Dalastígur

Dags:

sun. 8. júl. 2018 - mið. 11. júl. 2018

Brottför:

frá BSÍ kl. 08:00.

  • Skáli

Dalastígur er ný gönguleið á fáförnum en virkilega áhugaverðum slóðum að Fjallabaki. Fari með rútu að Mosum skammt frá Markarfljóti þar sem gangan hefst. Þaðan verður gengið í Þverárgil og komið við í sérstæðum gististað gangnamanna í hellisskúta. Áfram er haldið í skálann í Hungurfitjum þar sem gist verður fyrstu nóttina. Frá Hungurfitjum er gengið upp Skyggnishlíðar að Skyggnisvatni, síðan að Laufavatni í Laufahrauni og áfram í Dalakofann í gistingu. Leiðin frá Dalakofanum liggur yfir norðanverðan Svartakamb að Rauðufossafjöllum. Þar finna göngumenn sérkennilega uppsprettu Rauðufossakvíslar og verður ánni fylgt niður fyrir Rauðufossa. Þaðan verður gengið í Landmannahelli og gist þar. Á fjórða degi verður gengið frá Landmannahelli um Hellismannaleið í Landmannalaugar, en þar bíður rúta eftir hópnum.

Nánari leiðarlýsing hér: http://www.utivist.is/frodleikur/leidarlysingar/dalastigur

Verð 49.000 kr.

Nr.

1807L03
  • Miðhálendi