LOMER-skór fyrir alla, frá minnstu fótgönguliðum upp í fjallageitur af eldri gerðinni.

Þegar velja á gönguskó verður að passa að þeir séu ekki of litlir. Tærnar eiga ekki að nema við tákappann því þá er hætt við því að skórnir þrengi að þegar gengnar eru lengri leiðir.

Gott er að vera í tvennum sokkum - ekki of þykkum - til að forðast hælsæri. Best er að hægt sé að koma fingri niður með hælnum til að velja réttu stærðina. Fyrir fullorðna dugir að nota litla puttann.

Ef valdir eru of stórir skór getur komið brot neðst við ristina sem kemur til með að nudda og særa fótinn.

Það sem ber að varast

Spalt með plastfilmu. Spalt er afskurður af leðri og er gjarnan notað í vinnuhanska. Plasthúð er þá límd ofan á spaltið sem gefur leðrinu meira glansandi yfirbragð. Ýmis húsgögn sem sögð eru úr leðri eru unnin á þennan hátt. Þessi samsetning loftar ekki og á það til að harðna og springa í frosti. Ef það gerist er ekki hægt að gera við það. Það sama á við um Synthetic leður, eða gervileður.