Nýárs- og kirkjuferð: Saurbær – Brautarholt ATH breytt dags.

Dags:

sun. 6. jan. 2019

Brottför:

frá BSÍ kl. 9:30

Þessi viðburður er liðinn.

Fyrsta dagsferð ársins hefur ávallt verið í kirkju. Kirkjur eru af öllum stærðum og gerðum en fyrst var farið í litlu timburkirkjuna í Krýsuvík. Hún brann því miður árið 2010. Nú verður gengið á milli tveggja kirkjustaða á Kjalarnesi sem eiga sér langa og merka sögu, þ.e. frá Saurbæ að Brautarholti. Haldið verður að gömlu brúnni yfir Blikdalsá og ánni síðan fylgt niður að strönd að Músarnesi. Þaðan liggur leiðin svo að Brautarholtskirkju, hugsanlega eftir smákrók út á Músarnes. Vegalengd 10 km. Hækkun óveruleg. Göngutími 3-4 klst.

Í ljósi veðurspár er ferðin færð yfir á sunnudaginn 6. janúar í stað laugardag eins og áður var auglýst.

Fararstjóri er Gunnar Hólm Hjálmarsson.

Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en þeir sem ekki eru þegar félagsmenn býðst að greiða félagsgjald kr. 7.500 og fá þá félagsskírteini og fyrstu dagsferðina í kaupbæti.

Verð 5.000 kr.

Nr.

1901D01
  • Suðvesturland