Dalastígur

Dags:

sun. 14. júl. 2019 - mið. 17. júl. 2019

Brottför:

frá BSÍ kl. 08:00

  • Skáli

Dalastígur er ný gönguleið á fáförnum en virkilega áhugaverðum slóðum að Fjallabaki. Farið með rútu að Mosum skammt frá Markarfljóti. Þaðan verður gengið í Þverárgil og komið við í sérstæðum gististað gangnamanna í hellisskúta. Áfram er haldið í skálann í Hungurfitjum þar sem gist verður fyrstu nóttina. Frá Hungurfitjum er gengið upp Skyggnishlíðar að Skyggnisvatni, síðan að Laufavatni í Laufahrauni og áfram í Dalakofann þar sem verður gist. Leiðin frá Dalakofanum liggur yfir norðanverðan Svartakamb að Rauðufossafjöllum. Þar er sérkennileg  uppspretta Rauðufossakvíslar og verður ánni fylgt niður fyrir Rauðufossa. Þaðan verður gengið í Landmannahelli og gist þar. Leiðin Í Landmannalaugar liggur um Hellismannaleið.

Fararstjóri er Guðrún Svava Viðarsdóttir.

Ferðin er fullbókuð en hægt að skrá á biðlista á skrifstofu Útivistar í síma 562 1000.

Nánari upplýsingar um ferðina.

Verð 54.000 kr.

Nr.

1907L08
  • Miðhálendi