miðþúfu og síðan inn eftir öllu Snæfellsnesi. Þótt einhver ský væru sjáanleg innar á nesinu var ekki skýhnoðra að sjá í nánd við jökulinn. Eftir nokkra dvöl þarna – og margar myndir með Miðþúfu í bakgrunni – var svo lagt af stað í átt að henni. Á leiðinni sást að uppi á Miðþúfu voru göngumenn, það var auðvitað ljóst að þangað myndi þessi vaski hópur líka fara. Það munu alla vega flestir hafa klöngrast upp á hnúðinn efst á þúfunni – sumum reyndist svo raunar erfiðara að komast niður en upp!

Eftir langa dvöl þarna á þaki Snæfellsness var svo lagt af stað beint í átt að rútunni, hún hafði sést í u.þ.b. 500 metra hæð á Jökulhálsi. Gengið var í línum og reyndist full ástæða til, þarna varð á vegi okkar eina opna sprungan sem við sáum – og aðstæður erfiðar því brattinn var svo mikill að erfitt var að fóta sig. Allir komust þó heilir niður af jöklinum og að rútunni – það gekk hins vegar erfiðlega að fá fólk inn í bílinn, svo gott var veðrið. Að lokum var þó lagt af stað í bæinn og komið þangað upp úr tíu um kvöldið eftir frábæran dag á fjöllum.

Fararstjórar voru Leifur Hákonarson, Reynir Þór Sigurðsson og Unnur Jónsdóttir. 

Leifur Hákonarson skrifaði ferðasögu. Myndir má sjá hér.  



Greinar og ferðasögur

  • Dags-
    ferðir

    Dagsferðir

    Almennar dagsferðir hafa allt frá stofnun félagsins verið einn af hornsteinunum í starfsemi Útivistar. Dagsferðir geta fallið niður ef þátttaka er ekki nægjanleg, en núna bjóðum við þátttakendum að skrá sig fyrirfram fyrir kl. 15 á föstudögum og fá þá góðan afslátt af þátttökugjaldi. Engu að síður er hægt að mæta að morgni ferðadags á BSÍ, en þá er alltaf hætta á að ferðin hafi verið felld niður vegna ónógrar þátttöku. 

    Næstu ferðir

  • Helgar-
    ferðir

    Helgarferðir

    Helgarferðir eru eins og nafnið gefur til kynna ferðir sem taka heila helgi. Göngur yfir Fimmvörðuháls eru klassískar helgarferðir en einnig hafa margar aðrar ferðir hjá Útivist fest sig svo rækilega í sessi að þær eru fastur liður á ferðaáætluninni. 

    Næstu ferðir

    24. nóvember 2017 - 26. nóvember 2017

    Aðventuferð

    29. desember 2017 - 1. janúar 2018

    Áramótaferð

  • Lengri ferðir

    Lengri ferðir

    Lengri ferðir eru göngur þar sem gengið er í þrjá daga eða meira. Í þessari dagskrá má finna bæði þekktar gönguleiðir eins og Strútsstíg og Sveinstind-Skælinga, en einnig eru þarna nokkrar spennandi nýjungar. 

    Næstu ferðir

  • Mynda-
    kvöld

    Myndakvöld

    Kaffi- og myndanefnd voru settar á stofn fljótlega eftir stofnun Útivistar. Markmið þeirra er að halda myndakvöld þar sem félagsmenn koma saman til að skoða myndir og hlýða á ferðasögur frá ferðum sem Útivist hefur staðið fyrir. Auk þess eru kynntar ferðir á nýjum slóðum. Oft eru fengnir utanaðkomandi aðilar til að kynna áhugaverð svæði.

    Glæsilegar kaffiveitingar eru eitt aðalsmerki myndakvöldanna. Félagslegi þátturinn er stór. Útivistarfélagar hittast, rifja upp góðar stundir og gæða sér á kræsingum af kökuhlaðborðinu.

    Myndakvöld eru haldin fimm sinnum yfir vetrarmánuðina og njóta mikilla vinsælda. Allur ágóði af myndakvöldunum er nýttur til að efla félagið. Lengst af var hann settur í uppbyggingu aðstöðu félagsins í Básum á Goðalandi. Nú síðustu ár hefur ágóðanum verið varið í kaup og uppsetningu útsýnisskífu á Réttarfelli og glæsileg fræðsluskilti í Básum.

    Öll herlegheitin kosta aðeins 1.500 kr. Gestir eru vinsamlegast beðnir að hafa handbært reiðufé því ekki er hægt að taka við greiðslukortum.

    Næstu ferðir

  • Hjóla-
    ferðir

    Hjólaferðir

    Hjólaræktin hefur starfað í allnokkur ár, en sífellt fleiri uppgötva hvað reiðhjólið er frábært til ferðalaga. Fastir liðir eru hjólatúrar á höfuðborgarsvæðinu á laugardögum yfir vetrartímann en þegar kemur fram á sumar er stefnan gjarnan tekin á lengri túra.  

