Mæting við bensínstöð Olís í Norðlingaholti (við Rauðavatn). Ekið að Stóru-Mörk og lagt af stað þaðan kl. 11:30. Hjólað í Bása og grillað um kvöldið. Daginn eftir verður hjólað til baka að Stóru-Mörk. Farangur fluttur á milli staða. Munið eftir nesti og viðgerðarsetti. Allir velkomnir. Ekkert þátttökugjald, en greiða þarf fyrir gistingu í skála. Þátttakendur deila með sér kostnaði við trúss og grill.

Flogið til München og hjólað um Bæjaraland í 6 daga. Leiðin liggur um stórbrotið landslag, meðfram fallegum vötnum og litlum bæjum í nágrenni Alpanna. Ferðin er skipulögð af Bændaferðum fyrir Útivistarfélaga. Íslenskur fararstjóri. Takmarkaður fjöldi.

Uppselt. 

Fyrsta daginn er hjólað frá Vegamótum að Arnarstapa. Frá Arnarstapa er farið að Djúpalóni og Öndverðarnesi og endað á Hellissandi. Frá Hellissandi er hjólað í Berserkjahraun og loks á lokadegi ferðarinnar er hjólað til Stykkishólms og þaðan áfram að Vegamótum. Farangur fluttur á milli staða. Ekkert þátttökugjald, en þátttakendur deila með sér kostnaði við trúss. Allir velkomnir. Munið eftir viðgerðarsetti.

Þessi Fjallabaksferð hjólaræktarinnar hefst við Goðaland í Fljótshlíð. Þaðan verður hjóluð skemmtileg leið gegnum Þvergil og framhjá Krók. Hjólað í Hungurfit þar sem slegið verður upp tjöldum. Þaðan verður hjólað áfram vestur Fjallabak og framhjá Þríhyrningi niður að Goðalandi í Fljótshlíð. Farangur fluttur á milli staða. Ekkert þátttökugjald, en þátttakendur deila með sér kostnaði við trúss. Allir velkomnir. Munið eftir viðgerðarsetti.

Mæting við Toppstöðina í Elliðaárdal kl. 9:00 eða við Geirabakarí (kaffihús) í Borgarnesi kl. 10:15. Hjólað um fáfarna vegi á Mýrum, vegi 537 og 540. Munið eftir nesti og viðgerðarsetti. Ekkert þátttökugjald. Allir velkomnir.

Mæting við bensínstöð Olís í Norðlingaholti (við Rauðavatn). Veður og vindar ráða leiðarvali. Hjólað um Þingvallasvæðið og/eða Laugarvatn og endað í Grímsnesinu þar sem hægt verður að komast í heitan pott og grilla. Ekkert þátttökugjald, en þátttakendur deila með sér kostnaði við grill. Allir velkomnir. Munið eftir nesti og viðgerðarsetti.

Hjólað á höfuðborgarsvæðinu, nema annað verði auglýst á heimasíðunni og í fréttabréfinu Á döfinni. Lýðræðisleg ákvörðun tekin um það hvert verður farið. Mæting við Toppstöðina í Elliðaárdal. Munið eftir nesti og viðgerðarsetti.

Hjólað á höfuðborgarsvæðinu, nema annað verði auglýst á heimasíðunni og í fréttabréfinu Á döfinni. Lýðræðisleg ákvörðun tekin um það hvert verður farið. Mæting við Toppstöðina í Elliðaárdal. Munið eftir nesti og viðgerðarsetti.