Vöð og vatnasull ATH. breytt dags.

Eftir vel heppnað vatnasull síðastliðið haust þykir ástæða til að gefa fleirum færi á að kynnast vöðum Tungnaár og Markarfljóts. Ferðir frumkvöðlanna verða rifjaðar upp og vöð yfir stórfljótin könnuð. Einnig verður farið í gegnum helstu grunnatriði við akstur yfir ár. Gist í Hólaskógi á föstudagskvöldi. Hið sögufræga Hófsvað kannað og lagt að velli ef aðstæður leyfa. Einnig verða skoðaðar fleiri fornar leiðir yfir Tungnaá áður en haldið verður áfram för í skála Útivistar í Strút. Síðasta dag ferðarinnar verður þess freistað að fara yfir Markarfljót í Bása. Þátttakendur hafi með sér vöðlur og vaðprik. Þátttaka háð samþykki fararstjóra.

Fararstjóri: Hlynur Snæland.