Útivistarlífið - vor 2020

Dags:

mán. 3. feb. 2020 - lau. 25. apr. 2020

Brottför:

IMG_0063.jpg

Fullbókað er í Útivistarlífið - vor 2020. Þú getur skráð þig á biðlista með því að senda póst á netfangið utivist@utivist.is. 

Útivistarlífið er nýr dagskrárliður hjá Ferðafélaginu Útivist og hóf göngu sína vorið 2019.  Útivistarlífinu var ákaflega vel tekið og langtum færri komust að en vildu.  Útivistarlífið býður byrjendum sem og lengra komnum að taka þátt í fjölda ferða þar sem fólk blandar saman hefðbundnum kvöld- og dagsferðum við þrekæfingar og aðrar útivistargreinar að eigin vali. 

Þátttakendur taka þátt í níu viðburðum, þ.e. þremur kvöldferðum, þremur dagsferðum og þremur þrekæfingum útivið.  Að auki geta þátttakendur valið um tvær valgreinar en til boða stendur að velja sjósund, gönguþrennu, vetrarsalsa, náttúruyoga og gönguskíði.  Hér er lykilsetningin "Viltu prufa?" því valgreinarnar eru miðaðar að byrjendum sem langar að prufa fjölbreyttar gerðir útivistar.  Það þarf því ekki að flokkast til afreksfólks í gönguskíðum, sjósundi eða yoga til að taka þátt þó allir séu að sjálfsögðu velkomnir.  Nýgræðingar og byrjendur eru velkomnir og fá leiðsögn við að taka fyrstu skrefin í sportinu.  Heildarfjöldi viðburða er því á bilinu 16-20 eftir því hvaða greinar eru valdar. Rétt er að taka fram að starf Útivistarlífsins skarast ekki á við starf Fjallfara. 

Við bendum á að hægt er að skipta greiðslum í tvennt en þá þarf að hafa samband við skrifstofu Útivistar í síma 562-1000 á opnunartíma, milli 12 og 17 virka daga.  Einnig bendum við þátttakendum á að kynna sér mögulega þátttöku stéttarfélaga í kostnaði við Útivistarlífið.

Kjarnagreinar

Kjarnagreinar Útivistarlífsins eru þrjár, þ.e. dagsferðir, kvöldferðir og þrekæfingar útivið auk fræðslukvölds.  Ákefð og erfiðleikastig þrekæfinga er þátttakendum í sjálfsvald sett en þær eru settar upp á þann hátt að flestir geta notið góðs af þeim, óháð formi.  Allir þátttakendur í Útivistarlífinu taka þátt í kjarnagreinunum og geta svo valið sér tvær valgreinar að auki.  Fararstjórar í kjarnagreinum eru Auður Jóhannsdóttir, Hanna Guðmundsdóttir og Guðmundur Örn Sverrisson.

Dags. Heiti Áætluð hækkun Áætluð vegalengd Tegund ferðar Gráðun
29.01.2020 Kynningar- og undirbúningsfundur - - Fundur -
03.02.2020 Valaból Óveruleg 6 km Kvöldferð 1 skór
15.02.2020 Krýsuvíkurgata 2-300m 14-16 km Dagsferð 2 skór
17.02.2020 Þrekæfing - - Kvöldferð -
09.03.2020 Reykjaborg 250m 6 km Kvöldferð 1 skór
16.03.2020 Þrekæfing - - Kvöldferð -
21.03.2020 Keilir - afmælisferð 250m 8-10 km Dagsferð 2 skór
30.03.2020 Þorbjörn 220m 5-7 km Kvöldferð 1 skór
20.04.2020 Þrekæfing     Kvöldferð -
25.04.2020 Síldarmannagötur 550m 17-18 km Dagsferð 2 skór
         

 

Athugið að dagskrá getur breyst fyrirvaralítið m.t.t. veðurs og utanaðkomandi aðstæðna.  Fararstjórar áskilja sér rétt til að breyta ferðaáætlun af öryggissjónarmiðum.

Valgreinar

Þátttakendur geta valið um tvær greinar af fimm.  Er of margt spennandi í boði?  Ekkert mál - þú getur bætt við aukagrein fyrir 5.900 krónur!

Allar greinar Útivistarlífsins eru ætlaðar byrjendum og fá þátttakendur stuðning fararstjóra við að fóta sig í nýjum greinum.  Athugið að ekki þarf að tilgreina val við skráningu í Útivistarlífið.

Gönguþrenna:

Valgreinin gönguþrenna inniheldur tvær kvöldferðir og eina dagsferð undir leiðsögn Auðar Jóhannsdóttur og Kristjönu Kristjánsdóttur.  Gönguþrennan hentar þeim sem vilja bæta fleiri göngum við kjarnagreinar og feta nýjar slóðir í góðum félagsskap.

