Síðan fannst ekki

Við biðjumst velvirðingar. Síðan sem þú baðst um fannst ekki.

Ástæður þess gætu t.d. verið:

  • Slóðin er rangt stafsett
  • Síðan hefur verið færð til á vefnum
  • Síðan er ekki lengur til

 


Veftré

Þú getur séð yfirlit yfir þær síður sem eru á vefnum með því að skoða veftréð.


Hafa samband

Ef þú hefur einhverjar spurningar eða ábendingar getur þú haft samband hérna.


Annað

Þú getur líka farið eitt skref til baka á síðuna sem þú varst á. Eða farið á forsíðu vefsins.



  • Dags-
    ferðir

    Dagsferðir

    Almennar dagsferðir hafa allt frá stofnun félagsins verið einn af hornsteinunum í starfsemi Útivistar. Dagsferðir geta fallið niður ef þátttaka er ekki nægjanleg, en núna bjóðum við þátttakendum að skrá sig fyrirfram fyrir kl. 15 á föstudögum og fá þá góðan afslátt af þátttökugjaldi. Engu að síður er hægt að mæta að morgni ferðadags á BSÍ, en þá er alltaf hætta á að ferðin hafi verið felld niður vegna ónógrar þátttöku. 

    Næstu ferðir

    16. júní 2016 - 17. júní 2016

    Leggjabrjótur

  • Kvenna-
    ferðir

    Kvennaferðir

    Kvennahópur á vegum Útivistar

    Undangengin 8 ár hafa farastjórarnir Jóhanna Benediktsdóttir og Kristjana Kristjánsdóttir staðið fyrir kvennaferð á sumri hverju á vegum Útivistar. Hafa þetta verið 3. til 5. daga göngur. Árið 2015 er engin undantekning og nú er haldið í Strútsskála og gist þar í tjöldum í 4 nætur og gengið um nágrenni skálans. Ferðin endar í afmælisfagnaði Útivistar.

    Myndir úr ferðum kvennahópsins

    Næstu ferðir

    16. júlí 2016 - 22. júlí 2016

    Kvennahópur – Hornstrandaferð

  • Skíða-
    ferðir

    Skíðaferðir

    Skíðaferðir eru í boði fram að vori og leitum við þangað sem vænta má góðra snjóalaga. Þær er að finna í dagskrá dagsferða og helgarferða, en einnig bendum við á að alltaf er möguleiki á að skíðaferðir séu settar á dagskrá með skömmum fyrirvara og því er um að gera að fylgjast vel með hér á heimasíðu Útivistar.

    Næstu ferðir

  • Jeppa-
    ferðir

    Jeppaferðir

    Í jeppaferðum koma þátttakendur á eigin jeppum. Ferðast er í hóp undir leiðsögn fararstjóra sem hefur góða reynslu af þessari tegund ferðamennsku. Bæði er um að ræða vetrarferðir þar sem gerðar eru tilteknar kröfur um búnað jeppanna, svo og sumar- og haustferðir sem henta lítið breyttum eða óbreyttum jeppum. 

    Næstu ferðir

    22. júlí 2016 - 24. júlí 2016

    Fjallabak

    2. ágúst 2016 - 6. ágúst 2016

    Sumarleyfisferð jeppadeildar

    24. september 2016 - 25. september 2016

    Bárðargata og vesturhluti Vatnajökuls

  • Fjalla-
    refir

    Fjallarefir

    Hefur þig lengi langað í útivist og ekki látið verða af því? Heillar íslensk náttúra þig? Við bjóðum upp á góða göngudagskrá, þrekþjálfun og námskeið í fjallamennsku – allt í einum pakka. Byrjenda- eða framhaldsnámskeið. Er það ekki einmitt það sem þú þarft á að halda á nýju ári? Þá er upplagt að gerast Fjallarefur og taka þátt í skemmtilegum göngu- og útvistarnámskeiðum.

    Markmið námskeiðanna er:
    •    Að byggja markvisst upp gönguþrek og úthald.
    •    Að fræða um hagnýta hluti sem tengjast göngu- og fjallaferðum.
    •    Að kynna fjölbreyttar gönguleiðir innan og utan höfuðborgarsvæðisins.
    •    Að þátttakendur upplifi íslenska náttúru í skemmtilegum félagsskap.