    Næstu ferðir

  • Skíða-
    ferðir

    Skíðaferðir

    Skíðaferðir eru í boði fram að vori og leitum við þangað sem vænta má góðra snjóalaga. Þær er að finna í dagskrá dagsferða og helgarferða, en einnig bendum við á að alltaf er möguleiki á að skíðaferðir séu settar á dagskrá með skömmum fyrirvara og því er um að gera að fylgjast vel með hér á heimasíðu Útivistar.

    Næstu ferðir

  • Jeppa-
    ferðir

    Jeppaferðir

    Í jeppaferðum koma þátttakendur á eigin jeppum. Ferðast er í hóp undir leiðsögn fararstjóra sem hefur góða reynslu af þessari tegund ferðamennsku. Bæði er um að ræða vetrarferðir þar sem gerðar eru tilteknar kröfur um búnað jeppanna, svo og sumar- og haustferðir sem henta lítið breyttum eða óbreyttum jeppum. 

  • Fjalla-
    refir

    Fjallarefir

    Fjallarefir fögnuðu fimm ára gönguafmæli á síðasta ári og enn á ný skal haldið á vit íslenskrar náttúru í góðum félagsskap. Á námskeiðum Fjallarefa er gönguþrek markvisst byggt upp og þátttakendur kynnast fjölbreyttum gönguleiðum.

    Námskeið Fjallarefa er ætlað þeim sem áður hafa tekið þátt í námskeiðum og/eða eru í ágætis gönguformi. Námskeiðið felur í sér þrekgöngutíma, dagsferðir og helgarferð. Samhliða göngunum verður fræðsla þar sem þátttakendur safna í sarpinn hagnýtum upplýsingum sem tengjast útivist, til dæmis varðandi klæðnað, næringu, útbúnað og leiðarval. 

    Þrekgöngutímar eru á þriðjudögum og dagsferðir á laugardögum. Þátttakendur koma á eigin bílum á upphafsstað göngu en geta sameinast í bíla eftir hentugleikum. Til að taka þátt í haustnámskeiði Fjallarefa þarf að gerast félagsmaður í Útivist.

    Hámarksfjöldi: 40 manns.
    Námskeiðsverð: 18.000 kr.

    Næstu ferðir

  • Útivistar-
    gírinn

    Útivistargírinn

    Ókeypis göngur í nágrenni höfuðborgarinnar

    Komdu þér í Útivistargírinn fyrir sumarið með samheldnum hópi Útivistarfólks og nýrri tólf vikna dagskrá. Útivistargírinn leysir af hólmi Útivistarræktina sem starfrækt hefur verið í um 20 ár.

    Dagskráin hefst 5. apríl og stendur til 21. júní. Hópurinn hittist vikulega á miðvikudögum klukkan 18:00 við Toppstöðina í Elliðaárdal og gengur spennandi gönguleiðir í nágrenni höfuðborgarsvæðisins. Göngurnar henta flestum sem geta hreyft sig með góðu móti og eru nýliðar í útivist . Einnig er vant fólk hvatt til þess að taka þátt. Í þessum kvöldgöngum verður lögð áhersla á vinalegt andrúmsloft og kynningu á grunnatriðum í útivist og gönguferðum. Fjölbreytt starfsemi Útivistar, þar sem allir geta fundið eitthvað við sitt hæfi, verður einnig kynnt þátttakendum.

    Flestar göngurnar taka 2 – 4 klukkustundir. Þátttakendur sameinast í bíla og deila eldsneytiskostnaði.

    Kynningarfundur verður haldinn kl. 20:00 þann 29. mars - smelltu hér til að skrá þig.

    Þátttaka í göngunum er félagsmönnum Útivistar að kostnaðarlausu en skrá þarf þátttöku. Áhugasömum er bent á upplýsingar um skráningu á heimasíðu Útivistar. Gönguleiðirnar eru fjölbreyttar og tekur röð þeirra mið af veðri og færð hverju sinni. Auglýst verður á vef Útivistar, á Facebook síðu félagsins og á póstlista hvert verður farið hverju sinni.

    Fimm fararstjórar, Hrönn Baldursdóttir, Kristey Briet Gísladóttir, Hrefna Jensdóttir, Kristjana Kristjánsdóttir og Guðmundur Örn Sverrisson leiða þátttakendur Útivistargírsins. Óhætt er að segja að fararstjórahópurinn sé fjölbreyttur en samhentur og hlakkar til að taka vel á móti öllum þeim sem vilja komast í Útivistargírinn.

    Fylgstu með og skráðu þig á Facebook síðu Útivistargírsins.

     

    Næstu ferðir