Í öllum ferðum á vegum Jeppadeildar Útivistar eru þátttakendur í hópferð á eigin bílum. Við höldum hópinn og hjálpumst að þegar með þarf. Samskipti milli manna fara fram í gegnum talstöðvar VHF á meðan verið er á ferð og gaman er ef sem flestir leggja sitt til málana bæði í gamni og alvöru. Auðvitað stoppum við svo hér og þar eftir þörfum yfir daginn auk gistinga í skála að nóttu.

 

Almennt gildir að taka með sér nóg af fatnaði til að geta verið úti í hvaða veðri sem er. Bílar geta bilað og einnig geta þeir orðið fastir og þá gildir að hópurinn vinni saman að úrlausn mála.  Í einstaka tilfellum geta bilanir verið með þeim hætti að skilja þurfi bíla eftir.

 

Hlýr fatnaður

Aukaföt

Góðir gönguskór

Vatnsþéttur skjólfatnaður

Nesti fyrir ferðina, +varanesti til eins dags

Svefnpoki

Kort af svæðinu

Vasaljós / höfuðljós

Eldspýtur

Sólgleraugu

Sólarvörn
Sími (GSM samband er komið víða á hálendinu)

 

Góðir vetlingar og húfa

Staðsetningartæki

Skíðagleraugu

Kuldagalli eða annar góður skjólfatnaður

Hitabrúsi fyrir heita drykki

 

VHF talstöð

Loftdæla og loftmælir

Dekkjaviðgerðasett (eða varadekk)

Felgulykill
Dráttartóg
Reimar, hráolíusíur (fyrir díselbíla)

Kertaþræði, kerti, kveikjulok, hamar

Frostlögur

Smurolía á vél, gírkassa og drif

Bremsuvökvi

Verkfærasett

Hjólalegur

Hjöruliðskross

 

Skófla

Startkaplar

Járnkarl / álkarl 

Vöðlur (æskilegar)

Slaghamar og meitill (til að brjóta ís af undirvagni)

 

Drullutjakkur (amk. 1 í hverjum hóp)

Dráttarspil

Inniskór í skálaferðum

Sundföt/handklæði

Myndavél

Gashitari

Aðrir varahlutir skv. reynslu hvers og eins.

 

Gætið sérstaklega vel að því að vera með nægjanlegt eldsneyti miðað við eyðslu bílsins og fyrirliggjandi ferðaplan.  Ekki er óalgengt að í vetrarferðum í þungu færi þurfi að reikna með sem svarar einum tanki á dag.  Í sumarferðum er rétt að hafa í huga að langvarandi akstur í lágum gír þýðir jafnan meiri eldsneytiseyðslu en í langkeyrslu á þjóðvegum.