    Boðið er upp á tvö námskeið í upphafi árs, annars vegar Fjallarefi I sem er grunnnámskeið og hins vegar Fjallarefi II sem er framhaldsnámskeið. Upphafsstaðir gangna með Fjallarefum I og II eru þeir sömu en göngurnar eru miskrefjandi.

    Fjallarefir I – Grunnnámskeið – vor

    Grunnnámskeiðið er sérhannað fyrir þá sem eru að stíga sín fyrstu skref í útivist. Farið er yfir undirstöðuatriði útivistar og byggt upp gönguþrek. Hver tími samanstendur af göngu, teygjum og útivistarráðgjöf.

    Lengd námskeiðs: janúar-mars.

    Möguleiki er svo á að færa sig yfir í Fjallarefi II að loknu grunnnámskeiði.

    Þrekgöngutímar eru á þriðjudögum (kl. 18:00-20:00) og gönguferðir tvo laugardaga í mánuði (dagsferðir). Hámarksfjöldi: 15 manns

    Fjallarefir II – Framhaldsnámskeið – Vor og haust

    Framhaldsnámskeiðin eru ætluð þeim sem áður hafa tekið þátt í námskeiðum Fjallarefa og/eða eru í ágætis gönguformi. Námskeiðin fela í sér þrekgöngutíma, lengri göngu- og fjallaferðir og helgarferð. Samhliða göngunum verður fræðsla þar sem þátttakendur safna í sarpinn hagnýtum upplýsingum sem tengjast útivist, til dæmis varðandi klæðnað, næringu, útbúnað og leiðarval.

    Lengd námskeiða: janúar-maí (vornámskeið) og september-nóvember (haustnámskeið). Þrekgöngutímar eru á þriðjudögum (kl. 18:00-20:00) og gönguferðir tvo laugardaga í mánuði (dagsferðir). Hámarksfjöldi: 40 manns.

    Verð á námskeiðum:

    Fjallarefir I (janúar-mars): kr. 25.000

    Fjallarefir II (janúar-maí): kr. 40.000

    Fjallarefir II (september-nóvember): kr. 25.000

    Séu bæði námskeið Fjallarefa II tekin saman kosta þau 55.000 kr. Hægt er að skipta greiðslum í tvennt án aukakostnaðar.

    Fjöldi þátttakenda á námskeiðunum er takmarkaður og kappkostað er að veita persónulega þjónustu miðað við færni hvers og eins. Þátttakendur koma á eigin bílum á upphafsstað göngu en geta sameinast í bíla eftir hentugleikum en einstaka sinnum er tekin sameiginleg rúta.

    Fararstjórar og leiðsögumenn hafa allir góðan grunn í ferðamennsku og búa yfir staðgóðri þekkingu á útivist og heilsu. Linda Udengård verkefnastjóri, Andri Lefever, Sigurður Magnússon, Ása Ögmundsdóttir, Sverrir Andrésson, Baldur Þorsteinsson og Vala Friðriksdóttir

     

    Næstu ferðir

    1. september 2016 - 30. nóvember 2016

    Fjallarefir II - framhaldsnámskeið haust 2016

  • Everest

    Everest

    Dagskrá Everest-hóps Útivistar er sniðin að vönu göngufólki sem vill takast á við snarpa áreynslu á ögrandi fjöllum. Á árinu 2016 eru þrjár helgarferðir á dagskránni, í júní, ágúst og september. 

    Fararstjórar áskilja sér rétt til að breyta því leiðarvali á fjöllin sem lýst er hér á eftir, í samræmi við aðstæður hverju sinni. Göngur eru alltaf á laugardögum en þó gæti gerst að ganga yrði færð yfir á sunnudag ef veður er mjög slæmt á laugardag en spáð að það verði afgerandi betra á sunnudag. Sé veðurspá fyrir báða dagana slæm er hugsanlegt að göngu yrði frestað til næsta laugardags.

