Umhverfis Esju 4: Grundarhverfi - Hrafnhólar

Dags:

sun. 15. okt. 2017

Brottför:

frá BSÍ kl. 09:30.

Þessi viðburður er liðinn.

„Esjan glóir, gulli lík“ segir í Breiðfirðingavísum Ólínu Andrésdóttur og það eru orð að sönnu. Um það hvaða hluti Esjunnar er fallegastur má deila en þar sem gangan hefst eru stórfengleg gljúfur og gil. Frá þeim hefur runnið mikið magn af jarðvegi svo myndast hafa aurkeilur sem í tímans rás hafa tekið af tún og bæi. Í Kjalnesingasögu er getið um Esju sem var forn í brögðum og bjó hún á Esjubergi. Þar verður gengið fyrir ofan tún og síðan stiklað yfir Gljúfurá. Á leið austur með Esjunni má njóta haustlitanna þar sem gengið verður eftir skógarstígum. Vegalengd 18-20. Göngutími 6-8 klst.

Verð til félagsmanna kr. 4.000. Ef bókað er og greitt gegnum vefsíðuna fyrir kl. 15 á föstudegi fyrir ferð er 10% afsláttur og tekur gilt verð hér að neðan tillit til þess. Athugið að þeir sem bóka fyrirfram hafa forgang ef pláss í rútu er takmarkað.

Til að taka þátt í ferðum Útivistar þarf að gerast félagsmaður, en við greiðslu félagsgjald er félagsmanni boðið í eina dagsferð.

Gott er að hafa með vaðskó/-sokka í þessa ferð!

Fararstjóri María Berglind Þráinsdóttir.

Verð 7.500 kr.
Verð 4.000 kr.

Nr.

1710D03
  • Suðvesturland