100 gíga leiðin á Reykjanesi

Dags:

sun. 25. feb. 2018

Brottför:

frá BSÍ kl. 9:30

Þessi viðburður er liðinn.

Ferðin hefur verið felld niður!
Gangan hefst við Valahnúk og er gengið að Gunnuhver. Frá hvernum er haldið að Sýrfelli. Farið er uppá Sýrfell en þaðan er gott útsýni yfir nærliggjandi gígaraðir. Frá Sýrfelli er farið út í Stampahraun, en þau eru tvö, það yngra frá um 1226 og hið eldra um 1500-1800 ára gamalt. Leiðin liggur um hraunið að Kerlingabás sem er gígur sem sjórinn er að mestu búinn að eyða. Á leiðinni er fjöldi gíga og aðrar áhugaverðar hraunmyndanir. Frá Kerlingabás er stutt að fara aftur að Valahnúk. Vegalend er um 13 km. Uppsöfnuð hækkun er um 280 m. Göngutími 4-5 tímar.   

Verð til félagsmanna kr. 4.500. Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur verðið hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 7.500 og fá þá félagsskírteini og fyrstu dagsferðina í kaupbæti.

Verð 7.500 kr.
Verð 4.500 kr.

Nr.

1802D07
  • Suðvesturland