Ferðirnar eru á dagskrá sem hér segir:

Dags. Heiti Tegund ferðar Gráðun
27.02.2020 Helgafell í Mos Kvöldferð 1 skór
12.03.2020 Kýrskarð og Kúadalir Kvöldferð 1 skór
28.03.2020 Tyrkjabyrgin Dagsferð 2 skór

Athugið að dagskrá getur breyst með stuttum fyrirvara m.t.t. veðurs eða utanaðkomandi þátta.

Sjósund:

Valgreinin sjósund inniheldur fimm sjósundsferðir undir leiðsögn Jóhönnu Fríðu Dalkvist sem stundað hefur sjósund í rúman áratug og hefur reynslu af því að aðstoða byrjendur í sportinu.  Þátttakendur þurfa að vera syndir en ekki er gerð krafa um að fólk hafi stundað sjóböð.

Ferðirnar eru á dagskrá sem hér segir:

Dags. Heiti Gráðun
06.02.2020 Nauthólsvík 1 skór
20.02.2020 Nauthólsvík 1 skór
05.03.2020 Nauthólsvík 1 skór
19.03.2020 Nauthólsvík 1 skór
02.04.2020 Nauthólsvík

1 skór

Athugið að dagskrá getur breyst með stuttum fyrirvara m.t.t. veðurs eða utanaðkomandi þátta.
 

Gönguskíði:

Valgreinin gönguskíði inniheldur þrjár ferðir - tvær kvöldferðir og eina dagsferð.  Í ferðunum njóta þátttakendur leiðsagnar Snorra Guðjónssonar sem hefur víðtæka reynslu af göngu- og fjallaskíðamennsku hérlendis og erlendis.  Ferðirnar miða við utanbrautarskíði en þó er hægt að nota hefðbundin brautarskíði.  Ferðirnar miðast við byrjendur og í kvöldferðunum tveimur verður farið í grunnatriði gönguskíðamennsku

Ferðirnar eru á dagskrá sem hér segir:

Dags. Heiti Tegund ferðar Gráðun
10.02.2020 Heiðmörk/Bláfjöll Kvöldferð 1 skór
24.02.2020 Heiðmörk/Bláfjöll Kvöldferð  1 skór
07.03.2020 Svínahraun-Múlasel Dagsferð  2 skór

Athugið að dagskrá getur breyst með stuttum fyrirvara m.t.t. veðurs eða utanaðkomandi þátta.

Vetrarsalsa:

Valgreinin vetrarsalsa inniheldur tvær kvöldferðir og eina dagsferð.  Í ferðunum njóta þátttakendur leiðsagnar Ragnheiðar Ýrar Grétarsdóttur og Sverris Árnasonar sem, auk þess að vera bæði fararstjórar Útivistar, búa samanlagt yfir rúmlega 20 ára reynslu af salsadansi.  Í ferðunum, sem að mestu leyti eru eru hefðbundnar göngur, læra þátttakendur grunnspor í salsa og taka að sjálfsögðu sporið úti í náttúrunni.  Hér verður náttúra, dans og gleði við völd!

Ferðirnar eru á dagskrá sem hér segir:

Dags. Heiti Tegund ferðar Gráðun
13.02.2020 Rauðavatnssalsa Kvöldferð 1 skór
14.03.2020  Hestfjall Dagsferð  2 skór 
26.03.2020  Dansað í Elliðaárdal Kvöldferð  1 skór 

Athugið að dagskrá getur breyst með stuttum fyrirvara m.t.t. veðurs eða utanaðkomandi þátta.

Náttúruyoga:

Valgreinin náttúruyoga inniheldur þrjár ferðir - tvær kvöldferðir og eina dagsferð.  Í ferðunum njóta þátttakendur leiðsagnar Hrannar Baldursdóttur yogakennara og leiðsögumanns og Ragnheiðar Ýrar Grétarsdóttur, yogakennara með meiru.

Ferðirnar eru á dagskrá sem hér segir:

Dags. Heiti Tegund ferðar Gráðun
08.02.2020 Þingvellir Dagsferð 2 skór
02.03.2020  Kaldársel Kvöldferð  1 skór 
23.03.2020  Helgufoss Kvöldferð  1 skór 

Athugið að dagskrá getur breyst með stuttum fyrirvara m.t.t. veðurs eða utanaðkomandi þátta.

Birt með fyrirvara um prent- og innsláttarvillur.

Verð 29.900 kr.
Verð 29.900 kr.

Nr.

2001UVL