    Farið er á einkabílum í ferðirnar. Þátttakendur safnast saman á skrifstofu Útivistar, þar er sameinast í bíla og farþegar taka þátt í eldsneytiskostnaði. Nokkrum dögum fyrir ferð senda fararstjórar út upp-lýsingar um hana og þátttakendur skrá sig í ferðina á vefsíðu Útivistar. Einnig eru upplýsingar settar inn á facebook-síðu hópsins og þar geta þátttakendur í hópnum haft samskipti sín á milli, auk þess sem þar eru settar inn myndir úr ferðum hópsins.

    Skráningargjald í hópinn er 25.000 kr. og síðan greiða þátttakendur mjög hóflegt gjald fyrir hverja ferð, það er 3.800 kr. fyrir dagsferðir og 7.000 kr. fyrir helgarferðir. Innifalið í skráningargjaldi eru kvöldgöngur á miðvikudögum í nágrenni borgarinnar tímabilið janúar-mars, alls 12 göngur. Þá er lagt af stað frá upphafsstað göngu kl. 18 og gengið í 1,5-2 klst.

    Fararstjórar eru Stefán Þ. Birgisson, Unnur Jónsdóttir og Snorri Guðjóns-son. Þau hafa öll mikla reynslu af fjallamennsku, ekki síst erfiðum fjall- og jöklagöngum, og hafa tekið ýmis námskeið varðandi öryggismál og ferðamennsku á fjöllum og jöklum. Project Manager er Kristíana Baldursdóttir.

    Næstu ferðir

    11. júní 2016 - 12. júní 2016

    Spennandi helgarferð í Öræfasveit

    13. ágúst 2016 - 14. ágúst 2016

    Helgarferð á Jökulborg eða Trölladyngju

  • Útivistar-
    gírinn

    Útivistargírinn

    Ókeypis göngur í nágrenni höfuðborgarinnar

    Komdu þér í Útivistargírinn fyrir sumarið með samheldnum hópi og nýrri tólf vikna dagskrá. Útivistargírinn leysir af hólmi Útivistarræktina, sem starfrækt hefur verið í um 20 ár.

    Fyrsta gangan er 6. apríl og stendur dagskrá fram til 22. júní. Hópurinn hittist vikulega á miðvikudögum klukkan 18:30 við Toppstöðina í Elliðaárdal og gengur saman spennandi gönguleiðir í nágrenni höfuðborgarsvæðisins. Göngurnar henta flestum og eru nýliðar í útivist sem og vant fólk hvatt til þess að taka þátt. Samhliða kvöldgöngunum verður lögð áhersla á að kynna grunnatriði í útivist og gönguferðum. Fjölbreytt starfsemi Útivistar, þar sem allir geta fundið eitthvað við sitt hæfi, veður einnig kynnt þátttakendum. Í þessum göngum eins og í öðrum göngum Útivistar er lögð áhersla á vinalegt andrúmsloft svo allir eigi góða stund saman.

    Göngurnar taka flestar 2,5-3,5 klukkustundir. Þátttakendur sameinast í bíla og deila eldsneytiskostnaði.

    Kynningarfundur verður haldinn þann 30. mars á skrifstofu Útivistar kl. 20.

    Þátttaka í göngunum er félagsmönnum Útivistar að kostnaðarlausu en skrá þarf þátttöku og er áhugasömum bent á upplýsingar um skráningu á heimasíðu Útivistar. Gönguleiðirnar eru fjölbreyttar og tekur röð þeirra mið af veðri og færð hverju sinni. Auglýst verður á vef Útivistar, á facebook síðu félagsins og á póstlista hvert verður farið hverju sinni. 

    Fjórir fararstjórar, Sigurður Jóhannsson, Hrönn Baldursdóttir, Kristey Briet Gísladóttir og Guðmundur Örn Sverrisson, leiða þátttakendur Útivistargírsins. Óhætt er að segja að fararstjórahópurinn sé fjölbreyttur en samhentur og hlakkar til að taka vel á móti öllum þeim sem vilja komast í Útivistargírinn.

    Fylgstu með og skráðu þig á Facebook síðu Útivistargírsins.

    Við bendum ennfremur á ókeypis göngur í Elliðaárdal alla mánudaga kl. 18.  Um óformlegar göngur er að ræða og þeir sem mæta ganga saman hring um dalinn.

    Næstu ferðir

    8. júní 2016

    Óvissuferð

    15. júní 2016

    Nyrðri-Eldborg